चन्द्र पन्दाक
ताप्लेजुङ, मङ्सिर २१ गते। ताप्लेजुङको मैवाखोला गाउँपालिकाले प्रहरी चौकीलाई मोटरसाइकल प्रदान गरेको छ। शान्ति सुरक्षा व्यवस्थापनमा सहयोग पु¥याउने उद्देश्यसहित गाउँपालिकाले फाकुम्बा अस्थायी प्रहरीचौकीलाई एक थान मोटरसाइकल प्रदान गरेको हो।
गाउँपालिका अध्यक्ष विजयप्रकाश वनेमले शुक्रबार दोभान इलाका प्रहरी कार्यालय इन्चार्ज एवम् प्रहरी निरीक्षक ओमप्रकाश पण्डित र अस्थायी प्रहरी चौकी इन्चार्जलाई मोटरसाइकल हस्तान्तरण गर्नु भएको छ। शान्ति सुरक्षा व्यवस्थापनलाई थप व्यवस्थित बनाउनमाा सहयोग पुर्याउन मोटरसाइकल उपलब्ध गराएको गाउँपालिका अध्यक्ष वनेमले बताउनुभयो।
मैवाखोला गाउँपालिकाका प्रमुख प्रशासकीय अधिकृत विष्णु थापा, फाकुम्बाका वडाध्यक्ष केशर लिम्बू, सशस्त्र प्रहरी बल नेपाल ढुङ्गेसाँघु बेसक्याम्पका प्रमुख सशस्त्र प्रहरी निरीक्षक योगाहाङ पतङ्वा लगायतको उपस्थितिमा मोटरसाइकल हस्तान्तरण गरिएको छ।
