भृकुटीमण्डपको ह्वील चेयर गोदाममा आगलागी, निभाउने कार्य जारी
काठमाडौं प्रदर्शनीमार्गस्थित भृकुटीमण्डपमा बुधबार अपराह्न आगलागी भएको छ । प्रहरीका अनुसार यहाँस्थित ह्वील चेयरको गोदाममा आगलागी भएको हो । अहिले विभिन्न क्षेत्रका दमकलको सहयोगमा सुरक्षाकर्मी र स्थानीयबासीले आगो नियन्त्रणको प्रयास जारी राखेका छन् ।
खो खो राष्ट्रिय खेलाडीद्वय तालिमको लागि भारत प्रस्थान
एशियन खो खो संघ तथा भारतीय खो खो संघको निमन्त्रणामा मगंलबार दुईजना खेलाडी भारत प्रस्थान गर्नुभएको छ ।
बागमती प्रदेशसभा बैठक दिउँसो १ बजे
बागमती प्रदेशसभाको चालु दशौँ अधिवेशनको २५औँ बैठक आज बस्दैछ । गत असार १६ गते आगामी आर्थिक वर्षको बजेट पारित भएसँगै अनिश्चितकालका लागि स्थगित गरिएको प्रदेशसभा बैठक आज बस्न लागेको प्रदेशसभा सचिवालयले जनाएको छ ।
श्वासनलीमा अड्किएको पेन्सिल निकालियो
पनौती नगरपालिका–९ जाकिडोलका तीन वर्षीय बालक प्रयत्न श्रेष्ठको श्वासनलीमा अड्किएको पेन्सिल (सिसाकलम) शल्यक्रिया गरी निकालिएको छ । धुलिखेल अस्पतालले सफल शल्यक्रिया गरी श्वासनलीबाट पेन्सिल निकालेको हो ।
देउवा सरकारका वर्ष दिन
– पूर्ववर्ती केपी ओली सरकारले निम्त्याएको राजनीतिक अस्थिरता र कुशासनको अन्त्य गरी मुलुकलाई लोकतान्त्रिक विधि र पद्धतिमा अघि बढाउन सफल । – स्थानीय तहको निर्वाचन तोकिएको समयमा शान्तिपूर्ण रूपमा सम्पन्न भई सङ्घीय र प्रदेश सभाको चुनाव गर्ने सुनिश्चितता भएको छ ।
गैरआवासीय नेपालीको नागरिकता समस्याबारे पहल गर्ने अध्यक्ष दाहालको प्रतिवद्धता
ललितपुर, असार २८ गते। पूर्व प्रधानमन्त्री तथा नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहालले गैरआवासीय नेपालीको नागरिकता सम्बन्धी समस्या हल गर्न पहल गर्ने प्रतिवद्धता जनाउनुभएको छ। मंगलवार खुमलटारमा गैरआवासीय नेपाली संघको प्रतिनिधि मण्डलसँगको भेटघाटमा उहाँले भन्नुभयो, “गैरआवासीय नेपालीको समस्याका बारेमा हामीले पहिलेदेखि नै आवाज उठाउँदै आएका थियौं र अहिले पनि हाम्रै पहलमा सदनमा पेस भएको नागरिकता सम्बन्धी विधेयक पास गराएर समस्याको समाधानका लागि प्रतिवद्ध छौं।” भेटवार्तामा गैरआवासीय नेपाली संघको प्रतिनिधि मण्डलले नागरिकता समस्या सहितका विषय समावेश गरेर सदनमा पेश भएको नागरिकता विधेयक ल्याउनमा माओवादीको तर्फबाट भएको पहलका लागि धन्यवाद दिएका थिए। उनीहरुले ८० लाख गैरआवासीय नेपालीको अधिकार सुनिश्चितताको पहल गर्न विधेयक सदनबाट पास हुनुपर्ने माग राखेका