दोब्बर बढी मतान्तरले झापा ५ बाट अध्यक्ष ओली निर्वाचित
पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओली झापा क्षेत्र नं. ५ बाट फराकिलो मतान्तरले विजयी बन्नु भएको छ । २८ हजार ५७६ मतान्तरले अध्यक्ष ओली विजयी बन्नुभएको हो ।
लुम्बिनी क्षेत्र ५ (क) मा ढकाल दोस्रो पटक निर्वाचित
नेकपा (एमाले) को तर्फबाट रुपन्देही क्षेत्र नम्बर ५ (क) बाट प्रदेश सभामा उम्मेदवारी दिनुभएका भूमिश्वर ढकाल विजयी हुनुभएको छ । एमालेका उम्मेदवार ढकाल १९ हजार ७८ मत ल्याएर विजयी बन्नुभयो ।
झापा क्षेत्र ५ बाट एमाले अध्यक्ष केपी शर्मा ओलीको जित सुनिश्चित
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओली प्रतिनिधि सभा सदस्य झापा क्षेत्र नं ५ मा जित सुनिश्चित भएको छ । दोब्बर मतभन्दा बढीको फराकिलो मतान्तरले उहाँको जित सुनिश्चित भएसँगै एमालेको विजयी र्यालीको तयारी सुरु गरिएको छ ।
झापाको क्षेत्र २ (ख) मा एमालेका चिन्तन पाठक विजयी
झापाको क्षेत्र नम्बर २ (ख) मा प्रदेश सभा सदस्यमा नेकपा (एमाले) का चिन्तन पाठक विजयी बन्नुभएको छ । पाठक ३ हजार ८४० मतान्तरसहित विजयी हुनुभएको हो ।
झापा ३ प्रदेश सभा (क) मा कांग्रेसका राजवंशी विजयी
झापाको क्षेत्र नं. ३ (१) मा नेपाली काँग्रेसका भुमिप्रसाद राजवंशी बिजयी बन्नु भएको छ । राजवंशीले २० हजार ७७० मत ल्याएर प्रदेश सदस्यमा निर्वाचित बन्नु भएको हो ।
झापा २ प्रदेश सभा (क) मा एमालेका कार्की निर्वाचित
झापाको क्षेत्र नम्बर २ (क) मा प्रदेश सभा सदस्यमा नेकपा एमालेका एकराज कार्की निर्वाचित हुनुभएको छ । कार्की दोस्रो कार्यकालका लागि प्रदेशसभा सदस्य निर्वाचित हुनुभयो ।
जनमतका सिके राउत विजयी, उपेन्द्र यादव पराजित
सप्तरीबाट प्रतिनिधि सभा क्षेत्र नं. २ मा जनमत पार्टीका अध्यक्ष डा. चन्द्रकान्त (सिके) राउत दोब्बरभन्दा बढी मतले निर्वाचित हुनुभएको छ । त्यस क्षेत्रमा जनता समाजवादी पार्टीका अध्यक्ष उपेन्द्र यादव पराजित हुनुभयो ।
दाङ क्षेत्र नम्बर २ (क) मा कांग्रेसका खनाल विजयी
दाङको निर्वाचन क्षेत्र नम्बर २ (क) मा नेपाली कांग्रेसका उम्मेदवार राजु खनाल विजयी हुनुभएको छ ।
कञ्चनपुर–२ (क) प्रदेशसभामा माओवादीका भाट विजयी
कञ्चनपर क्षेत्र नं. २ (क) प्रदेशसभामा गठबन्धनका उम्मेदवार माओवादी केन्द्रका ओमविक्रम भाट(सरल) विजयी हुनुभएको छ ।
कञ्चनपुर क्षेत्र २ (ख) मा कांग्रेसका थापा निर्वाचित
