गौराको तयारीसँगै बिरुडाको जोहो
सुदूरपश्चिमको महत्त्वपूर्ण चार्ड गौरा पर्व नजिकिँदै गर्दा बजारमा बिरुडाको व्यापार फस्टाएको छ। बजारमा डालोमा राखिएको कलौं (सानो केराउ), गुरुँस (एक प्रकारको दाल), गहुँ, मास, गहतलगायत पञ्च अन्न राखिएको बिरुडा खरिद गर्नेको भीड लाग्न थालेको छ। गौरा पर्वका लागि नभई नहुने बिरुडा पहिला आफ्नै घरमा डालोमा जतन गरी राख्ने प्रचलन थियो। यद्यपि अहिले अधिकांशले बजारबाटै डालो खरिद गरेर गौरा पर्व मनाउने गरेको पाइन्छ।
कोरोनाको जोखिमसँगै आइसियुसहितका आइसोलेसन तयार
कोरोना सङ्क्रमणको जोखिम बढेसँगै बैतडीमा पूर्वतयारी थालिएको छ । भारतसँग सीमा जोडिएको जिल्ला भएकाले पनि यहाँ जोखिम बढेको छ ।
बैतडी कारागारभित्र फैलियो कोरोना, १६ जनामा पुष्टि
जिल्ला कारागारभित्र कोरोना सङ्क्रमण फैलिएको छ । कारागार प्रमुख धारा भण्डारीका अनुसार कारागारभित्र रहेका १६ कैदीबन्दीमा कोरोना सङ्क्रमण पुष्टि भएको हो । कैदीबन्दीमा ज्वरो, रुघाखोकी लागेर कोरोनाजस्तै लक्षण देखिएपछि गरिएको परीक्षणमा १६ जनामा सङ्क्रमण पुष्टि भएको उहाँले जानकारी दिनुभयो
सिगासमा युवायुवती मृत फेला
बैतडीको सिगास गाउँपालिकामा दुई जना युवायुवती चिउरीको रुखमा झुण्डिएको अवस्थामा मृत फेला परेका छन् । सिगास गाउँपालिका –३, घर भएका २० वर्षीय केशव दमाई र १९ वर्षीय रमतिा विक सिगास गाउँपालिका– ५, खयरकोटमा झुण्डिएको अवस्थामा मृत फेला परेको जिल्ला प्रहरी कार्यालय बैतडीले जनाएको छ ।
जग्गा विवादले अस्पताल अलपत्र
केशरपुर प्राथमिक स्वास्थ्य केन्द्रलाई स्तरोन्नति गरी १५ शय्याको अस्पताल बनाउने निर्णय तीन वर्षअघि भए पनि जग्गा विवादका कारण अलपत्र परेको छ। तीन वर्षअघि नगरपालिकाले वडा नम्बर ७ मा रहेको केशरपुर प्राथमिक स्वास्थ्य केन्द्रलाई वडा नम्बर १ मा सारेर १५ शय्याको अस्पताल बनाउने निर्णय गरेको थियो। सो निर्णयपछि स्थानीयवासीबीच जग्गा विवाद भएको थियो। भएको स्वास्थ्य संरचनामा डाक्टर बोलाउन नसक्ने तर स्वास्थ्य केन्द्र सार्ने भन्दै स्थानीयवासीले विरोध गरेका थिए। अस्पतालको अध्ययन गर्न आएको परामर्शदाता कम्पनीसमेत स्थानीयवासीबीच जग्गा विवादका कारण फर्केको थियो।
बाल सङ्गठनको जग्गामा ब्रह्मकुमारीको रजाइँ
