विनियोजन विधेयकका सिद्धान्त र प्राथमिकतामाथि छलफल जारी
नयाँ बानेश्वरस्थित सङ्घीय संसद् भवनमा प्रतिनिधि सभाको बैठक सुरु भएको छ । बैठकमा आर्थिक वर्ष २०७९–८० का लागि विनियोजन विधेयकका सिद्धान्त र प्राथमिकतासम्बन्धमा छलफल जारी छ ।
नागरिकता विधेयक दलीय सहमतिमा संसदमा पेस गर्ने तयारी
गृहमन्त्री बालकृष्ण खाण र कानुन न्याय तथा संसदीय मामिला मन्त्री गोविन्दप्रसाद शर्मा (कोइराला)ले नेकपा (माओवादी केन्द्र)का अध्यक्ष पुष्पकमल दाहाल प्रचण्डसँग भेट गर्नुभएको छ ।
अर्थमन्त्रीले संविधान नपढी बजेट ल्याउँछन् : नेता खनाल
नेकपा (एकीकृत समाजवादी)का सांसद एवम् सम्मानित नेता झलनाथ खनालले मुलुकका कुनै पनि अर्थमन्त्रीले संविधानको भाग ४ नपढेको आरोप लगाउनुभएको छ ।
प्रधानमन्त्री देउवालाई चीनका राष्ट्रपतिबाट बधाई
गृहमन्त्री बालकृष्ण खाणसँग नेपालका लागि चिनियाँ राजदूत होउ यान्छीले शिष्टाचार भेट गर्नुभएको छ । बुधबार गृह मन्त्रालयमा भएको भेटमा दुई देशबीचको आपसी सम्बन्ध र सहयोग आदान प्रदानका विषयमा कुराकानी भएको थियो ।
मुलुकको व्यापार घाटा डरलाग्दो अवस्थामा छ : सांसद भट्टराई
नेकपा (एमाले)का सांसद योगेशकुमार भट्टराईले मुलुकको व्यापार घाटा डरलाग्दो अवस्थामा रहेको आरोप लगाउनुभएको छ ।
प्रतिनिधि सभा बैठक सुरु
प्रतिनिधि सभाको बैठक सुरु भएको छ । नयाँ बानेश्वरस्थित सङ्घीय संसद् भवनमा बैठक सुरु भएको हो ।
राक्सिराङ र गढीमा गठबन्धनका अध्यक्ष र उपाध्यक्ष विजयी
मकवानपुरको राक्सिराङ गाउँपालिकाका र मकवानपुरगढी गाउँपालिका सत्तारुढ गठबन्धनका उम्मेदवार विजयी भएका छन्।
तीन सय ३५ स्थानीय तहको परिणाम : कुन दलकाे कति ?
