अछाम–२ ‘क’ माओवादीका रावल विजयी
दूरपश्चिम प्रदेश सभाको सदस्यमा अछाम–२ को ‘क’ मा बाम लोकतान्त्रिक गठबन्धनका उम्मेदवार नेकपा माओवादी केन्द्रका अक्कलबहादुर रावल विजयी हुनुभएको छ ।
कैलाली ४ मा भट्टलाई हराउँदै बलायर विजयी
कैलाली क्षेत्र नम्बर ४ बाट गठबन्धनका उम्मेदवार नेपाली कांग्रेसका वीरबहादुर बलाएर प्रतिनिधि सभा सदस्यमा विजयी हुनु भएको छ ।
कैलाली–४ मा कांग्रेसका वीरबहादुर बलायर विजयी
कैलाली निर्वाचन क्षेत्र नं. ४ मा वाम गठबन्धन उम्मेदवार नेपाली कांग्रेसका वीरबहादुर बलायर प्रतिनिधि सभा सदस्यमा निर्वाचित हुनु भएको छ ।
प्रतिनिधि सभामा आलेको ह्याट्रिक
डोटीमा प्रतिनिधि सभा सदस्यमा नेकपा ( एकीकृत समाजवादी )का उम्मेदवार ५१ वर्षीय प्रेमबहादुर आले निर्वाचित भएका हुनु भएको छ ।
अछाम–१ (क) मा कांग्रेसका खड्का विजयी
सुदूरपश्चिम प्रदेशसभाको सदस्यमा अछाम–१ को ‘क’ मा वाम–लोकतान्त्रिक गठबन्धनको तर्फबाट नेपाली काँग्रेसका मेघराज खड्का विजयी हुनुभएको छ ।
दार्चुलाको प्रतिनिधिसभामा बडू र प्रदेश सभामा धामी निर्वाचित
दार्चुलाबाट नेपाली कांग्रेसका नेता दिलेन्द्रप्रसाद बडू दुई हजार १३४ मतान्तरसहित प्रतिनिधिसभा सदस्यमा निर्वाचित हुनुभएको छ ।
कञ्चनपुर २ बाट कांग्रेसका एनपी साउद विजयी
ञ्चनपुर क्षेत्र नम्बर २ को प्रतिनिधि सभा सदस्यमा वाम–लोकतान्त्रिक गठबन्धनका तर्फबाट नेपाली कांग्रेसका नेता नारायण प्रकाश साउद विजयी हुनु भएको छ ।
बैतडी प्रदेशसभा (ख) मा कांग्रेसका शिवराज भट्ट विजयी
बैतडी प्रदेशसभा (ख) मा नेपाली कांग्रेसका शिवराज भट्ट विजयी हुनुभएको छ।
कञ्चनपुरमा-३ मा कांग्रेसका रमेश लेखक विजयी
कञ्चनपुर क्षेत्र नम्बर ३ मा नेपाली कांग्रेका रमेश लेखक विजयी हुनुभएको छ। लेखकले एमालेकी निरुदेवी पाललाई १२ हजार ७५ मतले पराजित गर्नुभएको हो। लेखकले ३० हजार ५४४ मत ल्याउनुभयो भने पालले १८ हजार ४४८ मत पाउनुभयो।
अछाम-२ मा कांग्रेसका पुष्पबहादुर शाह विजयी
अछाम क्षेत्र नम्बर २ मा नेपाली कांग्रेसका उम्मेदवार पुष्पबहादुर शाह विजयी हुनुभएको छ। शाह छ हजार ८४० मतान्तरले विजयी हुनुभएको मुख्य निर्वाचन अधिकृत पिताम्बर शर्माले जानकारी दिनुभयो।
कञ्चनपुर–२ (क) प्रदेशसभामा माओवादीका भाट विजयी
कञ्चनपर क्षेत्र नं. २ (क) प्रदेशसभामा गठबन्धनका उम्मेदवार माओवादी केन्द्रका ओमविक्रम भाट(सरल) विजयी हुनुभएको छ ।
कञ्चनपुर क्षेत्र २ (ख) मा कांग्रेसका थापा निर्वाचित
नेपाली कांग्रेस कञ्चनपुरले निर्वाचन क्षेत्र नम्बर २ (ख) प्रदेश सभाबाट आफ्नो खाता खोलेको छ । गठबन्धनका उम्मेदवार कांग्रेसका पूर्व सभापति बहादुरसिंह थापा निर्वाचित हुनुभएको हो ।
बर्दिया २ मा स्वतन्त्र उमेद्वार लालवीर चौधरी विजयी
बर्दिया क्षेत्र नं. २ मा प्रतिनिनिधि सभा सदस्यमा स्वतन्त्र उमेदवार लालवीर चौधरी विजयी हुनुभएको छ । निर्वाचन अधिकृत नगेन्द्र लम्सालका अनुसार २६ हजार ५२० मतसहित चौधरी विजयी हुनुभएको हो ।
डोटी प्रदेश सभा (क) मा एमालेका चक्र मल्ल निर्वाचित
डोटी प्रदेश सभा (क) मा एमाले उम्मेदवार चक्रबहादुर मल्ल विजयी हुनुभएको छ । नेकपा (एमाले) का जिल्ला अध्यक्ष समेत रहनुभएका मल्लले कांग्रेस जिल्ला सभापति नरेन्द्रबहादुर सिंहलाई सामान्य मतान्तरले पराजित गर्नुभएको हो ।
