बलात्कार आरोपित पाण्डेमाथि थप अनुसन्धान सुरु
बलात्कार आरोपमा पक्राउ परेका मनोज पाण्डेमाथि प्रहरीले थप अनुसन्धान सुरु गरेको छ।
नुवाकोटका १७ उम्मेदवार जसले आफ्नै मत पाएनन्
स्थानीय तह निर्वाचन २०७९ मा नुवाकोटका केही उम्मेदवारले शुन्य मतदेखि दोहोरो अंकको मत सङ्ख्यासमेत कटाउन सकेनन् । वैशाख ३० गते भएको निर्वाचनमा जिल्लामा ६६४ पदका लागि भएको निर्वाचनमा दुई हजार एक उम्मेदवार चुनावी प्रतिस्पर्धामा रहेका थिए ।
चौतारा साँगाचोकगढी नगरको पहिलो निर्णयः नगरवासीको स्वास्थ्य बीमा गर्ने
चित्र मिजारसिन्धुपाल्चोक, जेठ ७ गते । चौतारा साँगाचोकगढी नगरपालिकाका प्रमुख कृष्णप्रसाद सापकोटाले पदभार ग्रहण गरे लगत्तै नगरको पहिलो बैठकले नगरवासीको स्वास्थ्य बीमा गरिने नीतिगत निर्णय गर्नुभएको छ । नयाँ आर्थिक वर्षदेखि सबै नगरवासीको स्वास्थ्य बीमा गर्ने अभियान शुरु गर्ने उहाँले जानकारी दिनुभयो । उहाँका अनुसार आगामी वर्षको नीति तथा कार्यक्रममा नगरवासीको हितका लागि स्वास्थ्य बीमा समेटेर बजेट व्यवस्था गर्ने बताउनुभयो ।उक्त नगरका प्रमुख प्रशासकीय अधिकृत फणिन्द्रप्रसाद पौड्यालले नयाँ आर्थिक वर्षको चौमासिकबाट उक्त स्वास्थ्य बीमा कार्यक्रम कार्यान्यवनमा आउने जानकारी दिनुभएको छ । तत्कालका लागि द्वन्द्व प्रभावित, दीर्घरोगी, अल्पसङ्ख्यक, सीमान्तकृत, निम्न आय भएका नगरवासीको स्वास्थ्य बीमा शुरु गरिने प्रप्रअ पौड्यालले बताउनुभयो ।नगरबासीको जीविकोपार्जनमा सुधार ल्याई समृद्ध नगर बनाउने अभियानमा नगर लागिसकेका उहाँले बताउनुभयो । नगरबासीको आयआर्जन बढाउन कृषि क्षेत्रसँग जोडेर काम थाल्ने उहाँले जोड दिनुभएको छ । पदभार ग्रहणपछि नगरबासीको स्वास्थ्य बीमा कार्यक्रमको नीतिगत निर्णय गर्दे चौतारा साँगाचोकगढी नगरप्रमुख कृष्णप्रसाद सापकोटा ।
भरतपुर महानगरमा दाहालको सात हजार मतको अग्रता
भरतपुर महानगरपालिकामा पाँचदलीय गठबन्धनमा नेकपा (माओवादी केन्द्र)बाट उम्मेदवार बन्नुभएकी रेनु दाहालले सात हजार ४१५ मतले अग्रता लिनुभएको छ । ८९ हजार ५०८ मतगणना गर्दा उहाँले ३५ हजार ९८ मत प्राप्त गर्नुभयो भने नेकपा (एमाले)का विजय सुवेदीले २७ हजार ६८३ मत प्राप्त गर्नुभयो । स्वतन्त्र उम्मेदवार जगन्नाथ पौडेलले ११ हजार ८३५ मत प्राप्त गर्नुभएको छ ।
तीन दिनदेखि चितवन अन्धकार
विद्युत अवरुद्ध हुँदा चितवन विगत तीन दिन देखि अन्धकारमय भएको छ । गत शुक्रवार पानीसँगै आएको हावाहुरीले विजुलीको पोल भाचेपछि अवरुद्ध भएको विजुली अझै मर्मत सुधार हुन नसक्दा चितवन अन्धकारमै बनेको हो ।