छन्। उक्त भेटघाट कार्यक्रममा माओवादी केन्द्रका वरिष्ठ नेता नारायणकाजी श्रेष्ठ पनि सहभागी हुनुहुन्थ्यो। यसैगरी, संघका तर्फबाट संस्थापक अध्यक्ष उपेन्द्र महत्तो, अध्यक्षद्वय कुल आचार्य र डा. बद्री केसी, उपाध्यक्ष महेश श्रेष्ठ, युरोपका रिजनल कोर्डिनेटर चिन्तामणि सापकोटा, रमेश काफ्ले लगायतका व्यक्तित्वको उपस्थिति थियो।
सडकमा कार्यालय सञ्चालन गरेर विरोधमा उत्रिए वडाअध्यक्ष
काठमाडौं, असार २८ गते। भक्तपुरको चाँगुनारायण नगरपालिका वडा नम्बर नगरकोटका वडाअध्यक्ष धनबहादुर लामाले सडकमा कार्यालय सञ्चालन गर्नुभएको छ। उहाँले सोमबारदेखि सांकेतिक विरोध स्वरुप सडकमा वडा कार्यालयको काम सुरु गर्नुभएको हो।सडक निर्माणका लागि सरोकारवाला निकायमा पटक–पटक अनुरोध गर्दा पनि सडक लथालिङ्ग राखिएका कारण विरोध जनाउनुपरेको उहाँको भनाइ छ। लामा हालै सम्पन्न स्थानीय तहको निर्वाचनमा राष्ट्रिय प्रजातन्त्र पार्टी (राप्रपा)का तर्फबाट सो वडाको अध्यक्षमा निर्वाचित हुनुभएको हो।
एमाले परित्याग गरी नेकपा (माओवादी केन्द्र)मा प्रवेश
नेकपा (एमाले)को भक्तपुर जिल्ला समिति परित्याग गरी एक दर्जन नेता कार्यकर्ताहरु नेकपा (माओवादी केन्द्र)मा प्रवेश गरेका छन् ।
बाढीले क्षतिग्रस्त मेलम्चीको पूर्वाधार पुनःनिर्माण, राजधानीवासीलाई खानेपानी
विसं २०७८ असार १ गतेको बाढीले सिन्धुपाल्चोक जिल्ला हेलम्बु गाउँपालिकामा रहेको मेलम्ची खानेपानी आयोजनाको पूर्वाधारमा ठूलो क्षति ग¥यो । जेठ अन्तिमसम्म हेलम्बुबाट सुरुङमार्ग हुँदै राजधानीमा खानेपानी आएको थियो । वर्षा लागेकाले सम्भावित बाढीले गर्नसक्ने क्षतिलाई ध्यान दिँदै त्यसै दिन सुरुङबाट पानी ल्याउन बन्द गरिएको थियो । आयोजनास्थलको पूर्वाधारमा क्षति गरे पनि सुरुङ त्यसै दिन रोकिएकाले खानेपानी प्रणाली ध्वस्त हुनबाट बचेको थियो ।
कृषिमा बागमतीको योगदान सत्र प्रतिशत
मुलुकभरको कृषि उत्पादनमा बागमती प्रदेशको योगदान १७ प्रतिशतभन्दा बढी छ ।राष्ट्रिय कुल गार्हस्थ्य उत्पादनमा ३६.९ प्रतिशत योगदान रहेको बागमती प्रदेशको कृषि क्षेत्रको कुल गार्हस्थ्य उत्पादनमा भने १७.१२ प्रतिशत योगदान रहेको बागमती प्रदेशको कृषि तथा पशुपन्छी विकास मन्त्रालयले जनाएको हो ।
फोहोर व्यवस्थापन गरिने
काभ्रेपलाञ्चोक जिल्लाको बनेपा नगरपालिकाका प्रमुख शान्तिरत्न शाक्यले आफ्नो पाँच वर्षीय कार्यकालमा सडक, पर्यटन, फोहोर व्यवस्थापन, खानेपानी, शिक्षा र स्वास्थ्यको क्षेत्रमा काम गर्ने बताउनुभएको छ । उहाँले बनेपाको फोहोर काठमाडौँ महानगरपालिकाले लैजाने स्थानमा व्यवस्थापन गरिँदै आएको बताउँदै काठमाडौँको फोहोर रोकिएको खण्डमा काभ्रेको समेत फोहोर रोकिने बताउनुभयो ।
