अनिल पराजुली
हेटौँडा, असोज २३ गते । पश्चिम मकवानपुरको मनहरी गाउँपालिका–६, फरिवाबमा करेन्ट लागेर राजकुमार प्रजा घाइते हुनुभएको छ । मकवानपुरको राक्सिराब गाउँपालिका–५ बस्ने ४२ वर्षीय प्रजा करेन्ट लागेर घाइते हुनुभएको हो ।
नेपाल विद्युत प्राधिकरण हेटौँडा अन्तर्गतको मनहरी फ्युज सेवाको कार्यालयमा कार्यरत प्रजा फरिवाबमा विद्युतको लाइन मर्मत गर्ने क्रममा मङ्गलवार एक्कासि करेन्ट लागेर घाइते हुनुभएको बागमती प्रदेश प्रहरी कार्यालय हेटौँडाले जनाएको छ ।
घाइते प्रजालाई उपचारको लागि नया मेडिकल कलेज भरतपुर चितवनमा लगिएको छ । उहाँको छातिमा चोट लागेको र अवस्था मध्यम रहेको प्रहरीको भनाइ छ ।
