गोरखापत्र समाचारदाता
काठमाडौँ, कात्तिक १४ गते । नेपाली चलचित्र ‘अनौठो तिर्सना’ ओटिटी प्लेटफर्म अमेजन प्राइममा प्रदर्शन हुने भएको छ । अमेजन प्राइममा प्रदर्शन हुने यो पहिलो नेपाली चलचित्र हो । चलचित्रमा कलाकार विजय बराल, विकास लामिछाने, सृष्टि खड्कालगायतका अभिनय रहेको छ । स्टोर्मक्रो प्रोडक्सन र स्टोर्मक्रो फ्रेमवर्कको संयुक्त ब्यानरमा निर्माण भएको चलचित्रको कथा बाबुराम निरौलाले लेख्नुभएको हो । अमेजन प्राइममा अमेरिका, संयुक्त अधिराज्य र जर्मनीभित्र प्रदर्शन हुने चलचित्रलाई नेपालको हलमा समेत प्रदर्शन गरिने छ ।