प्रशासनद्वारा बिहान ७ देखि साँझ ७ बजेसम्म सेवा
जिल्ला प्रशासन कार्यालय सिन्धुलीले दैनिक तीन ‘सिफ्ट’मा सेवा सुरुआत गरेको छ । कार्यालयमा सेवाग्राहीको चाप बढेपछि कार्यालयले बिहान ७ देखि साँझ ७ बजेसम्म सेवा दिन थालनी गरेको हो । कार्यालयमा सेवा लिन आउने राहदानी र राष्ट्रिय परिचयपत्रका सेवाग्राहीको चाप अत्यधिक वृद्धि भएपछि प्रशासनले सेवाग्राहीलाई तीन सिफ्टमा दैनिक १२ घण्टा सेवा दिन सुरु गरेको हो । यही असार २७ गते बिहान ७ बजेबाट कार्यालयको सेवा प्रवाह समय दैनिक तीन सिफ्टमा विस्तार गरिएको प्रमुख जिल्ला अधिकारी रमेश न्यौपानेले जानकारी दिनुभयो ।
समयसीमाअगावैै पुल निर्माण
सरकारी सार्वजनिक निर्माणका काम निर्धारित समयमा सम्पन्न नगर्ने प्रवृत्ति पछिल्लो समयमा बढ्दै गएको पाइएको छ । ठेक्का सम्झौताअनुसार काम पूरा नगर्ने ठेकेदार कम्पनीलाई कालो सूचीमा राख्ने काम पनि हुँदै आएकोमा बागमती प्रदेशको प्रदेश यातायात पूर्वाधार निर्देशनालयमार्फत ठेक्का आह्वान गरिएको हेटौँडाको पुल भने निर्धारित समयभन्दा अगावै सम्पन्न भएको छ ।
हिंसापीडितलाई सीपमूलक तालिम
दोलखाको भीमेश्वर नगरपालिकाको आर्थिक सहयोग तथा उज्यालो भविष्य दोलखाको आयोजनामा सञ्चालित हिंसापीडित महिलाका लागि पाँच दिने सीपमूलक तालिम सम्पन्न भएको छ । आइतबार तालिमको समापनमा नगरप्रमुख ईश्वरनारायण मानन्धरले मानवीय सम्वेदनालाई पहिलो प्राथमिकता दिने चुनावी घोषणपत्रमा उल्लेख रहेको जानकारी दिनुभयो ।
साझा समस्या समाधानका लागि संयुक्त प्रयास आवश्यक
काठमाडौँ उपत्यकामा दीगो फोहर व्यवस्थापन, ट्राफिक व्यवस्थापन, खानेपानी वितरण जस्ता साझा समस्याका रूपमा रहेका विषयलाई संयुक्त प्रयासबाट समाधान निकाल्नुपर्ने बताइएको छ ।
पुनःस्थापनाको पर्खाइमा मेलम्चीवासी
गत वर्ष बाढीका कारण घर बगाएर आश्रयविहीन बनेकाको पीडा एकाथरि छ भने घर भएर पनि असुरक्षित भएका स्थानीयबासीको पीडा बेग्लै छ । बाढीले नभत्काए पनि असुरक्षित बस्तीका घरमा नागरिक ढुक्कले बस्न पाएका छैनन् । गत वर्षको बाढीले बढी क्षति पुर्याएको हेलम्बु, पाँचपोखरी तथा मेलम्चीका बासिन्दालाई कतिबेला बाढी आउने हो भन्ने त्रासले छाडेको छैन ।
दोलखाका निजामती कर्मचारी संघसंगठनले बुझाए ज्ञापनपत्र
