सप्तरी २ मा डा. सिकेको अग्रता
सप्तरी प्रतिनिधि सभा सदस्य निर्वाचन क्षेत्र नं २ को मतगणना जारी छ। सोमबार बिहानदेखि मतगणना सुरु भएको हो । अहिलेसम्म जनमत पार्टीका उमेदवार डा. सिके राउतले ६२९ मत प्राप्त गरी अग्रता लिएको छ।
धनुषा क्षेत्र नम्बर ३ मा एमालेको अग्रता
धनुषा जिल्लाको निर्वाचन क्षेत्र नम्बर ३ को प्रतिनिधिसभा प्रत्यक्ष तर्फको जम्मा १३७१ मतगणना हुँदा एमाले (सूर्य छाप)को अग्रता देखिएको छ ।
सप्तरी क्षेत्र नम्बर एक र दुईको मतगणना सुरु
सप्तरी क्षेत्र नम्बर एक र दुईको मतगणना सुरु भएको छ । मतपेटिका सङ्कलन पश्चात् तत्कालीन सर्वदलीय बैठक बसी सहमति जुटाएर राती नै मतगणना सुरु गर्ने मुख्य निर्वाचन कार्यालयको तयारी रहे पनि सर्वदलीय बैठकले भोलि बिहानबाट गर्ने भएको सहमति अनुसार सोमबार नौ बजेबाट मतगणना सुरु भएको जिल्ला निर्वाचन कार्यालय सप्तरीका निर्वाचन अधिकारी रमेश जोशीले जानकारी दिनुभयो ।
धनुषा– ३ को मतगणना सुरु
धनुषा निर्वाचन क्षेत्र नम्बर ३ को मतगणना सुरु भएको छ । जिल्लाको क्षेत्र नं. ३ मा आइतबार सम्पन्न प्रतिनिधि तथा प्रदेशसभा सदस्यका निर्वाचनको मतगणना सोमबार बिहान ५ः३० बजेबाट सुरु भएको हो ।
मधेश प्रदेशमा उत्साहपूर्ण मतदान
प्रतिनिधि सभा तथा प्रदेश सभा सदस्य निर्वाचनअन्तर्गत आइतबार मतदानमा उत्साहपूर्ण सहभागिता देखिएको छ। मतदान गर्न तोकिएकै समयमा मतदाता मतदान केन्द्रमा पुगेका थिए। निर्वाचन आयोगले बिहान ७ बजेदेखि मतदान सुरु गरिने समय तोकेको थियो। उक्त समयअगावै मतदाता मतदान केन्द्र पुगेका थिए। बिहानको चिसोलाई बेवास्ता गर्दै मतदाता मतदान केन्द्र पुगिरहेको देखेर मतदान अधिकृतहरू मतदान गराउन हतारिएका थिए। यस प्रदेशका जिल्लाहरूमा अधिकांश मतदान केन्द्रमा तोकिएकै समयमा मतदान प्रक्रिया सुरु भएको थियो। केही मतदान केन्द्रमा आधा घण्टा ढिलो गरी मतदान सुरु भएको सम्बद्ध जिल्ला निर्वाचन कार्यालयहरूले जनाएका छन्।
सप्तरीमा करिब ६१ प्रतिशत मतदान
प्रतिनिधि तथा प्रदेश सभाका लागि आइतवार यहाँ छिटपुट घटना वाहेक शान्तिपूर्ण रुपमा मतदान सम्पन्न भएको छ । जिल्ला निर्वाचन कार्यालयका अनुसार ६१ प्रतिशतभन्दा वढी मत खसेको छ ।
धनुषामा शान्तिपूर्ण रुपमा मतदान सम्पन्न
धनुषा जिल्लामा प्रतिनिधि र प्रदेश सभा सदस्यका लागि आइतबार भएको निर्वाचन शान्तिपूर्ण रूपमा सम्पन्न भएको छ । जिल्लाको प्रतिनिधि सभाका ४ र प्रदेश सभाको ८ वटा निर्वाचन क्षेत्रमा शान्तिपूर्ण रूपमा निर्वाचन सम्पन्न भई मतपेटिका सङ्कलन गर्ने काम भइरहेको धनुषाका प्रहरी प्रमुख वसन्त रजौरेले जानकारी दिनुभयो ।
जलेश्वर कारागारका २६ कैदिबन्दीले गरे मतदान