नेपाल बाल सङ्गठन बाल मन्दिर डडेल्धुराको जग्गा ब्रह्मकुमारी ईश्वरीय विश्वविद्यालय एवं राजयोग प्रशिक्षण केन्द्र नेपाल डडेल्धुरा शाखाले कब्जा गरेको छ। बाल सङ्गठनसँग कुनै सहकार्य नै नगरी सङ्गठनको जग्गा राजनीतिक दलका नेता, अगुवा, स्थानीय सरकार प्रमुखले राजयोग प्रशिक्षण केन्द्रलाई हस्तान्तरण गरेको छ। चार वर्षअघि सो जग्गा र भवन संरक्षणका नाममा ब्रह्मकुमारी ईश्वरीय विश्वविद्यालय एवं राजयोग प्रशिक्षण केन्द्रलाई दिइएको थियो। डडेल्धुराको अमरगढी नगरपालिका–५, खलङ्गामा २०४३ सालमा बाल मन्दिरको भवन निर्माण गरी उद्घाटन गरिएको थियो। बाल सङ्गठनका नाममा साढे छ रोपनी जग्गा रहेको नेपाल बाल सङ्गठन डडेल्धुराका अध्यक्ष राजेन्द्र ठगुन्नाले बताउनुभयो। बाल मन्दिरको ढोका छेउको ताम्रपत्रमा तत्कालीन रानी ऐश्वर्यले २०४२ साल माघ १९ गते उद्घाटन गरेको देखिन्छ।
बाँचेको खुसियालीमा ‘ओल्के’ त्यार
सुदूरपश्चिमको जनजीवनमा एउटा प्रचलित उखान छ, ‘मरुला भनेर विशु खानु, बाँचुला भनेर ओल्के खानु’ । साउने झरी सकिएलगत्तै दैवी प्रकोपबाट बाँचिएको खुसियालीमा सुदूरपश्चिम प्रदेशका डोटीलगायत जिल्लामा ‘ओल्के’ त्यार (पर्व) धुमधामका साथ मनाइएको छ।
मृतक पाँच जनाको सनाखत
दार्चुलामा जीप दुर्घटना हुदाँ पाँच जनाको घटनास्थलमै मृत्यु भएको छ।
दार्चुलामा जीप दुर्घटना हुँदा पाँच जनाको मृत्यु, छ घाइते
दार्चुलामा जीप दुर्घटना हुदाँ पाँच जनाको घटनास्थलमै मृत्यु भएको छ । दुर्घटनामा अन्य छ जना घाइते भएका छन् । शैल्यशिखर नगरपालिका –६ उल्लानीमा गोकुलेश्वरबाट जिल्ला सदरमुकाम खलंगा जाँदै गरेको जीप दुर्घटना भएको हो ।
बँदेलका लागि थापेकाे पासाेमा परेर चितुवा मर्याे
जङ्गली बँदेलका लागि मकैबारीमा थापेको पासोमा परेकाे चितुवा समयमै उद्धार हुन नसक्दा मरेकाे छ ।
बँदेलका लागि थापेको पासोमा चितुवा फस्यो
जङ्गली बँदेलका लागि थापेको पासोमा चितुवा परेको छ । बैतडीको दशरथचन्द नगरपालिका–४ बिनासौं गाउँमा स्थानीयले बँदेलका लागि मकैबारीमा थापेको पासोमा चितुव फसेको हो ।
पुल नहुँदा खोला तर्न समस्या
बाजुराको खप्तड छेडेदह गाउँपालिका वडा नं–३ को डुँग्री झिगिने, टुनीसैन लगायतका खोलामा पुल नहुँदा त्यहाँका स्थानीयलाई वर्खाको समय खोला तर्न निकै समस्या भएको छ ।
बाजुराका १९ जना महिलाको नाकाबाट उद्धार
बाजुराका १९ जना महिलाहरुको कञ्चनपुरको गड्डाचौकी र कैलालीको त्रिनगर नाकाबाट उद्धार गरिएको छ । बाजुराको नौ वटै स्थानीय तहका अधिकाशं महिलाहरु घरको आर्थिक स्थिति निकै कम्जोर भएकोले उनीहरु कामको खोजीमा प्रत्येक वर्षमा भारत जाने गर्दछन् ।
