नारद कोहार
तैलिहवा (कपिलबस्तु), भदौ २५ गते । कपिलबस्तुको यशोधरा गाँउपालिकाको मर्सैया खोलामा डुबेर एक बालकको मृत्यु भएको छ ।
मृत्यु हुनेमा यशोधरा गाँउपालिका वडा नं.५ बैदौलीका मोहम्मद मुसलमानका ७ वर्षीय छोरा मोहम्मद उमर मुसालमान रहेको जिल्ला प्रहरी कार्यालय कपिलबस्तुका प्रहरी नायब उपरिक्षक हरिबहादुर वलीले बताउनुभयो ।
माछा मार्ने क्रममा डुबेर अशक्त भएका मुसलमानको कपिलबस्तु अस्पताल तौलिहवामा उपचारको क्रममा मृत्यु भएको उहाँले बताउनुभयो । मृतकको शवलाई पोष्टमार्टम गरी परिवारको जिम्मा लगाईएको उहाँको भनाई छ ।
