अमरराज नहर्की
तनहुँ, चैत १५ गते । चारैतिर अग्लो पर्खाल, त्यसमाथि काँडेतारले घेरिएको तनहुँका कारागारमा रहेका एक कैदी बन्दी एसइई परीक्षामा सामेल हुनु भएको छ ।
भानु नगरपालिका–१ का कर्तव्य ज्यान मुद्दाका कैदी बन्दीले यस वर्ष एसइई परीक्षा दिनुभएको हो । व्यास नगरपालिका –३, दमौलीस्थित महर्षिवेदव्यास केन्द्रबाट उहाँले परीक्षा दिनुभएको तनहुँ कारागारका निमित्त प्रमुख नारायणप्रसाद अधिकारीले जानकारी दिनुभयो ।
छ महिनाअघि जेल पर्नुभएका उहाँका लागि विशेष सुरक्षा व्यवस्था मिलाई परीक्षा केन्द्रमा लगेर जाँच दिने व्यवस्था मिलाइएको अधिकारीले जानकारी दिनुभयो ।