बालबालिकालाई विद्यालयमै ‘फाइजर भ्याक्सिन’
बैतडीमा पाँचदेखि १२ वर्षमुनिका ३८ हजार बालबालिकालाई कोरोनाविरुद्धको ‘फाइजर भ्याक्सिन’ दिइने भएको छ । स्वास्थ्य तथा जनसङ्ख्या मन्त्रालयले सबै जिल्लामा ती उमेर समूह लक्षित खोप अभियान सञ्चालन गर्न निर्देशन गरेसँगै यहाँ खोप अभियान सञ्चालनको तयारी गरिएको हो ।
सुदूरपश्चिममा आज ओल्के पर्व (त्यार) मनाइदै
सुदूरपश्चिम प्रदेशमा आज ओल्के पर्व (त्यार) मनाइदैछ । भदौं १ गतेलाई डोटेली संस्कृतिको मौलिक पर्व ओल्के ‘त्यार’ को रुपमा मनाइने चलन रहेको छ ।
विपत् पूर्वसूचना प्रणाली गोदाममा
दशरथचन्द नगरपालिकाको बाढीपहिरोसम्बन्धी जानकारी दिने विपत् पूर्वसूचना प्रणाली गोदाममा थन्किएको छ। महाकाली नदीसँग सीमा जोडिएको दशरथचन्द नगरपालिकाका वडा नम्बर ६ र १० बाढीको जोखिममा भए पनि त्यहाँ कुनै पनि पूर्वसूचना प्रणाली जडान हुन सकेको छैन।
सुदूरपश्चिममा सक्रिय सङ्क्रमितको सङ्ख्या चार सय नाघ्यो
सुदूरपश्चिम प्रदेशमा सक्रिय सङ्क्रमितको सङ्ख्या चार सय २७ पुगेको छ । पछिल्लो समय सङ्क्रमण बढेपछि सक्रिय सङ्क्रमितको सङ्ख्या बढेको हो ।
जीर्ण कारागारमा कैदीबन्दी
बाजुराको सदरमुकाम बडिमालिका नगरपालिका–९, मार्तडीमा रहेको जीर्ण कारागारमा कैदी बन्दीले कठिन जीवन बिताइरहेका छन्। ०३७ सालमा बनेको बाजुरा कारागार जीर्ण बने पनि मर्मतको पहल कतैबाट हुन सकेको छैन। बाजुरा कारागार कार्यालय बाजुराका चौकीदार रुपेस रावलले लामो समय हुँदा पनि कारागारको कहीँ कतैबाट मर्मत सम्भार नभएको बताउनुभयो।
धौलीगाडमा मुआब्जा विवाद
दार्चुला सदरमुकाम खलङ्गा जोड्ने धौलीगाड खोलाको पुल मुआब्जा विवादका कारणले आठ वर्षदेखि अलपत्र परेको छ। २०७१ सालमा सडक डिभिजन कार्यालय बैतडी पाटनले महाकाली लोकमार्गअन्तर्गत गल्फै नजिकको खलङ्गा जोड्न सो पुल निर्माण थालेको हो। गल्फैका स्थानीय केशव विष्टका अनुसार पुलको एकापट्टि पिल्लर मात्रै आधा गाडिएको छ। स्थानीयले खोला पार गर्न पुलकै माथिपट्टि काठेपुल लगाएका छन्।
एघार वर्षदेखि पुल अलपत्र
हुलाकी राजमार्गको थेकीपुरमा ११ वर्षअघि पुल निर्माण थालिए पनि अझै पूरा हुन सकेको छैन। भजनी नगरपालिका–३ को थेकीपुरमा २०६८ सालमा पुल निर्माण सुरु भएको थियो। पुल निर्माण गर्ने कम्पनीका ठेकेदार भागेपछि पुल निर्माण अलपत्र परेको हो।
