काठमाडौँ, जेठ ३ गते। गीतकार तथा नेपाल राष्ट्र बैङ्कका पूर्व डेपुटी गभर्नर चिन्तामणि सिवाकोटीले लेख्नुभएको ‘रिटिङ रिटिङ’ मा बोलको गीतको म्युजिक भिडियो सार्वजनिक भएको छ।
दीपक लिम्बु र बेनिशा पौडेलको स्वर रहेको गीतमा गरिमा शर्मा र विमल अधिकारीको अभिनय छ। दीपक शर्माको सङ्गीत रहेको म्युजिक भिडियोको निर्देशन कृष्णदेव रुपाखेतीले गर्नुभएको हो।
भिडियोको छायाङ्कन काभ्रेको पाँचखालमा गरिएको निर्देशक रुपाखेतीले बताउनुभयो। म्युजिक भिडियोमार्फत नेपाली ग्रामीण जनजीवनको जीवन्त कथा वस्तु र स्थानीय परिवेशलाई प्रस्तुत गरिएको गीतकार सिवाकोटीको भनाइ छ। गीत मौलिक नेपाली लोकलयमा तयार गरिएको छ।