प्रतिनिधि सभा सदस्य पदका लागि आइतबार भएको निर्वाचनमा जलेश्वर कारागारका २६ जना कैदिबन्दिले मतदान गर्नुभएको छ ।
सर्लाहीमा ५० प्रतिशत मत खस्यो
सर्लाहीका सम्पूर्ण मतदान केन्द्रमा शान्तपूर्ण रुपमा मतदान जारी छ । यहाँ अहिलेसम्म ५० प्रतिशत मत खसेको बताइएको छ ।
जनमतका अध्यक्ष डा. राउतद्वारा सप्तरीमा मतदान
सप्तरी प्रतिनिधिसभा क्षेत्र – २ का उम्मेदवार रहनुभएका जनमत पार्टीका अध्यक्ष डाक्टर चन्द्रकान्त सिके राउतले सप्तरीको महदेवा वडा नम्बर २ को आधारभूत विद्यालयमा रहेको मतदान केन्द्रमा मतदात गर्नुभएको छ ।
नेताद्वयले गर्नुभयो मतदान
लोकतान्त्रिक समाजवादी पार्टीका नेता तथा सर्लाही २ का प्रतिनिधि सभा सदस्य उम्मेदवार राजेन्द्र महतोले मतदान गर्नुभएको छ ।
जनकपुरमा विवाद पछि पुनः मतदान सुरु
प्रतिनिधि सभा तथा प्रदेश सभा निर्वाचनका लागि मतदान गर्न वृद्ध तथा असक्त मतदातालाई सहयोगीका रूपमा घरपरिवारका सदस्य साथमा गएर मतदान गर्ने सहमति विपरीत मत खसालेपछि विवाद उत्पन्न भएको छ ।
आइतबार हुने मतदानको तयारी सम्पन्न
आइतबार हुने मतदानका लागि धनुषाको चारवटै निर्वाचन क्षेत्रको मतदानस्थलको सम्पूर्ण तयारी पूरा भएको छ।
सप्तरीका दुई मतदान केन्द्र महिला कर्मचारीको जिम्मेवारीमा
सप्तरीको दुईओटा मतदान केन्द्रको मतदान प्रक्रियाको सम्पूर्ण जिम्मेवारी महिला कर्मचारी तथा महिला सुरक्षाकर्मीलाई दिइएको छ।
बेल्टमा अल्झिएर एभरेष्ट पेपर मिलमा एक मजदुरको मृत्यु
धनुषाको महेन्द्रनगरस्थित एभरेष्ट पेपर मिलमा मेसिनको बेल्टमा अल्झिएर एक मजदुरको मृत्यु भएको छ । शनिबार बिहान पेपर मिलमा परालको भुसा ओसार्ने क्रममा मेसिनको बेल्टमा अल्झिएर क्षीरेश्वरनाथ नगरपालिका–९ औराहाका ३७ वर्षीय गौरीप्रसाद श्रेष्ठको मृत्यु भएको हो ।
विवाह पञ्चमीको तयारी तीव्र
त्रेता युगमा सीता र रामबिच भएको विवाहको स्मरण गर्दै प्रत्येक वर्ष मनाइने विवाह पञ्चमी महोत्सवको तयारी तीव्र रूपले भइरहेको छ । त्रेता युगमा भगवान् राम र आदर्श नारी सिताबिच भएको विवाहको स्मरण गर्दै प्रत्येक वर्ष जनकपुरधाममा सप्ताहव्यापी रूपमा मनाइने विवाह पञ्चमी महोत्सवको तयारी सुरु भएको हो ।
ल्याप्चे लगाएरै मतदान, प्रश्नको घेरामा मतदाता शिक्षा
सहमाया विक हरेक निर्वाचनमा मत खसाल्नुहुन्छ। पञ्चायतकालदेखि मत खसालेको उहाँलाई सम्झना छ। उहाँको मत भने अहिलेसम्म निर्णायक हुन सकेको छैन। उहाँले खसाएको मतले कसैले जित्न पाएको पनि छैन। रामनगर गाउँकी ६७ वर्षीया विक महोत्तरीको निर्वाचन क्षेत्र नं. १ की मतदाता हुनुहुन्छ। उहाँले स्वास्तिक छाप लगाउनुपर्नेमा ल्याप्चे लगाएर मत खसाल्ने गर्नुभएको छ।
अवैध मदिरा प्रहरीद्वारा नष्ट