वैशाख ३० गते भएको निर्वाचनमा स्थगन भएका १७ जिल्ला, २८ स्थानीय तहका ४४ मतदानस्थल बाहेकबाट मत परिणाम आउने क्रम जारी रहेको छ।
भारतको नयाँ राजदूतमा नवीन श्रीवास्तव नियुक्त
काठमाडौं, जेठ ३ गते। भारत सरकारले नवीन श्रीवास्तवलाई नेपालको राजदूतमा नियुक्त गरेको छ। हाल परराष्ट्र मन्त्रालयमा अतिरिक्त सचिवका रुपमा कार्यरत उहाँलाई मंगलबार नेपालका लागि भारतको राजदूतमा नियुक्त गरिएको हो। भारतको परराष्ट्र मन्त्रालयका अनुसार राजदूत श्रीवास्तवले शीघ्र कार्यभार सम्हाल्ने जनाएको छ। नवनियुक्त राजदूत श्रीवास्तवले सन् १९९३ मा परराष्ट्र सेवा प्रवेश गर्नुभएको हो। रासस
ताप्लेजुङका अधिकांश स्थानीय तहमा गठबन्धनको जित
ताप्लेजुङका अधिकांश स्थानीय तहमा सत्ता गठबन्धन विजयी भएको छ। जिल्लाका नौमध्ये पाँच स्थानीय तहमा गठबन्धन दुवै मुख्य पद तथा दुई तहमा एक प्रमुख र एक उपप्रमुख पदमा विजयी भएको हो।
काठमाडौं महानगर प्रमुखमा बालेनलाई चार हजार बढी मतको अग्रता
काठमाडौं महानगर प्रमुखमा ११ हजार ४२ मतसहित स्वतन्त्र उम्मेदवार बालेन शाहको अग्रता कायमै रहेको छ। शाहको मत नेकपा (एमाले) का केशव स्थापितले ल्याउनुभएको मतभन्दा चार हजार ८ सयभन्दा बढी छ।
छायाँनाथ रारा नगरपालिकामा कांग्रेस विजयी
हरिकृष्ण ऐडीमुगु, जेठ ३ गते। मुगुको छायाँनाथ रारा नगरपालिकाको प्रमुखमा नेपाली कांग्रेसका विष्णु भाम निर्वाचित हुनुभएको छ। उपप्रमुखमा कांग्रेसकै पदमा ऐश्वर्य मल्ल निर्वाचित हुनुभएको मुख्य निर्वाचन कार्यालयका सूचना अधिकारी प्रकाश थापाले जानकारी दिनुभयो। प्रमुख पदमा उम्मेदवार भामले चार हजार ५९९ मतसहित विजयी हुनुभएको छ। उहाँका प्रतिद्वन्द्वी नेकपा (एमाले)का डम्बर रावलले तीन हजार ८ सय ६० मत ल्याउनुभएको छ। यस्तै, उपप्रमुखमा नेपाली कांग्रेसका मल्लले चार हजार ३२५ मत ल्याएर विजयी हुनुभएको छ। प्रतिद्वन्द्वी एमालेका टोमा लामाले ३ हजार ७३४ मत ल्याउनु भएको छ। कुल १४ वटा वडा रहेको छायाँनाथ रारा नगरपालिकामा कांग्रेसका उम्मेदवार नगर प्रमुख, वडा अध्यक्ष र सदस्य गरेर ३९ जना निर्वाचित भएका छन्।
ललितपुर महानगर प्रमुखमा फराकिलो मतसहित चिरीबाबुको अग्रता
ललितपुर महानगरपालिका प्रमुखमा नेपाली कांग्रेसका चिरीबाबु महर्जन नौ हजार २१६ मतसहित अग्र स्थानमा हुनुहुन्छ। नेकपा (एमाले) का हरिकृष्ण महर्जनले चार हजार २९ मत ल्याउनुभएको छ।
दक्षिणकाली नगरप्रमुख र उपप्रमुखमा कांग्रेस विजयी
