गोरखापत्र अनलाइन
थप ११ जनामा सङ्क्रमण पुष्टि
स्वास्थ्य तथा जनसङ्ख्या मन्त्रालयका अनुसार एक हजार ४१३ जनाको पीसीआर परीक्षण गर्दा ११ जनामा सङ्क्रमण पुष्टि भएको हो ।
राप्रपाले स्थानीय तहमा निर्वाचित जनप्रतिनिधिलाई प्रशिक्षण दिने
काठमाडौं, जेठ १९ गते। राष्ट्रिय प्रजातन्त्र पार्टी (राप्रपा) ले पार्टीको घोषणापत्र बमोजिम कार्य गराउन निर्वाचित जनप्रतिनिधिलाई प्रशिक्षण दिने भएको छ। पार्टी अध्यक्ष राजेन्द्र लिङ्देनको नेतृत्वमा बुधबार र बिहीबार धुलिखेलमा बसेको केन्द्रीय कार्य सम्पादन समितिको बैठकले निर्वाचनमा विवादित विभिन्न जिल्ला, क्षेत्र र व्यक्ति सम्बन्धनमा छानबिन गर्न समिति गठन गरेको छ। प्रवक्ता एवम् प्रचार विभाग प्रमुख मोहन श्रेष्ठले निरञ्जन थापाको संयोजकत्वमा प्रल्हाद साह, श्रीऋषि बाबु परियार र सम्बन्धित प्रदेश प्रमुख रहनेगरी छानबिन समिति गठन गरिएको जानकारी दिनुभयो। यसको आवश्यक निर्णयका लागि १५ दिनभित्र सिफारिस गर्नुपर्ने समयावधि तोकिएको छ।भ्रष्टाचार, महंगी र जनजीविका सम्बन्धनमा आन्दोलन परिचालन गर्नसमेत बुद्धिमान तामाङको संयोजकत्वमा समिति गठन गरिने निर्णय भएको उहाँले बताउनुभयो। यसैगरी, आगामी असार ७, ८, र ९ गने केन्द्रीय समितिको बैठक बोलाउने निर्णय गरिएको श्रेष्ठले बताउनुभयो। यससहित राप्रपाले विभिन्न २० वटा निर्णय गरेको छ।
कोरोनामुक्त सुदूरपश्चिम
सुदूरपश्चिम प्रदेश कोरोनामुक्त भएको छ । नेपालमा कोरोना भाइरसको महामारी सुरु भएको तीन वर्षपछि सुदूरपश्चिम प्रदेश कोरोनामुक्त भएको हो ।
ज्योति विकास बैंकको त्रिशुली कोलोनी विस्तारित काउन्टर उद्घाटन
ज्योति विकास बैंकले नुवाकोटस्थित त्रिशुली शाखाअन्तर्गतको त्रिशुली कोलोनी विस्तारित काउन्टरको औपचारिक उद्घाटन गरेको छ ।
शासकीय स्वरुप र निर्वाचन प्रणालीमा सुधार आवश्यक छ : राप्रपा अध्यक्ष लिङ्देन
राष्ट्रिय प्रजातन्त्र पार्टी (राप्रपा)ले आगामी प्रदेश र सङ्घीय निर्वाचनमा पूर्ण समानुपातिक संसद र जनताले प्रत्यक्ष निर्वाचित गर्ने कार्यकारी प्रधानमन्त्रीको पक्षमा आफ्ना एजेन्डा तयार गर्ने जनाएको छ ।
जहाज दुर्घटना : शव परिवारलाई बुझाइयो
तारा एयरको ट्वीनअटर जहाज दुर्घटनामा मृत्यु भएकाको शव परिवारलाई बुझाइएको छ। दुर्घटनामा मृत्यु भएका सबै २२ जनाको शव मृतकका परिवार आफन्तलाई हस्तान्तरण गरिएको अस्पताल व्यवस्थापनले जनाएको छ।
मुलुकको अर्थतन्त्र संकटमा छ – एमाले महासचिव पोखरेल
