हवाई यात्रुलाई टिकट पाउन सास्ती
हिमाली जिल्ला हुम्लामा हवाई यात्रुलाई टिकट पाउन सास्ती भएको छ । नेपालगन्जबाट उडान सङ्ख्या कम हुँदै जाँदा हाल जिल्लाबाट बाहिरिने यात्रुलाई टिकट पाउन सास्ती खेप्नु परिरहेको हो ।
विद्यालयका प्रधानाध्यापक मृत भेटिए
कालीकोटको सान्नी त्रिवेणी गाउँपालिका–४ उजेलगाउँमा एक प्रधानाध्यापक मृत अवस्थामा भेटिनुभएको छ । स्थानीय शान्ति आधारभूत विद्यालयका प्रधानाध्यापक ५४ वर्षीय कृष्णबहादुर शाही मृत अवस्थामा भेटिनुभएको जिल्ला प्रहरी कार्यालय कालीकोटले जनाएको छ ।
हिमा गाउँपालिकाका ६ वटा वडा बालविवाह मुक्त घोषणा
जुम्लाको हिमा गाउँपालिकाका ६ वटा वडा बालविवाह मुक्त भएका छन्। जुम्लाको सिञ्जा क्षेत्रमा रहेको हिमा गाउँपालिका– ७, बालविवाह मुक्त वडा घोषणा भएपछि हिमा गाउँपालिका ६ वटा वडा वालविवाह मुक्त घोषणा भएका हुन्।
मन्दिरको गेटले च्यापिएर एक जनाको मृत्यु
रुकुमपश्चिमको मुसीकोट नगरपालिका –४ स्थित मुसिडाँडामा गेट बनाउने क्रममा च्यापिएर एक जनाको मृत्यु भएको छ । मुसिडाँडामा रहेको मन्दिर क्षेत्रमा नयाँ गेट बनाउने क्रममा पुरानो गेट भत्किन गई च्यापिएर एक जनाको मृत्यु भएको प्रहरीले जनाएको छ ।
अदानचुली गाउँपालिकाद्वारा सेवा बन्द
दक्षिणी क्षेत्रको अदानचुली गाउँपालिकाको सम्पूर्ण सेवा ठप्प भएको छ । गत बिहीबार बिहान परेको अविरल वर्षासहित आएको पहिरो कार्यालयमा पस्दा आवश्यक कागजात र उपकरणमा क्षेति पुगेपछि कार्यालयको सम्पूर्ण सेवा बन्द भएको हो ।
राप्ती राजमार्ग विस्तारमा सहमति
रुकुमपश्चिमको मुसीकोट नगरपालिका–१, राजापानीमा राप्ती राजमार्ग अन्तर्गतको सडकखण्ड विस्तारका लागि सहमति भएको छ । स्थानीयको अवरोधका कारण लामो समयदेखि सडक विस्तारको कार्य अवरुद्ध भएको थियो ।
जुम्लाको रारागाउँ
जुम्लाको तिला गाउँपालिका–१ स्थित रारागाउँ । सो गाउँमा लामो समयदेखी खानेपानीको समस्या रहेको स्थानीय बताउँछन् ।
छैन कृषकलाई प्रविधिको सुविधा
जिल्लाका कृषकलाई आधुनिक कृषि ज्ञान सीप दिनलाई स्थापना भएको कृषि विकास कार्यालय हो। तर जिल्लाको कृषि विकास कार्यालय र प्रधानमन्त्री कृषि आधुनिकिरण कार्यालयका कर्मचारी कार्यालयको योजना हेर्दै दिनचर्या बिताएका छन्।
पहिरोले गोठभित्रै पुरिएर २७ बाख्रा मरे
बिहीबार बिहान अत्यधिक वर्षापछि आएको पहिरोमा पुरिएर २७ बाख्रा मरेका छन् । वर्षापछि आएको पहिरोमा पुरिएर अदानचुली गाउँपालिका–३ का आइते बुढाको गोठभित्र रहेका ८१ बाख्रामध्ये २७ बाख्रा मरेका हुन् ।
कान्छो सेफ अवार्डबाट चित्र बुढा सम्मानित
जुम्ला गुठिचौर गाउँपालिका ३ मा रहेको सुर एन्ड सुपुन्ना अर्गानिक होटेलका सञ्चालक चित्र बुढा कान्छो सेफ अवार्डबाट सम्मानित हुनु भएको छ ।
कालीकोटको मान्म जहिल्यै काकाकुल
