इमान्दारितापूर्वक संविधान पालना गर्न सबैलाई प्रेरणा मिलोस्ः सभामुख घिमिरे
सभामुख देवराज घिमिरेले लोकतन्त्रको मूल मर्म र नेपाली जनताको आकाङ्क्षाको प्रतिबिम्ब रहेको नेपालको संविधानको इमान्दारितापूर्वक पालना गर्न सबैलाई प्रेरणा मिलोस् भन्ने कामना गर्नुभएको छ ।
संविधान संशोधन प्रक्रिया प्राप्त उपलब्धिको रक्षातर्फ अग्रसर हुनुपर्छः अध्यक्ष दाहाल
राष्ट्रियसभा अध्यक्ष नारायणप्रसाद दाहालले संविधान संशोधनको प्रक्रिया प्राप्त उपलब्धिको रक्षा र थप उपलब्धिका लागि मार्ग प्रशस्त गर्ने दिशातर्फ अग्रसर हुनुपर्ने आवश्यकता औँल्याउनुभएको छ । संविधान दिवस २०८१ का अवसरमा आज शुभकामना दिनुहुँदै उहाँले संविधानको स्वामित्व र अपनत्व वृद्धि गर्दै समयानुकूल सुधार र परिमार्जन स्वभाविक प्रक्रिया भएको बताउनुभयो ।
संविधानले सबैको हकअधिकार सुनिश्चित गरेको छः सभापति देउवा
नेपाली कांग्रेसका सभापति एवं पूर्वप्रधानमन्त्री शेरबहादुर देउवाले नेपालको संविधानले लोकतन्त्र र मानवअधिकारका विश्वव्यापी मान्यतालाई आत्मसात् गर्दै सबैको हकअधिकार सुनिश्चित गरेको उल्लेख गर्नुभएको छ ।
संविधानको कार्यान्वनयमार्फत जनताको अवस्था बदल्न ढृढताका साथ अघि बढौँ : अध्यक्ष दाहाल
नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले संविधानमार्फत जनताले प्राप्त गरेका अधिकारको रक्षा, प्रयोग र थप परिस्कृत गर्दै जनताको अवस्था बदल्न दृढताका साथ अघि बढ्नुपर्नेमा जोड दिनुभएको छ । संविधान दिवस २०८१ का अवसरमा आज शुभकामना सन्देश जारी गर्नुहुँदै उहाँले सुशासन, सामाजिक न्याय र समृद्धिमार्फत समाजवाद निर्माणको अभियानमा अघि बढ्नु अबको सुस्पष्ट बाटो भएको बताउनुभयो ।
समानता र समृद्धिको आगामी यात्रामा एकजुट भइ लाग्नुपर्छः मन्त्रिपरिषद्का पूर्वअध्यक्ष रेग्मी
मन्त्रिपरिषद्का पूर्वअध्यक्ष खिलराज रेग्मीले विगतका संवैधानिक अभ्यास, अनुभव र कार्यान्वयन पक्षका कमीकमजोरीलाई केलाउँदै लोकतन्त्र, मानवअधिकार, समानता र समृद्धिको आगामी यात्रामा एकजुट भइ लाग्नुपर्नेमा जोड दिनुभएको छ ।
संविधान कार्यान्वनयमार्फत नागरिकका आवश्यकता परिपूर्ति गरौँः उपाध्यक्ष घिमिरे
राष्ट्रियसभा उपाध्यक्ष विमला घिमिरेले संविधान दिवस तथा राष्ट्रिय दिवस २०८१ का अवसरमा मुलुकमा दिगो शान्ति, सुशासन, विकास र समृद्धिको आकाङ्क्षा पूरा हुने विश्वास व्यक्त गर्नुभएको छ । संविधान दिवसका अवसरमा शुभकामना दिनुहुँदै उहाँले संविधानमा भएका व्यवस्थाको कार्यान्वयनमार्फत नागरिकका आधारभूत आवश्यकता परिपूर्ति गर्नुपर्नेमा जोड दिनुभयो ।
संयुक्त रूपमा बजार अनुगमन
सरकारले आउँदो असोज ४ गतेदेखि चाडपर्वलक्षित संयुक्त रूपमा बजार अनुगमन गर्ने तयारी गरेको जनाएको छ ।
संविधान दिवसमा टेलिकमको ‘अफर’
नेपाल टेलिकमले आफ्ना ग्राहकका लागि संविधान दिवस अफर ल्याएको छ । बुधबारदेखि शुक्रबारसम्म लागु हुने उक्त अफरमा ४९ रुपियाँमै एक दिन प्रयोग गर्न सकिने एक एमबिपिएस अनलिमिटेड डाटा र नेपाल टेलिकमकै नेटवर्कभित्र कल गर्न सकिने एक सय मिनेट भ्वाइस सेवा उपलब्ध गराएको कम्पनीले जनाएको छ ।
उदीपुर २२० केभी सबस्टेसन निर्माण
लमजुङको बेँसीसहर नगरपालिकाको उदीपुरमा २२० केभी क्षमताको सबस्टेसन निर्माण सम्पन्न भएको छ ।
सञ्चालनको प्रक्रियामा मोबाइल भ्यान
खाद्य प्रविधि तथा गुण नियन्त्रण विभागमा विगत पाँच वर्षदेखि थन्किएको प्रयोगशाला मोबाइल भ्यान सञ्चालनमा आउने भएको छ ।
आजको मौसमः वर्षाको सम्भावना कायमै