गोरखापत्र अनलाइनकाठमाडौं, जेठ १९ गते । नेकपा (एमाले) का महासचिव शंकर पोखरेलले देशको अर्थतन्त्र संकटमा रहेको बताउनुभएको छ । नेपाल राष्ट्र बैंक कर्मचारी संघ केन्द्रीय समितिको बिहीबार राजधानीमा आयोजित आठौं परिषद् बैठकको उद्घाटन समारोहमा उहाँले बजारमा नेपाली पैसा हराएकोप्रति गम्भीर बन्नुपर्ने धारणा राख्नुभयो ।“हिजोको तुलनामा पूँजीगत खर्च घटाइएको छ । जनतामा निराशा बाड्छौं कि आशा बाड्दैछौं ? नागरिकलाई भविष्यप्रति आशावादी बनाउन सक्नुपर्ने भन्नुहुँदै उहाँले यो शब्दबाट होइन, व्यवहार र नीति निर्माताको तहबाट हुनुपर्छ”, उहाँले बताउनुभयो ।लामो समयसम्म वित्तीय क्षेत्रबाट अपेक्षाकृत प्रतिफल आउन नसकेको उहाँको भनाइ छ । नेपालमा जति डलर विक्री हुन्छ, त्यति पैसा नेपाली बैंक र बजारमा आउनुपर्ने तर यो नआएको उहाँले बताउनुभयो । यसको कारण खोज्नुपर्ने भन्नुहुँदै उहाँले यस्ता विषयमा राष्ट्र बैंक मौन बस्न नहुने धारणा राख्नुभयो ।
ईनारमा शव फेला, हत्याको आशङ्का
सिरहाको गोलबजार नगरपालिका –२ टुड्कीया निवासी ज्ञानचन्द्र भन्ने विष्णुदेव साहको शव विहीवार विहान इनारभित्र फेला परेको छ । पत्नीका लागि औषधी लिएर फर्किन्छु भन्दै मङ्गलबार बेलुकी साइकल लिएर बाहिर जानुभएका उहाँ नफर्किनु भएपछि आफन्तले खोजतलास गर्ने क्रममा विहीवार विहान गाउँ नजिकैको इनारभित्र साईकलसहित उहाँको शव फेला परेको हो ।
एसीसी महिला टी–२० : नेपालको पहिलो खेल भुटानसँग
मलेसियामा जुन १७ देखि २५ तारिखसम्म आयोजना हुने एसीसी महिला टी–२० क्रिकेट च्याम्पियनसिपमा नेपालले पहिलो खेल भुटानसँग खेल्ने भएको छ ।
राष्ट्रपति भण्डारीद्वारा काजी कालु पाँडेको समाधिस्थलमा माल्यार्पण
राष्ट्रपति विद्यादेवी भण्डारीले काजी कालु पाँडेको स्मृति दिवसका अवसरमा बिहीबार चन्द्रागिरि नगरपालिका–१, दहचोकस्थित पाँडेको समाधिस्थलमा माल्यार्पण गर्नुभएको छ ।
शिरीष देवकोटाको 'कहाँ हो तिम्रो मावल ?'
काठमाडौं, जेठ १९ गते । गायक शिरीष देवकोटा र गायिका रितु कंडेलको स्वरमा नयाँ रोइला (खेली) गीत 'कहाँ हो तिम्रो मावल' सार्वजनिक भएको छ । गीतमा शिरीष देवकोटाकै शब्द एवं संगीत, कृष्ण बि.क (भान्जा)को एरेन्ज रहेको छ । काजिश श्रेष्ठको निर्देशनमा तयार गीतको भिडियोमा अञ्जली अधिकारी र लोमश शर्माको नृत्य एवं अभिनय देख्न सकिन्छ । रोइला गीतबाट ख्याती कमाउनुभएका शिरीषले एक वर्षको अन्तरमा आफ्नो स्वरमा नयाँ रोईला गीत सार्वजनिक गर्नुभएको हो । उहाँका 'खरबारीमा जान्छु, मुठ्ठी लिन्छु टोलाउँछु, पात बजाउँदै बोलाउँछु’, ‘म त आउने थिइनँ, यही चाल होला भन्या भा’, ‘दुर्गा हौ कि भवानी, बढ्दै गा‘को जवानी’, ‘अहिले टारी खेतमा गहुँ नछर तिल छर, माया लाउन मिल्छ र’ जस्ता रोइला गीत निकै चर्चित मानिन्छन् । यस्तै, गीतको भिडियोलाई अजय रेग्मीले खिच्नुभएको हो भने दीपक विष्टले सम्पादन गर्नुभएको हो ।