हेटौँडामा तीस वर्षको एमाले विरासत गुम्यो
नेपाल कम्युनिस्ट पार्टी (एमाले)ले तीस वर्षदेखि हेटौँडाको स्थानीय निर्वाचनमा राख्दै आएको वर्चश्व यस पटक गुमाएको छ । नेकपा (एमाले)ले २०४९ सालको स्थानीय निर्वाचनदेखि नै आफ्नो वर्चश्व राख्दै आएको थियो । २०४९ सालको साबिकको हेटौँडा नगरपालिकामा प्रमुख र उपप्रमुखमा विजयी भएपछि हेटौँडालाई नेकपा (एमाले)को गढका रूपमा चिनिँदै आएको थियो ।
समृद्ध हेटौँडा बनाउने उपमहानगर प्रमुख लामाको प्रतिबद्धता
बागमती प्रदेशको राजधानी हेटौँडा उपमहानगरपालिकाले पहिलोपटक जनजाति महिलालाई नगरप्रमुखको रूपमा पाएको छ।
भरतपुरमा पाँच हजार मतले दाहालको अग्रता
भरतपुर महानगरपालिकामा पाँचदलीय गठबन्धनका रेनु दाहालले पाँच हजार १३३ मत अन्तरले अग्रता लिनुभएको छ । उहाँले यहाँका १४ वटा वडा गणना गर्दा २७ हजार ४१२ मत प्राप्त गर्नुभएको छ । उहाँका निकटतम प्रतिस्पर्धी नेकपा एमालेका विजय सुवेदीले २२ हजार २७९ मत प्राप्त गर्नुभएको छ । स्वतन्त्र उम्मेदवार जगन्नाथ पौडेलले नौ हजार ५५२ मत प्राप्त गर्नुभएको मुख्य निर्वाचन अधिकृतको कार्यालयले जनाएको छ ।
चितवनमा हावाहुरीले तीनजनको मृत्यु, १५ घाइते
हावाहुरीका कारण चितवनमा तीन जनाको मृत्यु र १५ जना भन्दा वढी घाइते भएका छन् ।
हेटौँडामा गठबन्धनका उम्मेदवार लामा विजयी
स्थानीय तह सदस्य निर्वाचनबाट हेटौँडा उपमहानगरपालिकाको प्रमुखमा सत्तारुढ गठबन्धनका उम्मेदवार मीना लामा विजयी बन्नुभएको छ ।
बागमतीमा गठबन्धन अगाडि
स्थानीय तह सदस्यको मतगणना अन्तिम चरणमा पुगेको छ । बागमती प्रदेशका अधिकांश स्थानीय तहको मत परिणाम सार्वजनिक भएको छ । सार्वजनिक परिणामअनुसार पाँचदलीय गठबन्धन अगाडि रहेको छ । प्रमुख प्रतिपक्षी दल नेपाल कम्युनिस्ट पार्टी (एमाले) दोस्रो स्थानमा छ । मत परिणाम सार्वजनिक भएका स्थानीय तहहरूमा धमाधम पद तथा गोपनीयताको शपथसँगै पदभार ग्रहण सुरु भएको छ ।
हावाहुरीबाट तीनको मृत्यु : आन्तरिक उडान अवरुद्ध
शुक्रबार साँझ आएको हावाहुरीमा परी चितवनमा तीन जनाको मृत्यु भएको छ । यता राजधानीमा त्रिभुवन अन्तर्राष्ट्रिय विमानस्थलका अनुसार दस वटाभन्दा बढी आन्तरिक उडान अवरुद्ध भएका छन् । जिल्ला प्रहरी कार्यालय चितवनका प्रहरी नायब उपरीक्षक नरहरि अधिकारीका अनुसार चितवन महानगरपालिकाको वडा नं. ११, भोजाडमा अटोरिक्सा च्यापिँदा चालक प्रदीप लामा र एक महिलाको मृत्यु भएको छ । बसेनीमा म्याजिक भ्यान च्याँपिदा लोकनाथ न्यौपानेको मृत्यु भएको छ । हावाहुरीका कारण नारायणी पुलमा ट्रक पल्टिँदा दुई जना घाइते भएको प्रहरीले जनाएको छ ।