कैलाली ३ मा नागरिक उन्मुक्ति पार्टीको ‘क्लिन स्विप’
कैलाली क्षेत्र नम्बर ३ (क) र (ख) दुवै प्रदेशसभा सदस्यमा नागरिक उन्मुक्ति पार्टीका उम्मेदवार विजयी हुनुभएको छ ।
बैतडीमा भण्डारीको अग्रता, मतान्तर घटाउँदै कुँवर
एक मात्रै प्रतिनिधि सभा निर्वाचन क्षेत्र रहेको बैतडीमा नेकपा एमालेका उम्मेदवार दामोदर भण्डारीले अग्रता कायम गरिरहनु भएको छ ।
अछाम-१ का दुवै प्रदेशका मतगणना सुरु
प्रतिनिधि सभाको मतगणना सकिएलगत्तै अछाम-१ का दुई वटै प्रदेश सभाको मतगणना सुरु गरिएको छ । निर्वाचन अधिकृतको कार्यालय साँफेबगरमा अछाम-१ (क) र (ख) प्रदेशको मतगणना सुरु भएको हो ।
प्रधानमन्त्री देउवाको दिग्विजय
प्रधानमन्त्री एवम् नेपाली कांग्रेसका सभापति शेरबहादुर देउवा सुदूरपश्चिम प्रदेशको डडेलधुरा जिल्लाबाट प्रतिनिधि सभा सदस्यमा विजयी हुनुभएको छ। कुशल राजनीतिज्ञ देउवाको यो केन्द्रीय विधायिका संसद् सदस्यमा निर्वाचित भएको सातौँ अपराजित यात्रा हो।
अछाम–१ मा मन्त्री कुँवर विजयी
अछाम क्षेत्र नम्बर १ बाट प्रतिनिधि सभा सदस्य उम्मेदवार श्रम, रोजगार तथा सामाजिक सुरक्षा मन्त्री शेरबहादुर कुँवर विजयी हुनुभएको छ । कुँवर चार हजार ४८९ मतान्तरले विजयी हुनुभएको मुख्य निर्वाचन अधिकृतको कार्यालयका नायब सुब्बा खेमराज पुन मगरले जानकारी दिनुभयो ।
साढे १२ हजार मतान्तरसहित प्रधानमन्त्री देउवा विजयी
प्रधामन्त्री एवम् नेपाली कांग्रेसका सभापति शेरबहादुर देउवा डडेलधुराबाट सातौँ पटक संसदमा निर्वाचित हुनुभएको छ ।
दार्चुला प्रदेशसभा (ख) मा माओवादीका धामी विजयी
लोकेन्द्रप्रसाद जोशी दार्चुला, मङ्सिर ७ गते । दार्चुलाको प्रदेश सभा क्षेत्र नम्बर (ख) मा लोकतान्त्रिक बाम गठबन्धनका साझा उम्मेदवार मानबहादुर धामी विजयी हुनुभएको छ । नेकपा एमालेका उम्मेदवार रामदत्त जोशीलाई १ हजार ३१५ मतान्तरले पराजित गर्दै धामी विजयी हुनुभएको हो । सुदूरपश्चिम प्रदेश सरकारका उद्योग पर्यटन वन तथा वातावरण मन्त्रीसमेत रहनुभएका माओवादी नेता धामीले कुल २६ हजार २७२ मतमध्ये १३ हजार १७१ मत प्राप्त गर्दै विजयी हुनुभएको हो । उहाँका निकटतम प्रतिद्वन्द्वी एमालेका जोशीले ११ हजार ८५६ मत प्राप्त गर्नुभयो । धामी २०७४ सालमा यसै क्षेत्रबाट प्रदेश सभामा निर्वाचित हुनुभएको थियो ।
डोटीमा गठबन्धनका उम्मेदवार आले प्रतिस्पर्धी वलीभन्दा अगाडि
एउटा मात्रै प्रतिनिधि सभा रहेको डोटीमा सत्ता गठबन्धनका उम्मेदवार प्रेमबहादुर आलेमगर सुरुवातदेखि नै अग्रता लिदै आउनुभएको छ । पछिल्लो मत परिणामअनुसार उहाँले ३ हजार ३०४ को फराकिलो मतान्तरले अगाडि हुनुहुन्छ ।
डोटीमा कांग्रेस सभापति र एमाले अध्यक्षबीच कडा प्रतिस्पर्धा
डोटी प्रदेश सभा (क)मा कांग्रेस सभापति र एमाले अध्यक्षबीच कडा प्रतिस्पर्धा भएको छ ।
डडेलधुरामा प्रधानमन्त्री देउवा ५४ सय मतले अगाडि
डडेलधुरा जिल्लाको प्रतिनिधि सभा सदस्यमा प्रधानमन्त्री एवम् नेपाली कांग्रेसका सभापति शेरबहादुर देउवा पाँच हजार ४४९ मतले आफ्नो प्रतिस्पर्धीभन्दा अगाडि हुनुहुन्छ ।
डाेटी प्रदेश 'ख' मा एमाले र माओवादीबीच कडा प्रतिस्पर्धा
डाेटी जिल्लाकाे प्रदेश सभा “ख”मा गठबन्धन र एमाले उम्मेदवारबीच कडा प्रतिस्पर्धा भइरहेको छ । सुरुवातदेखि झिनो मतले उम्मेदवारहरु अगाडि पछाडि देखिनुभएकाे छ।
