शालिग्राम नेपाल
चितवन, असार १६ गते। चितवनको भरतपुरस्थित बिपी कोइराला मेमोरियल क्यान्सर अस्पतालमा उपचार गराउँदै आएका एक चिनियाँ नागरिक मृत अवस्थामा भेटिएका छन्।
भरतपुर महानगरपालिका वडा नम्बर ७ स्थित वर्षना होटलमा बसेर अस्पतालमा उपचार गर्दै आउनुभएका ५६ वर्षीय पियान छ्याङसिन मृत अवस्थामा भेटिएको जिल्ला प्रहरी कार्यालय चितवनले जानकारी दिएको छ।
भरतपुर महानगरपालिका ७ स्थित क्यान्सर अस्पतालको १ नम्बर गेट अगाडि वर्षना होटलको कोठा नम्बर ११९ मा चाइनिज मृत्युको अवस्थामा भेटिएको हो ।
क्यान्सरको उपचार गर्न मृतक चाइनिज असार १० गते सो होटलमा बस्दै आउनुभएको थियो।मृत अवस्थामा भेटिएपछि प्रहरीले अनुसन्धान कार्य गरिराखेको छ।