काठमाडौं, जेठ ३ गते। काठमाडौंको दक्षिणकाली नगरपालिका प्रमुखमा नेपाली कांग्रेसका मोहन बस्नेत सात हजार २०१ मतसहित विजयी हुनुभएको छ। बस्नेतले निकटतम प्रतिद्वन्द्वी नेकपा (एमाले) का श्रीराम आचार्य दुई हजार नौ मतान्तरले पराजित गर्नुभएको छ।राष्ट्रिय प्रजातन्त्र पार्टीका ज्ञान भक्त आचार्यले ७९४, जनता समाजवादी पार्टी, नेपालका चण्डे राज तामाङले १२७, उन्नत लोकतन्त्र पार्टीका उज्वल श्रेष्ठले ४८ र रामप्रसाद तिमिल्सिना जैसीले १७ मत प्राप्त गर्नुभयो।निर्वाचन अधिकृतको कार्यालय अनुसार नगर उपप्रमुखमा पनि कांग्रेसकी बसन्ती तामाङ सात हजार ६२३ मतसहित विजयी हुनुभयो। तामाङका निकटतम प्रतिद्वन्द्वी एमालेकी इन्दिरा न्यौपानेले चार हजार ८३० मत ल्याउनुभयो। उपप्रमुखमा राप्रपाका उर्मिला केसीले ७४२ र जसपाकी सन्जु माया तामाङले ११८ मत प्राप्त गर्नुभयो।दक्षिणकाली नगरपालिका-१ को वडाअध्यक्षमा एमालेका जय थापा मगर, २ मा कांग्रेसका रामचन्द्र क्षेत्री, ३ मा एमालेका प्रचण्डमान सिंह बस्नेत, ४ मा कांग्रेसका पुष्कर खड्का, ५ मा कांग्रेसका श्याम बहादुर खत्री, ६ मा कांग्रेसका शैलेशमान मानन्धर, ७ मा एमालेका हरिप्रसाद तिमल्सेना, ८ मा कांग्रेसका योसकुमार वाईबा र वडा नं. ९ मा कांग्रेसका अमृका बलामी निर्वाचित हुनुभएको छ। दक्षिणकालीमा नौ वडामध्ये छ वडामा कांग्रेस र बाँकी तीनमा एमालेका उम्मेदवार विजयी हुनुभएको छ।
सप्तकोशी नगर प्रमुखमा कांग्रेस र अग्निसाइरको अध्यक्षमा एमाले विजयी
सप्तरीको एक नगरपालिका र एक गाउँपालिकाको मतगणना सम्पन्न भएको छ।
सुर्खेतको चिंगाड गाउँपालिकामा एमाले विजयी
नवीन सुवेदीसुर्खेत, जेठ ३ गते। सुर्खेतको चिंगाड गाउँपालिकामा नेकपा (एमाले) ले विजयी भएको छ। चिंगाडमा एमालेका वोधविक्रम जिसी ६१ मतले विजयी हुनुभएको हो। मतदान अधिकृतको कार्यालयले गरेको घोषणा अनुसार यहाँ नेपाली कांग्रेसका डोरप्रसाद शर्मा पराजित हुनुभएको हो। जिसीले तीन हजार ५९१ मत पाउनु भयो भने शर्माले तीन हजार ५५० मत प्राप्त गर्नु भएको हो। यस्तै, पालिका उपाध्यक्षमा एमालेकै मीनाकुमारी रोकायाले विजयी प्राप्त गर्दा कांग्रेसकी मनमाया आचार्य पराजित हुनुभएको हो। यस पालिकामा वडा नम्बर १, ४ र ५ एमालेले जितेको छ भने कांग्रेसले वडा नम्बर २, ३ र ६ मा जित हात पारेको छ।
प्रतिनिधिसभामा आठ अध्यादेश पेश : अर्को बैठक बुधबार बस्ने
प्रतिनिधिसभाको बैठक मङ्गलबारबाट सुरु भएको छ। बैठकको पहिलो दिन आज आठ अध्यादेश पेश भएको छ।
त्रिवेणी गाउँपालिकाको अध्यक्ष र उपाध्यक्षमा माओवादी विजयी