नेपाली कांग्रेस कञ्चनपुरले निर्वाचन क्षेत्र नम्बर २ (ख) प्रदेश सभाबाट आफ्नो खाता खोलेको छ । गठबन्धनका उम्मेदवार कांग्रेसका पूर्व सभापति बहादुरसिंह थापा निर्वाचित हुनुभएको हो ।
धादिङ १ (क) मा नेपाली कांग्रेसका मधुकुमार श्रेष्ठ विजयी
धादिङको प्रतिनिधिसभा क्षेत्र नम्बर १ अन्तर्गत प्रदेशसभा क मा नेपाली कांग्रेसका उम्मेदवार मधुकुमार श्रेष्ठ विजयी हुनुभएको छ ।
-original-thumb.jpg)
गुल्मी २ को प्रदेश सभा (ख) मा एमालेका पन्थी विजयी
गुल्मी क्षेत्र नं २ को प्रदेश सभा (ख) मा एमालेका दिनेश पन्थी विजयी हुनुभएको छ । पन्थीले गठबन्धनको तर्फबाट उम्मेदवार बन्नुभएका माओबादी केन्द्रका बुद्धिबहादुर घर्तीलाई ११० मत अन्तरले पराजित गर्नुभयो ।
उदयपुर २ प्रदेशसभा (ख) मा कांग्रेसका खत्री विजयी
उदयपुरको निर्वाचन क्षेत्र नं २ को प्रदेश सभा क्षेत्र (ख) बाट नेपाली कांग्रेसका उम्मेदवार रामकुमार खत्री १२ हजार ६२७ मत प्राप्तगरी प्रदेश सभा सदस्य पदमा विजयी हुनुभएको छ ।
राष्ट्रिय जनमोर्चाका अध्यक्ष चित्रबहादुर केसी निर्वाचित
राष्ट्रिय जनमोर्चाले बागलुङबाट प्रतिनिधिसभा सदस्यमा जितको सुरुवात गरेको छ । जनमोर्चाका केन्द्रीय अध्यक्ष चित्रबहादुर केसी बागलुङ निर्वाचन क्षेत्र नं १ बाट प्रतिनिधिसभा सदस्यमा निर्वाचित हुनुभएको हो ।
गण्डकी प्रदेशका ३६ क्षेत्रमध्ये हालसम्म १५ निर्वाचन क्षेत्रमा टुङ्गो
प्रतिनिधिसभा तथा प्रदेशसभा अन्तर्गतमा मङ्सिर ४ गते भएको निर्वाचनको परिणाम तीव्र गतिमा आउन थालेको छ । गण्डकी प्रदेशको १८ संघीय निर्वाचन क्षेत्रमध्ये मुस्ताङ, मनाङ र तनहुँ –२ को नतिजा कांग्रेसको पक्षमा आइसकेको छ भने अन्य स्थानको मतगणना अन्तिम स्थानमा पुगेको छ ।
तस्बिरमा उपत्यकामा विजय उत्सव
मङ्सिर ४ गते भएकाे प्रतिनिधिसभा सदस्य निर्वाचनमा काठमाडाैं उपत्यकामा निर्वाचित हुनुभएका उम्मेदवारहरूकाे विजय जुलुस निकालिएकाे छ । विजय जुलुसमार्फत् विजयी उम्मेदवारहरूले सहयाेग गर्नुभएका मतदाताहरूलाई सधन्यवाद दिनुभयाे ।
बर्दिया २ मा स्वतन्त्र उमेद्वार लालवीर चौधरी विजयी
बर्दिया क्षेत्र नं. २ मा प्रतिनिनिधि सभा सदस्यमा स्वतन्त्र उमेदवार लालवीर चौधरी विजयी हुनुभएको छ । निर्वाचन अधिकृत नगेन्द्र लम्सालका अनुसार २६ हजार ५२० मतसहित चौधरी विजयी हुनुभएको हो ।
डोटी प्रदेश सभा (क) मा एमालेका चक्र मल्ल निर्वाचित
