टर्की, भदौ १९ गते । टर्कीको जीडीपी वृद्धि दोस्रो त्रैमासमा २.५ प्रतिशतमा घटेको छ । जारी गरिएको आधिकारिक तथ्याङ्कले यस वर्षको दोस्रो त्रैमासिकमा टर्कीको अर्थतन्त्र अपेक्षाभन्दा कम भएको देखाएको छ ।
यो वृद्धि दर अघिल्लो त्रैमासिकको तुलनामा ०.१ प्रतिशत मात्र बढेको टर्किस तथ्याङ्कीय संस्थानले जनाएको छ । वृद्धिमा आन्तरिक मागको योगदान १.२ प्रतिशतले घटेको तथ्याङ्कले देखाएको छ भने खुद विदेशी माग १.३ अङ्कले बढेको छ ।
गत वर्षमा मौद्रिक कडाइको बिचमा मन्दी आएको हो । गत जुनदेखि, टर्कीको केन्द्रीय बैंकले आफ्नो प्रमुख ब्याजदर ८.५ बाट ५० प्रतिशतमा बढाएर रकेटिङ मुद्रास्फीतिलाई नियन्त्रण गरेको छ ।
मुद्रास्फीति दर मेमा ७५ प्रतिशतमा पुगेको थियो र जुलाईमा ६१.७८ प्रतिशतमा झरेको थियो । अघिल्लो त्रैमासिकको तुलनामा रोजगारीमा रहेका जनसङ्ख्या दुई लाख पाँच हजारले बढे पनि दोस्रो त्रैमासिकमा बेरोजगारी दर ८.८ प्रतिशत रहेको अर्थमन्त्री मेहमेट सिमसेकले बताउनुभयो । सिन्ह्वा/न्यूज एजेन्सी नेपाल
