हरि कोइराला
उर्लाबारी, मङ्सिर ३ गते । मोरङको कानेपोखरी–रङ्गेली सडकको दलेली बजारमा टिपरको ठक्करबाट एकजना गम्भीर घाइते भएका छन् ।
दक्षिणबाट उत्तरतर्फ आउँदै गरेको मोतीजन कन्स्ट्रक्सन प्रालिको बा.प्र ०३–००१क –०२७४ नम्बरको टिपरले कानेपोखरी–२ का ३५ वर्षीय रमेश दाहाललाई सोमबार बिहान ८ः३० बजेतिर ठक्कर दिएको हो ।
दाहालको टाउको र खुट्टामा गम्भीर चोट लागेको छ । सडकमा हिँडिरहेका दाहाल फरक क्षमताका व्यक्ति हुनुहुन्थ्यो । कानेपोखरी–२ का वडाध्यक्ष सुशील बुढाथोकीका अनुसार दाहालको गम्भीर दाहालको बिएण्डसी अस्पताल बिर्तामोडमा उपचार भइरहेको छ ।
दाहाललाई ठक्कर दिने टिपर र चालक जर्नल तामाङलाई प्रहरीले नियन्त्रणमा लिएको छ ।