डोटी प्रदेश सभा (क) मा एमाले उम्मेदवार चक्रबहादुर मल्ल विजयी हुनुभएको छ । नेकपा (एमाले) का जिल्ला अध्यक्ष समेत रहनुभएका मल्लले कांग्रेस जिल्ला सभापति नरेन्द्रबहादुर सिंहलाई सामान्य मतान्तरले पराजित गर्नुभएको हो ।
ताप्लेजुङमा एमाले सचिव भट्टराई निर्वाचित
ताप्लेजुङमा नेकपा (एमाले) का सचिव योगेशकुमार भट्टराई प्रतिनिधिसभा सदस्यमा निर्वाचित हुनुभएको छ । भट्टराईले वामलोकतान्त्रिक गठबन्धनका साझा उम्मेदवार नेकपा (माओवादी केन्द्र) का खेलप्रसाद बुडाक्षेत्री ‘पराग’ लाई पराजित गर्दै निर्वाचित हुनुभएको हो ।
रुकुमपूर्व प्रदेशसभा 'ख' मा कांग्रेसका केसी विजयी
रुकुम पूर्व प्रदेशसभा 'ख' मा नेपाली कांग्रेसका उम्मेदवार धनबहादुर केसी विजयी हुनुभएको छ । उहाँले ४ हजार २ सय ६२ मत प्राप्त गर्नुभएको छ । त्यस्तै, उहाँका प्रतिस्पर्धी स्वतन्त्र उम्मेदवार नरहरी खड्काले २ हजार २ सय ४४ मत प्राप्त गर्नुभएको छ ।
गुल्मी –२ को प्रदेश सभा (क) मा एमालेका भुसाल विजयी
गुल्मी क्षेत्र नं २ को प्रदेश सभा (क) मा एमालेका डिल्लीराज भुसाल विजयी बन्नुभएको छ । भुसालले गठबन्धनको तर्फबाट उम्मेदवार बन्नुभएका कांग्रेसका भुवन श्रेष्ठलाई एक हजार ५० मतअन्तरले पराजित गर्नुभएको हो ।
रुकुम पूर्व प्रतिनिधि सभामा माओवादीका पूर्णबहादुर घर्ती विजयी
रुकुम पूर्वको प्रतिनिधि सभामा नेकपा माओवादी केन्द्रका उम्मेदवार पूर्णबहादुर घर्ती विजयी हुनुभएको छ । उहाँले १२ हजार २ सय ६२ मत प्राप्त गरेर विजयी हाँसिल गर्नुभएको हो ।
कास्की क्षेत्र नं. ३ (क) मा एमालेका गुरुङ निर्वाचित
कास्की क्षेत्र नं ३ (क) प्रदेश सभा सदस्यमा नेकपा (एमाले) का उम्मेदवार गणेशमान गुरुङ निर्वाचित हुनुभएको छ । उहाँका निकटतम प्रतिस्पर्धी गठबन्धनका तर्फबाट माओवादीका दुर्गादत्त भण्डारीलाई ४ हजार ४०९ मतान्तरले पछि पार्दै निर्वाचित हुनुभएको हो ।
कास्की प्रदेश सभा २ (क) मा एमालेका कार्की विजयी
कास्की क्षेत्र नम्बर २ प्रदेश सभा (क) मा नेकपा (एमाले) का उम्मेदवार विजयी हुनुभएको छ । राष्ट्रिय प्रजातन्त्र पार्टीका उम्मेदवारलाई पराजित गर्दै एमालेका भीमबहादुर कार्की प्रदेश सभा सदस्यमा निर्वाचित हुनुभएको हो । विजयी कार्कीले १० हजार ५३१ मत प्राप्त गर्नुभयो ।
सर्लाही १ (ख) मा एकीकृत समाजवादीकी लुङ्गेली निर्वाचित
सर्लाहीको क्षेत्र नम्बर १ (ख) बाट प्रदेश सभा सदस्यमा नेकपा (एकीकृत समाजवादी) की बेची लुङ्गेली निर्वाचित हुनुभएको छ ।