दोलखाका निजामती कर्मचारी संघसंगठनले प्रमुख जिल्ला अधिकारीलाई ज्ञापनपत्र बुुझाएका छन् ।
नागरिकता विधेयकबारे गृहमन्त्री खाणद्वारा माओवादी अध्यक्ष दाहालसँग छलफल
नेपाल सरकारले संघीय संसद्मा पेस गरेको ‘नेपाली नागरिकता ऐन, २०६३ लाई संशोधन गर्न बनेको विधेयक’ बारे गृहमन्त्री बालकृष्ण खाणले सत्तारुढ दल नेकपा माओवादी केन्द्रका अध्यक्ष पूर्वप्रधानमन्त्री पुष्पकमल दाहालसँग छलफल गर्नुभएको छ ।
वर्षौंदेखि नवीकरणबिनै क्रसर सञ्चालन
काभ्रेपलाञ्चोक जिल्लामा क्रसर उद्योगहरू वर्षौंदेखि नवीकरणबिना नै सञ्चालित छन् । ढुङ्गा, गिट्टी तथा बालुवा उत्खनन गर्दै आएका क्रसरका विषयमा सरकारी निकायले फरक–फरक निर्णय तथा परिपत्र गरेका कारण क्रसर उद्योगहरू नवीकरणबिना नै सञ्चालन हुँदासमेत कुनै निकायले सञ्चालनमा रोक लगाउन सकेका छैनन् । जिल्लामा सञ्चालन भएका ढुङ्गा, गिट्टी, बालुवा तथा खानीजन्य उद्योगहरू सङ्घीय र प्रदेश सरकार आफू मातहत हुनुपर्ने औद्योगिक
काभ्रेमा पाँचजनामा कोरोना सङ्क्रमण
काभ्रेमा पछिल्लो २४ घण्टामा पाँच जनामा कोरोना सङ्क्रमण पुष्टि भएको छ । नमोबुद्ध नगरपालिकामा गरिएको दुई पिसिआर र २४ एन्टिजेन परीक्षणमा चार महिलासहित पाँचमा सङ्क्रमण पुष्टि भएको जिल्ला स्वास्थ्य कार्यालय धुलिखेलले जनाएको छ । जिल्लामा साढे चार महिनापछि सङ्क्रमणको लहर देखिएको कार्यालयले जनाएको हो । “काभ्रेमा कोरोनाको लहर बढ्न सुरुआत गरेको अनुमान गर्न सकिन्छ” कार्यालयप्रमुख डा पुरुषोत्तम सेडाइँले भन्नुभयो । उहाँका अनुसार परीक्षणको दायरा क्रमशः बढाइँदै लगिनेछ । पाँच सङ्क्रमितको अवस्था सामान्यनै रहेको जनाइएको छ ।
दोलखाको सोक्लामा रक क्लाइम्बिङ खेल सुरु
दोलखाको भीमेश्वर नगरपालिका–२ को सोक्ला गाउँमा साहसिक पर्यटन प्रवद्र्धनका लागि ‘रक क्लाइम्बिङ एन्ड हाइकिङ’ रुट सुरु गरिएको छ ।
‘कृषि उत्पादनलाई बढावा दिने योजना छ’
चितवन राष्ट्रिय निकुञ्ज र सोमेश्वर पहाडले घेरिएको माडी नगरपालिकाले अलग्गै पहिचान बोकेको छ । चितवनको सातवटा पालिकामध्ये माडी विकास र जिल्लाको पहुँचका हिसाबले पछाडि पारिएको आवाज उठ्दै आएको छ । जिल्लाको दक्षिण भारतसँग सीमा जोडिएको माडी नगरपालिकामा निकुञ्जको बाटो भएर जानु पर्दछ । नगरप्रमुख तारा कुमारी काजी महतो कृषि कर्म गर्नेहरूको सङ्ख्या धेरै रहेकाले नगरपालिकाले कृषिलाई नै प्राथमिकता दिएर योजना अगाडि बढाएको बताउनुहुन्छ । यसअघि उपप्रमुख रहनुभएकी उहाँले गोरखापत्रसँग भन्नुभयो, “यहाँको भूमि उर्वर छ त्यसैले कृषि उत्पादनका कार्यक्रमलाई हामीले प्राथमिकता दिएका छौँ । परम्परावादीभन्दा माथि उठेर व्यावसायिक खेती गर्नका लागि कार्यक्रम ल्याएका छौँ ।”
