घर आगजनी गर्नेविरुद्ध मुद्दा दर्ता
प्रहरी निरीक्षक जोशीका अनुसार तातोपानी ४ कै हिक्मत गिरीसहित तीन जनाविरुद्ध जाहेरी परेपछि हिक्मतलाई पक्राउ गरिएको हो।हिक्मतले प्रहरीलाई प्रारम्भिक जानकारीमा गोठबाट आगो लगाएको स्वीकार गरेका छन्।
अतिक्रमित जमिनमा नगरपालिकाले बनायो व्यावसायिक भवन
कालीकोट जिल्लाको रास्कोट नगरपालिकाले अतिक्रमित जमिनमा भवन बनाउन सुरु गरेको छ।
पहिरो जाँदा नाम्खाका तीन घरमा क्षति
सोमबार बिहान परेको अविरल वर्षाका कारण आएको लेदोसहितको बाढीले तीन घरमा क्षति पुगेको छ ।
हुम्लामा हात्तीपाइले रोगी शून्य
हुम्लामा हात्तीपाइले रोगका बिरामी शून्य रहेको पाइएको छ । राष्ट्रिय हात्तीपाइले रोग निवारण कार्यक्रमको किटजन्य रोग नियन्त्रण तालिम केन्दले जिल्लाभर गरेको नमुना सङ्कलनमा रोग नदेखिएको हो ।
वेतन कर्णाली : लगानी जुटाउन पहल
सुर्खेत र अछामको सिमानामा निर्माण हुने वेतन कर्णाली जलविद्युत् आयोजनाका लागि लगानी जुटाउन पहल भइरहेको छ। लगानी सुनिश्चितता नहुँदा निर्माणले तीव्रता पाउन सकेको छैन। विस्तृत परियोजना प्रतिवेदन (डिपिआर) तयार भइसकेको छ। ४३९ मेगावाट क्षमताको यो आयोजना निर्माण गर्न ८८ अर्ब बजेट लाग्ने अनुमान गरिएको छ तर हालसम्म लगानीको स्रोत सुनिश्चितता भइसकेको छैन। कर्मचारी सञ्चय कोषले लगानी गर्ने सात अर्ब बजेट मात्रै सुनिश्चित भएको छ। बाँकी रकम आयोजना सुरु हुनुअघि नै सुनिश्चितता गर्नुपर्ने हुन्छ। त्यसैले अहिले प्रवर्धक कम्पनीले आयोजनाका लागि रकम सुनिश्चितताको पहल सुरु गरेको हो। लगानी सुनिश्चितताका लागि विभिन्न बैङ्कसँग छलफल अघि बढाइएको छ।
यार्सा र हिमाल खण्डकाव्यमाथि समालोचना
साहित्यकार वसन्त रोकाया (बाध्याताश्री) द्वारा लिखित दुई वटा खण्डकाव्यमाथि समालोचना गरिएको छ । खस भाषामा लेखिएको ‘यार्सा’ र नेपाली भाषामा लिखित ‘हिमाल’ खण्डकाव्यको एकसाथ स्थानीय समाजसेवी र बुद्धिजीवीद्वारा पहिलो पटक जिल्लास्तरमा समालोचना भएको हो ।
कुम्लिक जिउला खानेपानी योजना सम्पन्न
सिमकोट गाउँपालिका –१ र २ कुम्लिक जिउला खानेपानी योजना निर्माण सुरु भएको १२ दिनमै सम्पन्न भएको छ । सो योजना आवश्यकतामा आधारित हुनु र स्थानीयवासीले दिनरात काम गरेपछि सम्झौता भएको बाह्र दिनमै निर्माण सम्पन्न भएर धारामा पानी खसालिएको हो ।
सहमतिपछि कर्णाली प्रदेश सभाको अवरोध हट्यो
बजेटमाथि असन्तुष्टी जनाउँदै प्रमुख प्रतिपक्ष दल नेकपा (एमाले) ले प्रदेश सभा बैठकमा अवरोध हटेको छ । आइतबार बसेको सर्वदलीय बैठकमा सहमति जुटाएको हो ।
डोल्पा पूर्ण खोप सुनिश्चित जिल्ला घोषणा
डोल्पा पूर्ण खोप सुनिश्चित जिल्ला घोषणा भएको छ । सदरमुकाम दुनैमा एक कार्यक्रमका बीच डोल्पा पूर्ण खोप सुनिश्चित जिल्ला घोषणा भएको हो ।
कर्णाली प्रदेशमा त्रिचालीस प्रतिशत रोपाइँ
