पाकिस्तान, वैशाख २२ गते । पाकिस्तानको दक्षिणपश्चिम बलुचिस्तान प्रान्तको खुजदार जिल्लामा भएको विस्फोटमा परी कम्तीमा तीन जनाको मृत्यु हुनुको साथै अन्य आठ जना घाइते भएको प्रहरीले जनाएको छ ।
जिल्लाको चमरुक क्षेत्रमा दिउँसो स्थानीय पत्रकारको गाडीलाई लक्षित गरी बम प्रहार भएको प्रहरीले जनाएको छ । विस्फोटमा पत्रकार र अन्य दुई जनाको ज्यान गएको थियो भने घटनास्थलमा रहेका अन्य आठ जना घाइते भएका थिए ।
घाइते सबैलाई स्थानीय अस्पतालमा लगिएको र उनीहरूको उपचार भइरहेको स्थानीय सञ्चारमाध्यमले जनाएका छन् ।
घटनाको जारी गरिएको सिसिटिभी फुटेजले मोटरसाइकलमा सवार एक व्यक्तिले कारमा एउटा उपकरण जोडेको देखाएको छ । जसले गर्दा विस्फोट भएको बताइएको छ । अहिलेसम्म कुनै पनि समूह वा व्यक्तिले आक्रमणको जिम्मेवारी लिएको छैन ।
सिन्ह्वा/न्यूज एजेन्सी नेपाल
