वर्तमान सरकारले अभिव्यक्ति स्वतन्त्रतालाई सदैव सुरक्षित गर्छ : प्रधानमन्त्री
प्रधानमन्त्री पुष्पकमल दाहाल ‘प्रचण्ड’ले लोकतन्त्र र नागरिक अधिकारलाई सर्वोपरि राखेको वर्तमान सरकारले अभिव्यक्ति स्वतन्त्रतालाई सदैव सुरक्षित गर्ने बताउनुभएको छ ।
मिलनचोक–रातोढुङ्गा प्रसारण लाइन र सबस्टेशनको परीक्षण सफल
पर्वतको जलजला गाउँपालिका–४ मोहनचोकबाट म्याग्दीको मालिका गाउँपालिका–६ रातोढुङ्गा जोड्ने २२ किलोमिटर दूरीको प्रसारण लाइन र रातोढुङ्गामा ३३÷११ केभी क्षमताको सबस्टेशनको परीक्षण गरिएको हो । निर्माण कम्पनी एटुुजेड इन्जिनियरिङका प्रतिनिधि पद्यसागर लुुइँटेलले प्रसारण लाइन र सबस्टेशनको परीक्षण सफल भएको जानकारी दिनुभयो ।
पलायन भइरहेका विद्यार्थीलाई स्वदेशमै आकर्षित गर्नुपर्छ : प्रधानमन्त्री
प्रधानमन्त्री पुष्पकमल दाहाल ‘प्रचण्ड’ले शिक्षा र रोजगारीका लागि पलायन भइरहेका विद्यार्थीलाई स्वदेशमै आकर्षित गर्न हरसम्भव प्रयास गर्नुपर्ने बताउनुभएको छ ।
स्याङ्जा उद्योग वाणिज्य संघको अध्यक्षमा श्रेष्ठ निर्वाचित
स्याङ्जा उद्योग वाणिज्य संघको ३८ औँ साधारण सभा तथा अधिवेशनबाट अध्यक्षमा महादेव श्रेष्ठ निर्वाचित हुनुभएको छ । श्रेष्ठले निकटतम प्रतिस्पर्धी हिक्मत कुमार श्रेष्ठलाई आठ मतले पराजित गर्दै निर्वाचित हुनु भएको हो ।
पाकिस्तानमा र्यालीका क्रममा विस्फोट हुँदा पाँच जनाको मृत्यु
दक्षिण पश्चिम पाकिस्तानमा राजनीतिक र्यालीका क्रममा विस्फोट हुँदा पाँच जनाको मृत्यु भएको छ । पाकिस्तानको दक्षिणपश्चिम बलुचिस्तान प्रान्तमा मङ्गलवार एउटा राजनीतिक र्यालीका क्रममा विस्फोट हुँदा कम्तिमा पाँच जनाको मृत्यु हुनुका साथै अन्य पाँच जना घाइते भएका छन् ।
इरानसँग युद्ध चाहेका छैनौँः अमेरिका
अमेरिकाले राष्ट्रपति जो बाइडेन प्रशासनले इरान समर्थित मिलिसियाहरूलाई जिम्मेवार ठहराएको ड्रोन आक्रमणमा मध्यपूर्वमा तीन अमेरिकी सैनिक मारिएपछि संयुक्त राज्य अमेरिकाले इरानसँग युद्ध नगर्ने बताएको छ ।
प्युठानमा बेवारिसे अवस्थामा शिशु फेला
प्युठानको जुम्रीमा बेवारिसे अवस्थामा नवजात शिशु (छोरी) फेला परेको छ । होटेल आयुष्मा नजिकै जस्ताको छाप्रोमा सालनालसहित कपडाले छोपेर झोलुङ्गोमा राखेको अवस्थामा शिशु फेला परेको प्रहरीले जनाएको छ ।
इजरायली सेनाद्वारा जेनिनमा तीन प्यालेस्टाइनीको हत्या
इजरायली सेनाले वेस्ट बैंकको जेनिन शहरको एक अस्पतालमा छापा मार्ने क्रममा तीन प्यालेस्टिनी युवाको हत्या गरेको प्यालेस्टिनी र इजरायली स्रोतहरूले बताएका छन् ।
अफगानिस्तानमा ७५ लाखभन्दा बढी बालबालिकालाई पोलियोविरुद्धको खोप लगाइने
अफगानिस्तानका ३४ प्रान्तमध्ये २१ वटा प्रान्तमा पाँच वर्ष मुनिका ७५ लाखभन्दा बढी बालबालिकाले पोलियोविरुद्धको खोप लगाउने भएका छन् ।
बढी भार बोक्ने सवारीलाई कारबाही