काभ्रेको धुलिखेलमा पुनः एमालेबाट ब्याञ्जु निर्वाचित
केदार तिमल्सिना बनेपा, जेठ ६ गते । काभ्रेको धुलिखेल नगरपालिकाको नगर प्रमुख पदमा नेकपा (एमाले) का उम्मेदवार अशोककुमार ब्याञ्जु श्रेष्ठ निर्वाचित हुनुभएको छ । उहाँ धुलिखेल नगरपालिकाको नगर प्रमुख पदमा दोस्रो कार्यकालका लागि निर्वाचित हुनुभएको हो । उहाँले स्वतन्त्र उम्मेदवार विदुर बस्नेतलाई ९४० मतले पराजित गर्दै नगर प्रमुखमा निर्वाचित बन्नुभयो । यसैगरी धुलिखेल नगरपालिकाको उपप्रमुख पदमा नेपाली काँग्रेसका उम्मेदवार निराजन जङ्गम विजयी हुनुभएको छ । उहाँले एमालेकी लालतारा अधिकारीलाई १४७ मतले पराजित गर्नुभयो । । यसैगरी धुलिखेल नगरपालिकाको वडा अध्यक्षमा काग्रेसका सन्तबहादुर लामा, वडा नम्बर २ मा एमालेका अर्जुन घोरासाईने, वडा नम्बर ३ मा एमालेका गणेश आचार्य, वडा नम्बर ४ मा काँग्रेसका उत्तमप्रसाद तिमल्सिना, वडा नम्बर ५ मा एमालेका प्रमोदसुन्दर श्रेष्ठ, वडा नम्बर ६ मा काँग्रेसका सञ्जय कोँजु निवार्चित हुनुभयो । यसैगरी वडा नम्बर ७ मा राप्रपाका रोमीप्रसाद ब्याञ्जु, वडा नम्बर ८ मा बिनोद गौतम, वडा नम्बर ९ मा काँग्रेसका बद्रीप्रसाद हुमागाँई, वडा नम्बर १० मा काँग्रेसका गोविन्दप्रसाद उपाध्याय, वडा नम्बर ११ मा एमालेका नारायणप्रसाद बडाल र वडा नम्बर १२ मा एमालेका मोहनप्रसाद लामिछाने विजयी हुनुभयो ।
धादिङका सबै पालिकाको मतगणना सकियो, काँग्रेस पहिलो दल
धादिङमा स्थानीय तहको निर्वाचनको मतगणना सम्पन्न भएको छ । धादिङको १३ स्थानीय तहमध्ये सातवटा नेपाली कांग्रेस, तीन वटामा नेकपा (माओवादी केन्द्र), दुई वटामा नेकपा (एमाले) र एक पालिकामा नेकपा समाजवादी विजयी भएको छ ।
हेटौँडा उपमहानगरको प्रमुखमा लामाको अग्रता कायमै
हेटौँडा उपमहानगरपालिकामा ६५ हजार २९५ मत गणना हुँदा नगर प्रमुखमा सत्ता गठबन्धनका उम्मेदवार मीना लामाको अग्रता कायमै छ । गठबन्धनको तर्फबाट नेकपा (एकीकृत समाजवादी) का उम्मेदवार लामाले २० हजार ४८२ मत प्राप्त गर्दा उहाँका निकटतम प्रतिस्पर्धी नेकपा (एमाले) का उम्मेदवार अनन्त पौडेलले १८ हजार ७५३ मत प्राप्त गर्नुभएको छ ।
कागेश्वरी मनोहरा नगरप्रमुखमा काँग्रेस र उपप्रमुखमा एमाले विजयी
काठमाडौंको कागेश्वरी मनोहरा नगरप्रमुखमा नेपाली काँग्रेसका उपेन्द्र कार्की विजयी हुनुभएको छ । उहाँ ११ हजार ३२२ मतसहित विजयी हुनुभएको हो ।
काभ्रेका दश वटै स्थानीय तहको प्रमुखमा गठबन्धनका उम्मेदवार विजयी
