लामाको ‘दुःखी आत्मा’

गोरखापत्र समाचारदाता

काठमाडौँ, मङ्सिर १ गते । चलचित्र ‘दुःखी आत्मा’ को प्रदर्शन मिति तय भएको छ । सामाजिक कथावस्तुमा आधारित चलचित्रलाई दीपेन्द्र लामाले निर्देशन गर्नुभएको छ । चलचित्र फागुन २ गते ‘भ्यालेन्टाइन डे’ को दिन प्रदर्शन हुने चलचित्र निर्माता ब्यानर क्लक वर्क क्रियसनलले जनाएको छ । चलचित्रमा दयाहाङ राई, आँचल शर्मा, अनुपविक्रम शाही, बुद्धि तामाङ, रेअर राईलगायतका कलाकारको अभिनय रहेको छ ।  चलचित्रका निर्मातामा हिमाल कडरिया हुनुहुन्छ । निर्देशक लामा र निर्माता कडरिया मिलेर यसअघि ‘नाङ्गो गाउँ’ निर्माण गर्नुभएको थियो ।