कर्णाली प्रदेशका विभिन्न जिल्लामा हालसम्म ४३ प्रतिशत खेतमा धान रोपाइँ भएको छ । कृषि विकास निर्देशनालय सुर्खेतका अनुसार असार १५ गतेसम्मको तथ्याङ्क अनुसार सुर्खेतमा २५ र जुम्लामा ९० प्रतिशत रोपाइँ भएको छ । सो निर्देशनालयका निमित्त प्रमुख चित्रबहादुर रोकायाले यो अवधिसम्म प्रदेशभर ४३ प्रतिशतको हाराहारीमा धान रोपाइँ भएको बताउनुभयो । कालीकोट, जुम्ला, हुम्ला, डोल्पा र मुगुमा ९० प्रतिशत र तल्लो क्षेत्रका सुर्खेत, दैलेख, सल्यान, रुकुमपश्चिम र जाजरकोटमा हालसम्म ३८ प्रतिशत धान रोपाइँ सम्पन्न भएको छ ।
माथिल्लो कर्णाली जलविद्युत् आयोजनाको काम अवरुद्ध
सर्वोच्च अदालतबाट फैसलाको पूर्णपाठ नआउँदा माथिल्लो कर्णाली जलविद्युत् आयोजना निर्माणको प्रक्रिया अघि बढाउन समस्या भएको छ । आयोजनाका लागि लगानी जुटाउन दुई वर्ष म्याद थप्ने सरकारको निर्णयलाई सर्वोच्चले सदर गरे पनि उक्त फैसलाको पूर्णपाठ भने आइसकेको छैन । पूर्णपाठ नआउँदा आयोजना निर्माणको प्रक्रिया रोकिएको हो ।
वर्षातले कर्णाली कोरिडोर बन्द
लगातारको वर्षाले ठाउँ–ठाउँमा आएको पहिरोले कर्णाली करिडोर बन्द भएको छ । तीन दिन यताको पानीले कर्णाली करिडोरको खुलालु जारकोट खण्डमा दुई ठाउँमा आएको पहिरोले करिडोर बन्द भएको हो ।
तीन तले घरमा आगलागी हुँदा २४ लाखको क्षति
शनिबार बिहान तीन तले कच्ची घरमा आगलागी हुँदा २४ लाख बराबरको क्षति भएको छ । घरको माथिल्लो तलामा बिजुली सर्ट भएर आगलागी हुँदा सो क्षती भएको हो ।
मुगुमा पहिलो पटक खुल्दै सहुलियत फार्मेसी
जिल्लाको छायाँनाथ रारा नगरपालिकाले अत्यावश्यक औषधि उपलब्ध गराउन सहुलियत फार्मेसी सञ्चालनमा ल्याउने भएको छ ।
बजारमा जुम्ली स्याउको माग, जिल्लामा खेती विस्तार
बजारमा जुम्ली स्याउको माग बढेसँगै जिल्लामा स्याउ खेती विस्तार भइरहेको छ। जिल्ला कृषि विकास कार्यालयले २०६४ सालमा ‘एक घर एक स्याउ बगैँचा’ अवधारणा ल्याएपछि जिल्लाका प्रायः सबै घरमा स्याउ बगैँचा र स्याउ रोप्ने कार्य अघि बढेको थियो। प्रधानमन्त्री कृषि आधुनिकीकरण परियोजनाले स्याउको उत्पादन बढाउने, विज्ञता प्रदान गर्नेदेखि अनुदान दिने कार्यनीतिले स्याउ खेती विस्तार हुँदै गएको हो। आर्थिक वर्ष २०७३/७४ सालदेखि प्रधानमन्त्री
कर्णालीमा बाउन्न हजार अपाङ्गता भएका व्यक्ति
कर्णाली प्रदेशको कुल जनसङ्ख्याको ३.१ प्रतिशत अर्थात् ५२ हजार ६०४ जना अपाङ्गता भएका व्यक्ति छ। तीमध्ये २.८ अर्थात् एक हजार ४५८ जना मनोसामाजिक अपाङ्गता भएका व्यक्ति छन्। केही सार्वजनिक तथ्याङ्क अनुसार हरेक आठ जनामा एक जना मनोसामाजिक समस्या भएका व्यक्ति हुने गर्छ। राष्ट्रिय जनगणना–२०७८ अनुसार नेपालमा कुल जनसङ्ख्याको २.२ प्रतिशत अपाङ्गता भएका व्यक्ति छन्। तीमध्ये कुल अपाङ्गता जनसङ्ख्याको ४.३ अर्थात् २८ हजार ४५ जना मनोसामाजिक अपाङ्गता भएका व्यक्ति छन्।
पक्की पुलले जोड्यो दुर्गमका बस्ती
मराङ खोलामा पक्की पुल निर्माण भएसँगै दुर्गमका बस्ती सडक सञ्जालसँग जोडिएका छन् । धवलागिरि गाउँपालिकाका दुई वडा मराङ र मल्कबाङलाई सडक सञ्जाल सँग जोड्न अर्कला स्थित मराङ खोलामा पक्की पुल निर्माण गरिएको हो ।