यातायात कार्यालय जगातीबाट राधे राधे सर्ने भएपछि विरोध
गोरखापत्र अनलाइनभक्तपुर, असार २६ गते। भक्तपुरको जगातीबाट यातायात कार्यालय थिमिस्थित राधे राधे माइक्रोबस पार्कमा सर्ने भएपछि विरोध भएको छ।विगत पाँच वर्षसम्म जगातीमा सञ्चालनमा रहेको सवारी चालक अनुमति पत्र (लाइसेन्स) वितरणको कार्य भइरहेको कार्यालय सर्ने भएपछि यातायात व्यवसायीले विरोध गरेका हुन्। यातायात व्यवस्था कार्यालय जगातीमा आज स्थानीय व्यवसायी र लेखापढी व्यवसायी संघर्ष समितिले पत्रकार सम्मेलन गरेर नयाँ कार्यालय प्रमुख आउने बित्तिकै कार्यालय सार्ने बताएका छन्। सूर्यविनायक नगरपालिका–८ जगाती भक्तपुरमा २०७३ माघ २ गतेबाट सञ्चालनमा रहेको ‘यातायात व्यवस्था कार्यालय’ पाँच वर्षपछि राधे राधेस्थित माइक्रोबस पार्कमा रहेको भूकम्प अगाडि बनेको पुरानो घरमा सर्ने भएपछि व्यवसायीहरुले विरोध गरेका हुन्। सम्मेलनमा संघर्ष समितिका संयोजक लक्ष्मी कार्कीले सरकारी मापदण्डभित्रै रहेर पाँच वर्ष कार्यालय सञ्चालनमा रहेको अरनिको राजमार्गसँगैको घर छाडेर कार्यालयमा नयाँ प्रमुख नेत्र भट्टराई आए लगत्तै चलखेल गरेको आरोप लगाउनुभएको छ। मध्यपुरथिमिको राधे राधे (बाग्मती आयल स्टोर) पछाडि एक रोपनी जग्गामा ट्रलिबस कार्यालयको एक तले भवन र जग्गा हुँदा हुदै त्यो जग्गामा कार्यालय नसारी विधि र प्रक्रियासमेत पुरा नगरी कार्यालय सार्न लगेको उहाँको भनाइ छ। सम्मेलनमा व्यवासायी शिवनारायण ग्वाछाले सरकारको लाखौको लगानी रहेको ठाउँमा करोडौ लगानीको व्यवसायसमेत नोक्सानमा परेको भन्दै सेवाग्राहीलाई मर्कामा पर्ने गरी कार्यालय सार्नुले चलखेल भएको आरोप लगाउनुभयो।सूर्यविनायक नगरपालिका-८ गुण्डुमा यातायात कार्यालयको आफ्नै भवन बनाउने प्रक्रिया सरकारले नै अगाडि बढाएको बेला भवन निर्माण कार्य अगाडि नबढाएर कार्यालय सार्न खोज्नु रहस्य भएको बताइएको छ।
सडक ढलान लम्बिँदा कष्टकर यात्रा गर्दै चापागाउँवासी
ललितपुरको गोदावरी-१० की सुष्मा थापालाई दैनिकरुपमा छोरालाई विद्यालय जाने बससम्म लैजान र पुर्याउन तीन किलोमिटरसम्मको कष्टकर यात्रा पार गर्नुपर्छ।
राष्ट्रपति विद्यादेवी भण्डारीद्वारा तुलसी रोपण
राष्ट्रपति श्रीमती विद्यादेवी भण्डारीले हरिशयनी एकादशीको अवसरमा आइतबार राष्ट्रपति भवनको निजी निवास परिसरमा पूजा अर्चनासहित तुलसीको विरूवा रोप्नुभयो।
