ग्यास बोकेको गाडीको ठक्करले महिलाको मृत्यु

वसन्त पराजुली

नारायणगढ, मंसिर ३ गते । पृथ्वी राजमार्गको फिस्लिङमा सोमवार दिउँसो ग्यास बोकेको गाडीले पैदल यात्रीलाई ठक्कर दिँदा पैदलयात्री महिलाको मृत्यु भएको छ । इच्छाकामना गाउँपालिका वडा नम्बर ३ फिस्लिङमा भारतबाट बनेपातर्फ जाँदै गरेको  एनएल ०१ एन ०२८० नम्बरको भारतीय ग्यास बुलेटले पैदल यात्रुलाई ठक्कर दिएको हो । 

प्रहरी नायव उपरीक्षक भेषराज रिजालका अनुसार सो दुर्घटनामा मृत्यु हुने महिलाको सनाखत हुन सकेको छैन । उहाँको घटना स्थलमै मृत्यु भएको प्रहरीले जनाएको छ ।