असल आमाहरू सम्मानित
नारायण नगरपालिकाले असल आमालाई पुरस्कृत गरेको छ । २० वर्ष उमेर पुगेपछि विवाह गरेका र दुई सन्तान जन्माएका, स्वास्थ्य संस्थामा सुत्केरी भएका र पोर्टकलअनुसार गर्भजाँच गराएका ४२ जना असल आमालाई बुधवार नगद दुई हजार रुपियाँ र प्रमाणपत्रले सम्मानित गरेको हो ।
कर्णालीमा दुई दिने ‘राष्ट्रिय कचहरी’
कर्णाली प्रदेशको राजधानी वीरेन्द्रनगर सुर्खेतमा बिहीबारदेखि ‘राष्ट्रिय कचहरी’ सुरु भएको छ । ‘राष्ट्रिय कचहरी’ कार्यक्रमको उद्घाटन कर्णाली प्रदेश सरकारका भौतिक पूर्वाधार तथा सहरी विकासमन्त्री मङ्गलबहादुर शाहीले गर्नुभयो ।
किसानलाई मिनी टेलर मेसिन प्रदान
सिङ्गो गाउँका किसानहरूलाई स्मार्ट र किसान मिनी टेलर मेसिन (हलो) सहयोग प्राप्त भएपछि पहिलो पटक जोत्न सुरु गरिएको छ ।
सुर्खेत मेडिकल कलेजको इआइए प्रक्रिया सुरु
सुर्खेतमा मेडिकल कलेज स्थापनाका लागि वातावरणीय प्रभाव मूल्याङ्कन (इआइए) प्रक्रिया सुरु भएको छ। मन्त्रालयले सातदिने सार्वजनिक सूचना निकालेर आयोजना कार्यान्वयन गर्दा कुनै प्रतिकूल असर पर्ने भए लिखित राय र सुझाव पेस गर्न आग्रह गरेको छ। इआइए स्वीकृत भएपछि भौतिक पूर्वाधार निर्माणको डिपिआरको काम अघि बढाउने छ। सुर्खेत मेडिकल कलेज पूर्वाधार निर्माण विकास आयोजनाले वैशाख दोस्रो साता कलेज निर्माणका लागि आवश्यक इआइए प्रतिवेदन वन तथा वातावरण मन्त्रालयमा पेस गरेको थियो।
बजेटमाथिको छलफलमा सांसदद्वारा अवरोध
कर्णाली प्रदेशको मन्त्रालयगत बजेटमाथिको छलफलमा प्रमुख प्रतिपक्षी दल नेकपा (एमाले) ले अवरोध गरेको छ । बुधबार बसेको प्रदेश सभा बैठकको प्रारम्भमै एमाले सांसदले अवरोध गर्नुभएको हो । एमालेको अवरोधपछि बैठक आधा घण्टाका लागि स्थगित भएको थियो ।
सरकारी विद्यालयमा विद्यार्थीको बढ्दो आकर्षण
पछिल्लो समय सामुदायिक विद्यालयप्रति विद्यार्थीको आकर्षण बढ्दैगएको छ । कुनै बेला सरकारी विद्यालयभन्दा संस्थागत विद्यालय अर्थात् बोर्डिङ स्कुलमा बढ्दैगएको आकर्षण पछिल्लो समय सरकारी विद्यालयमा केन्द्रित भएको पाइएको हो ।
अध्ययनमै अल्झिए कर्णालीका जलविद्युत्
जाजरकोटस्थित नलगाड जलविद्युत् आयोजना डिपिआरमै अल्झिएको छ। सम्झौता अनुसार नलगाड जलविद्युत् आयोजनाको विस्तृत परियोजना प्रतिवेदन (डिपिआर) २०७६ मै तयार भइसक्नुपर्ने हो तर थप चार वर्ष बितिसक्दा पनि डिपिआर बनेको छैन। सात वर्ष लगाएर प्रतिवेदन निर्माणको काम अन्तिम चरणमा पुगेको छ।
जुम्लामा करेन्ट लागेर एकको मृत्यु, चार घाइते
जुम्लामा करेन्ट लागेर एक जनाको मृत्यु भएको छ । कनकासुन्दरी गाउँपालिका– ८ स्थित सुमलगाउँको खलापानी जिउलोमा धान गोड्ने क्रममा करेन्ट लागेर अन्दाजी १७ प्रमीला परियारको मृत्यु भएको जिल्ला प्रहरी कार्यालय जुम्लाका सूचना अधिकारी धर्मराज जोशीले जानकारी दिनुभयो ।