नेपालमा ३० टनभन्दा बढी भार बोक्न पाइँदैन । सडक र पुलको क्षमता अनुसार यो मापदण्ड निर्धारण गरिए पनि मालवाहक सवारीसाधनले भने दोब्बर बढी भार बोक्ने गरेको पाइएको छ । भारतबाट आउने ठुला मालवाहक सवारीसाधनले ९६ टनसम्म भार बोकेर नेपाल भित्रिइरहेको भन्दै पश्चिमाञ्चल यातायात व्यवसायी समितिले प्रशासनको ध्यानाकर्षण गराएको छ ।
जग्गाधनी प्रमाणपुर्जा वितरण
रुपन्देहीको सियारी गाउँपालिका–१ र ७ मा अव्यवस्थित बसोबासीले जग्गाधनी प्रमाणपुर्जा (लालपुर्जा) प्राप्त गरेका छन् । राष्ट्रिय भूमि आयोग जिल्ला समिति रुपन्देहीको आयोजना एवं सियारी गाउँपालिकाको समन्वय तथा सहजीकरणमा १७ जनालाई लालपुर्जा वितरण गरिएको हो ।
पुल मर्मत नहुँदा दुर्घटनाको जोखिम
राप्तीको बाढीले क्षति पुर्याएको झोलुङ्गे पुल मर्मत नगरिँदा दुर्घटनाको जोखिम बढेको छ । राप्तीसोनारी गाउँपालिका–१, कुसुमस्थित बाँसखोली–भवानियापुर जोड्ने झोलुङ्गे पुलमा २०७९ साल असोजमा आएको बाढीले क्षति पुर्याएको थियो । सो पुलको अझैसम्म मर्मतसम्भार गरिएको छैन । झोलुङ्गे पुलमा क्षति पुगेको एक वर्ष बितिसक्दा पनि मर्मत गर्न बेवास्ता गरिएको आरोप स्थानीय बासिन्दाको छ ।
कृषि तथा पशु मेला प्रदर्शनी : ४३ किसान पुरस्कृत
कृषि तथा पशु मेला प्रदर्शनीमा सहभागी ४३ किसानलाई पुरस्कृत तथा २९ किसानलाई सम्मान गरिएको छ । दिक्तेल रुपाकोट मझुवागढी नगरपालिका, प्रधानमन्त्री कृषि आधुनिकीकरण परियोजना र कृषि ज्ञान केन्द्र खोटाङले संयुक्तरूपमा आयोजना गरेको कृषि तथा पशु मेला प्रदर्शनी कार्यक्रममा सहभागी किसानलाई पुरस्कार तथा सम्मान प्रदान गरिएको हो ।
न्यानोमा गाउँ, जाडोमा पोखरा
अहिले उपल्लो मुस्ताङको तापक्रम माइनस २० डिग्री सेल्सियसभन्दा कम छ । यस्तो ठिहीमा अभिभावकसँगै बेँसी झरेका बालबालिका घुम्ती विद्यालयमा छन् । कात्तिकमा बेँसी झरेका घुम्ती विद्यालय वैशाखमा मात्रै फर्कन्छन् । तिब्बतसँग सीमा जोडिएको लोमान्थाङ र लोघेकर दामोदरकुण्ड गाउँपालिकाका सबै विद्यालय अहिले बेँसीमा सारिएका हुन् । लोघेकर–२ को घमी आधारभूत विद्यालयले भने दुई महिना बिदा गरेको छ । तल्लो मुस्ताङका घरपझोङ, थासाङ र बारगुङ मुक्तिक्षेत्र गाउँपालिकाका सबै विद्यालयले पुस र माघ बिदा दिने गरेका छन् ।
चिसोले सोलुको जनजीवन प्रभावित : खुम्बुक्षेत्र सुनसान
चिसो अधिक भएपछि हिमाली पर्यटनको मुख्य गन्तव्य खुम्बुका अधिकांश व्यवसायी तथा स्थानीय बासिन्दा जाडो छल्न अन्यत्र गएका छन् । पर्यटकीय याममा व्यस्त हुने होटल पसल व्यवसायी पनि जाडो छल्न खुम्बुक्षेत्रबाट बाहिरिन थालेका छन् ।
-original-thumb.jpg)
केयूमा विद्यार्थी भर्नादर १५ प्रतिशतले बढ्यो
नेपाली विद्यार्थीहरु अध्ययनका लागि विदेशिने क्रम बढे पनि काभ्रेपलाञ्चोकको धुलिखेलमा रहेको काठमाडौं विश्वविद्यालय (केयू) मा पछिल्लो दुई वर्षदेखि विद्यार्थी भर्नादरमा वृद्धि भएको छ ।
एकै वडाका बिस युवा जेलमा