प्रशासनको आदेश उल्लङ्घन गर्दै बिक्री वितरण गर्न लागिएका करिब २ सय लिटर अवैध मदिरा प्रहरीले नियन्त्रणमा लिएको छ ।
देशकै प्रमुख व्यापारिक नाका बन्द
वीरगञ्जको इनर्वास्थित भन्सारको मुख्य सडकमा शुक्रबार सशस्त्र प्रहरीले बेरिकेट लगाई वाहन तथा व्यक्तिको आवतजावतमा रोक लगाएको छ ।
सप्तरी २ मा दुई पार्टी अध्यक्षबीच प्रतिस्पर्धा
सप्तरी क्षेत्र २ मा चुनावी प्रतिस्पर्धा निकै रोचक बनेको छ । मधेसवादी पृष्ठभूमिका दुई पार्टीका अध्यक्ष र गठबन्धनका उम्मेदवारबीचको प्रतिस्पर्धाले सप्तरी क्षेत्र नम्बर २ को चुनावी प्रतिस्पर्धालाई रोचक बनाएको हो ।
मतदाताका मुद्दा : शिक्षा, स्वास्थ्य, कृषि र रोजगार
स्थानीय निर्वाचनका बेला महोत्तरी एकडारा–२ का १९ वर्षीय मनोज पासवान एकडारा–सम्सी सडकखण्डमा निर्मित ढलमा लडेर घाइते हुनुभयो । परिवारजनले तत्कालै उहाँलाई जलेश्वर अस्पताल लगे । “जलेश्वर अस्पतालमा चिकित्सकले एक्स–रे गराउन लगाए तर समस्या पहिचान नभएपछि बुवाले भारतको सीतामढी लग्नुभयो,” पासवानले भन्नुभयो । तिघ्राको हाड भाँचिएको पहिचानपछि उहाँ छ महिनामा चार पटक सीतामढी पुग्नुप¥यो । बिस्तारै हिँड्नसक्ने अवस्थामा पुगेको बताउँदै पासवानले जिल्ला अस्पतालमा आफ्नो समस्याको पहिचानसमेत हुन नसकेकोमा खिन्न भएको सुनाउनुभयो ।
बारामा एकाउन्न हजार मेट्रिक टन धान उत्पादन
बारा जिल्लामा यस वर्ष ५१ हजार १९१ मेट्रिक टन भदैया धान उत्पादन भएको छ। भदैया धान वैशाख, जेठ, असारमा रोपेर असार, साउन, भदौमा थन्क्याइन्छ। छिटो रोपिने र छिट्टै पाक्ने (९० दिनमा) भएकाले किसानले त्यसपछि अरू बाली धान (बासमती), मकै, तरकारी लगाउँछन्। यस जिल्लामा किसानले ११ हजार ९०५ हेक्टर क्षेत्रफलमा हर्दिनाथ १, चैते २, चैते ४ र राधा ४ जातको भदैया धान खेती गरेको र प्रतिहेक्टर ४.३ मेट्रिक टनले उक्त परिमाणमा भदैया धान उत्पादन भएको कृषि ज्ञान केन्द्र, कलैयाका प्रमुख जितेन्द्रप्रसाद यादवले जानकारी दिनुभयो।
विवाह पञ्चमीका लागि सिङ्गारिएको जनकपुरधाम
सीताराम विवाह पञ्चमी महोत्सवका अवसरमा सिङ्गारिएको जनकपुरधाम
लाेसपाका उम्मेदवार मेहताको उम्मेदवारी खारेज
निर्वाचन आयोगले सुनसरी जिल्लाको प्रदेश सभा सदस्य निर्वाचन क्षेत्र नं ४ को (ख)का लोकतान्त्रिक समाजवादी पार्टी, नेपालका उम्मेदवार सन्तोषकुमार मेहताको उम्मेदवारी स्वतः बदर हुने निर्णय गरेसँगै मेहताको उम्मेदवारी खारेज भएको छ ।
रेल सेवा चार दिन बन्द हुने
नेपाल रेल सेवा चार दिन बन्द हुने भएको छ । जयनगरदेखि जनकपुरसम्म सञ्चालन भइरहेको नेपाल रेल सेवा भोलि बिहीबार मङसिर १ गतेदेखि ४ गतेसम्म सेवा बन्द रहने नेपाल रेल्वे कम्पनीका महाप्रबन्धक निरन्जन झाले जानकारी दिनुभयो ।