राजु लामिछानेरुकुम पश्चिम, जेठ ३ गते। रुकुम पश्चिमको त्रिवेणी गाउँपालिकाको अध्यक्ष र उपाध्यक्षमा नेकपा (माओवादी केन्द्र)ले विजय भएको छ। मंगलबार दिउँसो मतगणना सम्पन्न हुँदा अध्यक्षमा माओवादी केन्द्रका गणेशकुमार केसी र उपाध्यक्षमा राजकुमारी रेउले विजयी हुनुभएको हो। अध्यक्षमा केसीले पाँच हजार १२९ मत प्राप्त गर्नुभएको छ भने उहाँका निकटतम प्रतिद्वन्द्वी नेपाली कांग्रेसका अमरसिं खड्काले चार हजार २९३ मत प्राप्त गर्नुभएको छ। एमालेका चोपलाल खड्काले १५८, नेकपा (एकीकृत समाजवादी)का धनराज खड्काले ५५ र राप्रपाका डिल्लीबहादुर खड्काले ५ मत ल्याउनुभएको छ। उपाध्यक्षमा निर्वाचित रेउलेले पाँच हजार १४३ मत ल्याउँदा उहाँका प्रतिद्वन्द्वी नेपाली कांग्रेसकी सृष्टि बाँठा मगरले चार हजार ३१३ मत प्राप्त गर्नुभएको छ । एमालेकी धनकला विष्टले १५६ मत प्राप्त गर्नुभएको छ। १० वडा रहेको त्रिवेणी गाउँपालिकामा पाँच वटा वडामा माओवादी, चार वडामा कांग्रेस र एउटा वडामा स्वतन्त्रका उम्मेदवार विजयी हुनुभएको छ।
२५ वर्षपछि कांग्रेसले फर्कायो दिपायल सिलगढीमा गुमेको विरासत
डोटीको दिपायल सिलगढी नगरपालिकामा नेपाली कांग्रेस विजयी भएको छ। जिल्ला सदरमुकाममा पर्ने उक्त नगरपालिकामा नेपाली कांग्रेस मेयर/उपमेयरसहित भारी मतले विजयी भएको हो।
एमालेले संसद् अवरोध नगर्ने
प्रमुख प्रतिपक्ष दल नेकपा (एमाले)ले संसद्को अवरोध हटाएको छ।
इन्द्रावती गाउँपालिकामा एमालेका झम्कनाथ निर्वाचित
इन्द्रावती गाउँपालिका अध्यक्षमा एमालेका झम्कनाथ नेपाल ७ हजार १२७ र उपाध्यक्षमा शोभाना तामाङ ६ हजार ५१३ विजयी हुनुभएको छ।
प्रतिनिधिसभा बैठक
प्रतिनिधि सभाको बैठक सुरु भएको छ। नयाँ बानेश्वरस्थित सङ्घीय संसद् भवनमा बैठक सुरु भएको हो।
काठमाडौं महानगर प्रमुखमा बालेन र उपप्रमुखमा सुनिताको अग्रता कायमै
काठमाडौं महानगर प्रमुखमा दश हजार ३४ मतसहित स्वतन्त्र उम्मेदवार बालेन साहको अग्रता कायमै रहेको छ। यसैगरी, दश हजार ३१५ मतसहित उपप्रमुखमा नेकपा (एमाले)की सुनिता डंगोलले समेत अग्रता कायमै राख्नुभएको छ।
भरतपुर महानगरमा रेनु दाहाल २०७ मतले अगाडि
भरतपुर महानगरपालिकाको पछिल्लो मतगणनामा गठबन्धनबाट नेकपा (माओवादी केन्द्र)को उम्मेदवार रेनु दाहालले अग्रता लिनुभएको छ।
जाजरकोटमा दुई पालिकामा काँग्रेस र एक नगरमा माओवादीकाे विजय
जाजरकोटको नलगाड नगरपालिकाको नगर प्रमुखमा डम्बरबहादुर रावत, कुशे गाउँपालिकामा नेपाली काँग्रेसका उम्मेदवार हरिचन्द्र बस्नेत, शिबालय गाउँपालिकामा शेरबहादुर शाही विजय हुनुभएको हो । नलगाड नगरपालिकाको नगर प्रमुखमा नेकपा माओवादी केन्द्रका डम्बरबहादुर रावत विजय हुनु भएको छ । उहाँले ५ हजार ५९९ मत प्राप्त गर्नुभयो । उहाँका निकटतम प्रतिद्वन्दी नेकपा एमालेका धर्मबहादुर शाहीले ३ हजार ६२६ मत प्राप्त गर्नु भएको थियो ।