स्थानीय तह निर्वाचनअन्तर्गत १३ वटा स्थानीय तह रहेको काभ्रेपलाञ्चोकमा हालसम्म दश वटा स्थानीय तहको मतगणनाको अन्तिम नतिजा सार्वजनिक भएको छ ।
ललितपुर महानगरपालिका ९ मा कांग्रेसका महर्जन र १४ मा महत विजयी
ललितपुर महानगरपालिका–९ मा नेपाली कांग्रेसका राजु महर्जन विजयी हुनुभएको छ । उहाँले दुई हजार ५०७ मत ल्याउनुभयो ।
-original-thumb.jpg)
पाँचपोखरीमा अध्यक्ष र उपाध्यक्षमा एमाले विजयी
जिल्लाको पाँचपोखरी थाङपाल गाउँपालिका अध्यक्ष, उपाध्यक्षमा नेकपा (एमाले) विजयी भएको छ । अध्यक्षमा टासी लामा र उपाध्यक्षमा सुनिता अधिकारीले विजयी हुनुभएको हो ।
संविधान सभा सदस्य अब गाउँपालिका अध्यक्ष
तत्कालीन संविधान सभा सदस्य रेणुका चौलागाईं गाउँपालिका अध्यक्षमा विजयी हुनुभएको छ । काभ्रेको चौँरीदेउराली गाउँपालिकाको अध्यक्षमा सत्तारूढ गठबन्धनबाट उहाँ निर्वाचित हुनुभएको हो । २०५० सालमा अखिल क्रान्तिकारी विद्यार्थी सङ्गठन
काठमाडौं महानगर २८ मा काँग्रेसका खड्गी विजयी
काठमाडौं महानगरपालिका २८ को वडाअध्यक्षमा नेपाली कांग्रेसका भाइ राम खड्गी प्रकाश विजयी हुनुभएको छ । उहाँले एक हजार २८२ मत ल्याउनुभयो ।
हेटौँडामा गठबन्धनका उम्मेदवार लामाको अग्रता
हेटौँडा उपमहानगरपालिकामा सत्ता गठबन्धनका उम्मेदवार मीना लामाले अग्रतालाई कायम राख्नुभएको छ । गठबन्धनको तर्फबाट नेकपा (एकीकृत समाजवादी) का उम्मेदवार लामाले २० हजार ९६ मत प्राप्त गर्नुभएको छ ।
भरतपुरमा दाहालको अग्रता कायमै
भरतपुर महानगरपालिकामा पाँच दलीय गठबन्धनमा माओवादी केन्द्रबाट उम्मेदवार बन्नुभएकी रेनु दाहालले अग्रता कायमै राख्नुभएको छ । उहाँले तीन हजार ३१० मतान्तरले अग्रता लिनुभएको छ ।
काठमाडौं महानगर ५ मा काँग्रेसका कार्की विजयी
काठमाडौं महानगरपालिका ५ को वडाअध्यक्षमा नेपाली कांग्रेसका दलबहादुर कार्की विजयी हुनुभएको छ । उहाँले दुई हजार ६१ मत ल्याउनुभयो ।
निर्वाचन परिणाम अन्तिम चरणमा : गठबन्धनका उम्मेदवारको अग्रता
गत वैशाख ३० गते भएको स्थानीय तह सदस्य निर्वाचनको मत परिणाम सार्वजनिक हुने क्रम अन्तिम चरणमा पुगेको छ । बागमती प्रदेशका स्थानीय तहको सार्वजनिक भएको मत परिणामअनुसार सत्ता गठबन्धनका उम्मेदवारले निर्वाचन परिणाममा अग्रता लिएका छन् । मत परिणाम सार्वजनिक भएसँगै कतिपय स्थानीय तहका प्रमुखलाई जिल्ला न्यायाधीशबाट शपथ ग्रहण गराउने क्रम सुरु भएको छ । पालिकाका अध्यक्ष वा प्रमुखले शपथ लिएपछि पालिकाका अध्यक्ष वा प्रमुखले उपाध्यक्ष वा उपप्रमुख, वडाध्यक्ष र सदस्यलाई शपथ ग्रहण गराउने व्यवस्था रहेको छ ।