देशभर मनसुनी वायुको प्रभावसँगै भारतको उत्तरपूर्वी मध्यप्रदेश र दक्षिण उत्तरप्रदेश आसपास रहेको न्यून चापिय प्रणालीको आंशिक प्रभाव रहेकाले वर्षाको सम्भावना कायमै रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
स्टार्टअप उद्यम कर्जाका लागि पाँच हजारभन्दा बढी प्रस्ताव
स्टार्टअप उद्यम कर्जाका लागि पाँच हजार २५० उद्यमीले परियोजना प्रस्ताव पेस गरेका छन् ।
कांग्रेसको सयदिने विशेष साङ्गठनिक अभियान सुरु
नेपाली कांग्रेसका सभापति शेरबहादुर देउवाले सहकारी संस्था बचत रकम दुरुपयोगसम्बन्धमा संसदीय छानबिन विशेष समितिले गोर्खा मिडिया नेटवर्क प्रालिमा भएको लगानीका सन्दर्भमा अध्ययनसहित निष्कर्ष दिएको बताउनुभएको छ ।
रास्वपाको महाधिवेशन वैशाखमा
राष्ट्रिय स्वतन्त्र पार्टी (रास्वपा) को पहिलो राष्ट्रिय महाधिवेशन आगामी वैशाख २६, २७ र २८ हुने भएको छ ।
‘अब लाइसेन्स प्रदेश सरकारले छाप्छ’
भौतिक पूर्वाधार तथा यातायातमन्त्री देवेन्द्र दाहालले छाप्न बाँकी रहेका २१ लाख सवारीचालक अनुमति पत्र (स्मार्ट लाइसेन्स) यातायात व्यवस्था विभागले छाप्ने र बाँकी नयाँ लाइसेन्स प्रदेशहरूबाटै छापिने बताउनुभएको छ ।
उपलब्धि रक्षा गर्दै संशोधनको आवश्यकता
सङ्घीय लोकतान्त्रिक गणतन्त्र नेपालको संविधान जारी भएको एक दशक पुग्दै छ ।
प्रधानमन्त्री ओलीले असोज १० गते राष्ट्रसङ्घ महासभामा सम्बोधन गर्ने
प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग लिन नेपाली प्रतिनिधिमण्डलको नेतृत्व गर्दै यही असोज ४ गते त्यसतर्फ प्रस्थान गर्नुहुने भएको छ ।
मोटरसाइकल दुर्घटनामा दुईको मृत्यु, तीनजना गम्भीर घाइते
बाँकेको राप्ती सोनारी गाउँपालिका ४ स्थित नेपालगन्ज अगैया हुलाकी सडकको लठ्ठापुरमा दुईवटा मोटरसाइकल ठोक्किएर भएको दुर्घटनामा परेर दुईजनाको मृत्युु भएको छ।
सहकारी छानबिन समितिको प्रतिवेदन कार्यान्वयन गर्ने सरकारको निर्णय
सरकारले सहकारी संस्था बचत रकम दुरुपयोग सम्बन्धमा संसदीय छानविन विशेष समितिले बुझाएको प्रतिवेदन कार्यान्वयनका लागि सम्बन्धित मन्त्रालयमा पठाएको छ ।
सिन्धु जल सन्धिमा संशोधन गर्न भारतद्वारा पाकिस्तानलाई सूचित
भारतले छ दशक पुरानो सिन्धु जल सन्धिमा संशोधनका लागि पाकिस्तानलाई औपचारिकरुपमा सूचित गरेको छ ।
इटालीका १९९० विश्वकपका आइकन सिलाचीको निधन
सन् १९९० विश्वकपमा सर्वाधिक गोलकर्ताका रूपमा चर्चित इटालीका पूर्व स्ट्राइकर साल्भाटोर ‘टोटो’ सिलाचीको बुधबार ५९ वर्षको उमेरमा निधन भएको छ ।
सर्वोच्चमा रिक्त पदका कारण सेवा प्रवाहमा असर परेकोप्रति ध्यानाकर्षण
सर्वोच्च अदालत बार एसोसिएसनले सर्वोच्च अदालतमा रिक्त रहेका पदका कारण दैनिक सेवा प्रवाहमा असर परेकोप्रति ध्यानाकर्षण गराएको छ।
उत्कृष्ट कर्म गर्नेलाई प्रोफेसनल एचिभमेन्ट अवार्ड
सिजन मिडियाको आफ्नो १६औँ स्थापना दिवस तथा संविधान दिवसको अवसरमा नेपाल लगायत एशियाका विभिन्न देशका सफल व्यवसायिक व्यक्तित्वहरुलाई एशियन प्रोफेसन अचिभमेन्ट अवार्ड–२०२४ प्रदान गरेको छ ।
उपप्रमुख डंगोल न्युयोर्क प्रस्थान
काठमाडौं महानगरपालिकाका उपप्रमुख सुनिता डंगोल संयुक्त राष्ट्र संघको ७९ औं महासभामा भाग लिन आज साँझ ६ वजे न्युयोर्क प्रस्थान गर्नुभएको छ ।
अधिकृतलाई नक्कली शैक्षिक प्रमाणपत्रको आरोप
पाटन स्वास्थ्य विज्ञान प्रतिष्ठान, पाटन अस्पताल, लगनखेल, ललितपुरमा कार्यरत दिपेन्द्र यादवलाई नक्कली शैक्षिक प्रमाणपत्र प्रयोग गरेको आरोप लागेको छ ।
