सुख्खा पहिरोका कारण अरनिको राजमार्ग अवरुद्ध

केदार तिमल्सिना 

बनेपा, असोज २७ गते । अरनिको राजमार्ग अन्तर्गत पाँचखाल नगरपालिका-८ मा सुख्खा पहिरो खस्दा अरनिको राजमार्ग अवरुद्ध भएको छ । शनिबार राति करिब ९ बजेतिर आएको पहिरोका कारण अरनिको राजमार्ग अन्तर्गत ५० किलोमा सडक पूर्णरुपमा अवरुद्ध भएको हो । 

ट्राफिक प्रहरी पोस्ट पाँचखालका इन्चार्ज राम थापाले सुख्खा पहिरोका कारण राजमार्ग रातिदेखि अवरुद्ध भएको बताउनुभयो । उहाँले अवरुद्ध राजमार्ग एकतर्फी सुचारु गर्नका लागि पहिरो पन्छाउने काम भइरहेको बताउनुभयो । राजमार्ग अवरुद्ध हुँदा सयौँ सवारी साधनहरूको लाम लागेको छ ।