नेपाललाई युएईले दियो ८४ रनको लक्ष्य

काठमाडौँ, कात्तिक २८ गते । आइसिसी महिला यु–१९ टी–२० विश्वकप एसिया छनोटको अन्तिम खेलमा घरेलु टोली युएईले जितका लागि नेपाललाई ८४ रनको लक्ष्य दिएको छ ।

टस जितेर पहिले ब्याटिङ गरेको युएईले निर्धारित २० ओभरमा नौ विकेटको क्षतिमा ८३ रन बनायो । युएईका लागि समैरा धरनीधर्काले सर्वाधिक ३१ रन बनाउनुभयो । यस्तै रिनिथा रञ्जिथाले १८ बलमा २० तथा इन्दुजा नन्दकुमारी र लाभन्या केन्याले १०/१० रन बनाउनुभयो । 

बलिङमा नेपालकी कृष्णा गुरुङले चार विकेट लिनुभयो । उहाँले भचार ओभरमा १७ रन खर्चिएर उक्त विकेट लिनुभएको हो । रिया शर्मा र सिमा केसीले दुई दुई र रचनाकुमारी चौधरीले एक विकेट लिनुभयो ।