कपिलबस्तुको भिक्षुचोकमा नमूना चौमुखे गेटको निर्माण कार्य शुरु
नारद कोहारतौलिहवा, जेठ १९ गते । कपिलबस्तुको सदरमुकाम तौलिहवास्थित भिक्षेचोकमा नमूना चौमुखे गेटको निर्माण कार्य शुरु गरिएको छ । हुलाकी बाटो विस्तार गर्ने क्रममा ४ महिना अघि तौलिहवास्थित प्रशासनचोक नजिकै रहेको विक्रम सम्वत २०१४ साल निर्मित महेन्द्र गेट भत्काइएपछि यो गेटको निर्माण शुरु गरिएको हो ।नमूना गेट निर्माणका लागि ४ वटा मध्ये ३ वटा पिलर खडा गर्न खाल्डो खनेर निर्माण कार्य थालिएको कपिलबस्तु नगरपालिकाका इन्जिनियर राजेश शैनीले बताउनुभयो । उहाँले भन्नुभयो “चार कुनामा चार वटा पिलर भएको सेमी सर्कुलर मोडेलको गेट निर्माण थालिएको हो ।”करिब ८३ लाख रुपियाँ लागतको नूमना गेटको निर्माणका लागि एमके मंगलदीप जेभी काठमाडौंसँग निर्माणका लागि सम्झौता भएर निर्माण कार्य केही शुरु भएको हो । हुलाकी बाटो निर्माणका क्रममा ऐतिहासिक महेन्द्रगेट भत्काउने कुरा थाहा पाएपछि नगरपालिकाले २ वर्षदेखि नै भिक्षुचोकमा नमूना गेट निर्माणका लागि प्रक्रिया थालिएको थियो । गेटको उचाई साढे ४ मिटर देखि ९ मिटरसम्म हुने नगरपालिकाका इन्जिनियर राजेश शैनीले बताउनुभयो । डिजाईन बुल्ड मेथडमा गेटको भित्र स्पाम साढे २८ मिटरको हुनेछ । गेटमा दिशा र ठाउँ देखाउने एलआइडी प्यानल समेत हुनेछ । गेट २०७९ साउन दोश्रो साता निर्माण सम्पन्न हुने योजना भए पनि सयममा काम नसकिने देखिएको छ ।नमूना गेट निर्माण भएपछि तौलिहवा बजारको समेत चिनारी फेरिने नगर प्रमुख सुदीप पौडेलले बताउनुभयो । उहाँले भन्नुभयो ‘चौमुखे नमूना गेट निर्माणले बुद्धनगरी तौलिहवा बजारको मुहार र चिनारी समेत फेरिनेछ ।’ ठेकेदार कम्पनीलाई समय मै काम सम्पन्न गर्न कडा निर्देशन दिइएको नगर प्रमुख पौडेलले बताउनुभयो । तौलिहवाको भिक्षु चोकमा गेट निर्माण गर्न खाल्टो खन्दै । तस्विर - नारद कोहार । तौलिहवा
गाई फार्ममा आगलागी हुँदा धनजनको क्षति
जनकपुरधाम उपमहानगरपालिका १७ मनहरपुरस्थित गएराती विजय यादवको ओम पशुसेवा केन्द्रमा आगलागी हुँदा करिब साठी लाख रुपियाँ बराबरको धनमाल जलेर नष्ट भएको छ ।
आगामी आवको बजेट : निर्यात प्रवर्द्धन र कृषिका कार्यक्रम सकारात्मक
सांसदहरूले आर्थिक वर्ष २०७९/८० को राजस्व र व्ययको वार्षिक अनुमान (बजेट)मा निर्यात प्रवर्द्धन र कृषिका कार्यक्रम सकारात्मक भएको बताउनुभएको छ ।
बारामा १० जनाको डुबेर मृत्यु
बारा जिल्लामा चार जना पुरुष, चार बालक र दुई जना बालिका गरी एक वर्षमा १० जनाको पानीमा डुबेर मृत्यु भएको छ । २०७८ साउनदेखि २०७९ जेठ १८ सम्म पानीमा डुबेर उहाँहरुको मृत्यु भएको देखिएको हो ।