जाजरकोट जिल्लाको नलगाड नगरपालिका–९ का २० युवा विभिन्न मुद्दामा जेलमा बन्दी जीवन बिताइरहेका छन् । नलगाड–९, घरङ्गा, बाँसकोट र ताँत्रा गाउँका २० युवा अफिम खेती वा ओसारपसार गर्नेसम्बन्धी कसुरमा जेल परेका हुन् । आर्थिक प्रलोभनमा अपरिचित व्यक्तिको अफिम ओसारपसार गर्दा उनीहरू जेल परेका हुन् । ती युवालाई तीन वर्षदेखि १० वर्षसम्मको कैद सजाय तोकिएको पाइएको छ । तिनमा १२ जना भारतीय कारागार र पाँच जना जाजरकोट कारागारमा छन् । सुर्खेत, बाँके र काठमाडौँ कारागारमा एक/एक जना छन् ।
-original-thumb.jpg)
परम्परागत ‘पापिनी’ मेलामा केटीकेटीबिच विवाह
रुकुमपश्चिमको मुसीकोट नगरपालिका–७ को साँख गाउँको बिचमा रहेको छ, सुन्दर साँखदह । दहले छुट्याएको छ माथिगाउँ र तलिगाउँ । यस वर्ष माथिगाउँले तलिगाउँसँग दुलही माग्यो र विहेवारी भयो ।
तम्घासमा बाँदरले दुःख दिएपछि रुख कटान
तम्घासमा बाँदर र बदेलले दुःख दिएपछि स्थानीयहरुले रुख कटान गर्न सुरु गरेका छन् । जिल्लाको रेसुङ्गा नगरपालिका वडा नम्बर १ का स्थानीयहरुले निजी जग्गामा रहेका कुकाठ, बाँस, सल्ला, खरीलगायत झाडी फडानी गरेको वडा कार्यालयले जनाएको छ ।
पाल्पामा रेडियो नेपालको रिले प्रसारण
रेडियो नेपालले पाल्पाबाट एफएम रिले प्रसारण सुरु गरेको छ । पाल्पाको बगनासकाली–९, स्थित बगनास डाँडाबाट एफएम रिले स्टेसन स्थापना गरी रेडियो नेपालले प्रसारण सुरु गरेको हो ।
मनाङ ङिस्याङ र नार्पाभूभि स्वमूल्याङ्कनमा समान अङ्क
चार पालिका रहेको मनाङमा चामे गाउँपालिकाले संस्थागत क्षमता स्वमूल्याङ्कनमा जिल्लामै उत्कृष्ट अङ्क प्राप्त गरेको छ ।
शहीद दशरथ चन्द स्मृति पुरस्कारबाट दुवाल सम्मानित
लामो समयदेखि साहित्यिक पत्रकारिता गर्दै आउनु भएका मोहन दुवाल सम्मानित हुनुभएको छ । हाम्रो सिर्जना साहित्यिक पत्रिकाले स्थापना गरेको शहीद दशरथ चन्द स्मृति पुरस्कारबाट दुवाल सम्मानित हुनुभएको हो ।
करको विरोधमा हल बन्द गरिने
देशभरका चलचित्र हल बन्द हुने भएका छन् । चलचित्र विकास शुल्क र स्थानीय मनोरञ्जन करको विरोधमा माघ २२ गते हल सञ्चालकले देशभरका हल बन्द गर्ने भएका छन् । नेपाल चलचित्र सङ्घले अव्यावहारिक कर खारेजीको माग गर्दै साङ्केतिक रूपमा उक्त दिन देशभरका हल बन्द गर्ने मङ्गलबार जारी विज्ञप्तिमा सो कुराको जानकारी दिइएको छ । चलचित्र क्षेत्रले विभिन्न करको नाममा ३३ प्रतिशतभन्दा बढी कर तिर्न बाध्य पारिएका कारणले यस्तो कदम उठाउनु परेको सङ्घका महासचिव तथा प्रवक्ता नरेन्द्र महर्जनले बताउनुभयो ।
गोरखापत्रकर्मी पण्डित रहनुभएन
गोरखापत्र दैनिकका सहसम्पादक शेषकान्त पण्डितको ४७ वर्षको उमेरमा निधन भएको छ ।
लोक सेवा विशेष वस्तुगत प्रश्नोत्तर
१. ट्रान्सपरेन्सी इन्टरनेसनलले २०८० माघ १६ (सन् २०२४ जनवरी ३०) मा सार्वजनिक गरेको भ्रष्टाचार अवधारणा सूचकाङ्क, २०२३ अनुसार नेपाल कति औँ स्थानमा रहेको छ ? १०८ औँ १८० देशमा गरिएको सर्वेक्षणमा नेपाल १०० मा ३५ अङ्क पाएर १०८ औँ स्थानमा रहेको छ । यसअघि ३४ अङ्कसहित १०० औँ स्थानमा थियो । २. सन् २०२४ जनवरीमा प्रदान गरिएको फिफा उत्कृष्ट पुरुष खेलाडीको सम्मान कसलाई प्रदान गरियो ? लियोनल मेसी