हिंसा रोक्न स्पष्ट योजना बनाउनु पर्छ
विपत् तथा आपतकालीन अवस्थाकाबेला लैङ्गिक हिंसा रोक्न विज्ञहरुको रायका आधारमा स्थानीय तहहरुले योजना बनाउनु पर्ने सरोकारवालाले बताउनुभएको छ । महिला मानव अधिकार रक्षक सञ्जालले धनगढीमा आयोजना गरेको कार्यक्रममा उहाँहरुले लैङ्गिक हिंसाविरुद्ध पूर्वतयारी र प्रतिकार्य योजना निर्माण गर्दा विज्ञको राय लिनु पर्ने औंल्याएका हुन् । यसैगरी, यस क्षेत्रमा काम गर्ने सहयोगी हातहरुसँग पनि समन्वय र सहकार्य गर्नुपर्ने सुझाव दिनुभयो ।
सुदूरपश्चिमको पहाडी जिल्लामा पनि सवारी लाइसेन्स परीक्षा
सुदूरपश्चिम प्रदेशका पहाडी जिल्लामा पहिलो पटक सवारी चालक अनुमति पत्र (लाइसेन्स) को परीक्षा सञ्चालन भएको छ । यातायात व्यवस्था कार्यालय डोटी र डडेल्धुराले पहिलो पटक लाइसेन्सको लिखित परीक्षा सञ्चालन गरेका हुन् ।
खोलामा बगेर बालिका बेपत्ता
दिलबहादुर सिंहडोटी, साउन ३० गते । डोटीको सायल गाउँपालिका –६ रौकला गाउँमा खोलाले बगाउँदा एक बालिका बेपत्ता भएका छन् । सायल गाउँपालिका – ६ रौकलाका शेरबहादुर साउँदका नौ वर्षीया छोरी सीता साउँदको स्थानीय ठुलाखोलाले बगाउँदा बेपत्ता भएका हुन् । सायल गाउँपालिका –६ का वडाअध्यक्ष दीपक साउँदका अनुसार आइतबार आएको अत्याधिक वर्षाका कारण खोला बढेको समयमा खोला पार गर्ने क्रममा खोलाले बगाएको हो । गोरु गोठालो गएको बेला बालिकालाई खोलाले बगाएको हो । अस्थायी प्रहरी पोष्ट कलेनाको प्रहरी टोली र स्थानीयहरुले बेपत्ता बालिकाको खोजी कार्य गरिरहेको छ ।
गमगाढमा बाढी आउँदा बालैगाउँमा खुसियाली
वर्षाको समय गाउँ छेवैको नदीमा बाढी आउँदा निकै खुसी हुन्छन्। धमिलो पानी छचल्किँदो छाल झन्डै वारपार गर्दै उर्लिंदै आउँछ गमगाढखोला। यही धमिलो पानीमा यहाँका समुदाय निकै खुसी हुन्छन्। गमगाढले माथिबाट आफ्नो बेगसँगै छेउकुना हान्दै बालुवा ल्याउँछ। हुल्का–हुल मानिस खोलामा पस्छन्। गमगाढले पनि मसिनो र राम्रो बालुवा छेउछेउमा ल्याएर छाड्छ।
मन्त्रीफाँटामा दुर्लभ सारस
कैलालीको भजनी नगरपालिका–३, मन्त्रीफाँटामा विश्वमै दुर्लभ प्रजातिका सारस देखिएका छन्। यस पटक एउटा बच्चासहित तीनवटा सारस देखापरेका छन्। पछिल्लो केही वर्षयता सो क्षेत्रमा यो मौसममा हरेक वर्ष सारस देखिन थालेका हुन्। केही वर्ष सारस आउन छाडेको सो फाँटामा अब सारसको ‘कमब्याक’ भइसकेको चराविद् हिरूलाल डङ्गौराले बताउनुभयो।
