निशा राई
धरान, कात्तिक २६ गते । स्वास्थ्य तथा जनसङ्ख्यामन्त्री प्रदीप पौडेलले उपचारका लागि ब्रेन डेथ प्रक्रियाको सुरुवात गर्ने योजना भइरहेको बताउनुभएको छ ।
सोमबार धरान उपमहानगरपालिकाको पार्टी कार्यालयमा कार्यकर्ताहरुसँगको भेटघाट कार्यक्रममा उहाँले ब्रेनडेथ भनेको मानिसको मृत्यु भएको २४ घण्टासम्म मानिसको आँखा, मुटु, किट्नी, फोक्सो, कलेजो लगायत जीवित रहन्छ त्यसलाई निकालियो भने अर्कोमा प्रत्यारोपण गर्न मिल्छ त्यसैले गर्दा यसको लागि परिवारले स्वीकृत दिएमा परिवारलाई २ लाख सरकारले दिने व्यवस्था गरेको बताउनुभयो । “यसको लागि निर्णय गरेर पठाएका छौँ,” उहाँले भन्नुभयो ।
यसले मानिसहरुलाई नयाँ जीवन र अङ्ग मिल्छ भनि गर्न कोशिस गरिरहेको मन्त्री पौडेलले बताउनुभयो । परिवारले अङ्ग दिने भनी जुन अस्पतालले खबर गर्छ उक्त अस्पताललाई पनि ७५ हजार दिने व्यवस्था रहेको उहाँले बताउनुभयो । यसका लागी सुरुमा अङ्ग सङ्कलन गर्ने र अङ्ग चाहिनेले निवेदन दिने र पहिले निवेदन दिनेलाई शुरुमा अङ्ग प्रत्यारोपण गर्ने उहाँले बताउनुभयो ।
यसैसँगै आफ्नो अंग दान गरी पुण्य गर्न चाहेमा सरकारलाई निवेदन दिएर आफ्नो अंग दान गर्ने पनि नियम बनाउन लागी परेको मन्त्री पौडेलले बताउनुभयो । आगामी दुई महिनामा डब्लुएचओबाट ३५ प्रकारको औंषधी ल्याई १४ वर्षको बालबालिकाहरुलाई निशुल्क दिने प्रकृया सुरु गर्ने उहाँले बताउनुभयो । “मङ्सिरदेखि १४ वर्ष मुनिका बालबालिकाहरुलाई ४ अस्पतालमा निशुल्क क्यान्सर उपचार गराउन सुरु गर्ने उहाँले बताउनुभयो ।
यसैगरी मुटु रोगको उपचार र प्रत्यारोपणको प्रक्रियाको ७ वटै प्रदेशमा गराउने उदेश्य रहेकोले लागी परेको मन्त्री पौडेलले बताउनुभयो । स्वास्थ्य स्वयंसेविकाहरुलाई जहाँ जाँदा पनि भाडा नलिने व्यवस्थासमेत बनाउँदै गरेको उहाँले बताउनुभयो । त्यसको लागी स्वयंसेविकाहरुले ड्रेस लाउनुपर्ने हुन्छ।
बीपी कोइराला स्वास्थ्यविज्ञान प्रतिष्ठान धरानमा एमसीएचको सेवा फगुनबाट शुरु गर्ने र अर्कियोलोजी र कार्डियोलोजी शुरु हुने प्रक्रियामा रहेको मन्त्री पौडेल बताउनुभयो ।
भेटघाट कार्यक्रममा धरान उपमहानगरपालिकाको निवर्तमान प्रमुख तिलक राई, नेपाली कांग्रेस धरानका सभापति श्याम पोख्रेल, सुनसरी क्षेत्र नं.१ को सभापति सुजेन्द्र तामाङ, कोशी महामन्त्री उमेश थापा धरान १६ का वडाध्यक्ष मुरार प्रसाद भट्टराईलगायत पार्टीका सदस्यहरुको उपस्थिति थियो।