प्रेमराज सिम्खडा कालीकोट, वैशाख ४ गते । सदरमुकाम मान्म बजारमा जहिले पनि खानेपानीको चरम अभाव हुने गरेको छ । कुनै पनि महिनामा राम्रो संग पिउने पानीको व्यवस्थापन नहुँदा यहाँका स्थानीयवासी आक्रोशित छन् । कुनै पनि महिनामा पानी पाइँदैन, बिल मात्र महिनामा तिर्नु परेको उपभोक्ताको भनाई छ । जिल्लाको मुटु मानिने खाँडा चक्र नगरपालिकामा खानेपानीको हाहाकार बढ्दै जाँदा सम्बन्धित निकाय भने मौन बसेको भन्दै नागरिकले गुनासो व्यक्त गरेका छन् । मान्ममा होटेल व्यवसाय गदै आउनुभएका धनबहादुर वटालाले सरकारले नागरिकको समस्या प्रति चासो नदिएको बताउनुभयो ।सरकार छ, सधैँ आफैले देखिरहेको छ बजारको पिउने पानीको समस्या यही कुरा सम्बोधन गर्न तिर चासो छैन के स्थानीय र हाम्रो नजिकको सरकार भनेर खुसी हुनु वटालाले आक्रोश पोख्दै भन्नुभयो । खानेपानीको समस्या दिनानुदिन चर्किँदै गएपछि मान्म बजारमा होटेल व्यवसाय सञ्चालन गर्ने नागरिक प्रत्यक्ष मारमा परेका छन् । पानी वितरणमा एकरूपता नहुँदा अभाव झन् गहिरिएको स्थानीय हिक्मतजंग मल्ल भनाई छ । मल्लले जनप्रतिनिधिहरूले नागरिकको समस्याप्रति बेवास्ता गरेको भन्दै आक्रोश प्रकट गर्नुभयो । खानेपानी उपभोक्ता समितिको वितरण प्रणालीमा लापरबाहीले पानीको अभाव भएको हो । धारामा नियमित पानी नआउँदा सदरमुकाममै पिउने पानीको हाहाकार छ,’ मल्लले भन्नुभयो, यति ठुलो समस्या हुँदा पनि कसैको ध्यान गएको छैन । स्थानीय कमल शाहीले खाँडा चक्र नगरपालिका–१ को बजार क्षेत्रमा पिउने पानीको सङ्कट गहिरिँदा पहुँचवालाले खानेपानीको ट्याङ्कीबाट सिधै पाइप जडान गरी घरघरमा पानी लगेको खुलासा गर्नुभयो । सर्वसाधारणको धारामा भने हप्तौँसम्म पानी नआएको उहाँको गुनासो छ । खानेपानीको उचित वितरण प्रणाली नहुँदा जिल्लावासीले अभावको मार खेप्नुपरेको छ ।खानेपानी वितरणको जिम्मा लिएको मान्म खानेपानी उपभोक्ता समिति पनि बेखबर छ । कर्मचारी कहिल्यै पनि समयमा पानीको ट्याङ्की सम्म पुगेको रेकर्ड छैन । मान्म बजारको पश्चिम तरका नागरिकलाई लक्षित गरेर बनाइएको टाङकीमा महिनामा दुई दिन पानी पुग्छ । त्यहाँ भएको पानी पनि सशस्त्र प्रहरी बलको ब्यारेक र जिल्ला कारागारका लागि ठिक्क । स्थानीय सिर्जना शाहीले पिउने पानीको अभाव कुनै दिन र महिनामा नहटेको गुनासो गर्नुभयो । पानी पाइँदैन तर महिनामा एक सय ५० रुपियाँ बिल भने नतिरी भएको छैन । बजारको पानी व्यवस्थापनका लागि स्थानीय सरकारले समेत चासो नदिएको सर्वत्र गुनासो छ । मान्ममा मेडिकल सञ्चालन गदै आउनुभएका स्थानीय दिपवहादुर शाहीले आफू मान्म बसेको २० वर्ष भयो । दुई दशक सम्म कुनै पनि दिन पुग्ने गरेर पानी नपाएको सुनाउनुभयो । हामीले कति विरोध, धर्ना प्रशासनसँग गुनासो राखेका छौ । तर कसैबाट पनि पिउने पानीको समस्या समाधान नहुँदा अब आफै एक घण्टा टाढा सम्म गएर मोेटरसाईकलमा पिउनका लागि पानी ल्याउने गरेको शाहीको भनाई छ । नगरपालिका प्रमुख कमलबहादुर शाहीले भने नयाँ योजना सम्पन्न हुँदा पनि पिउने पानीको अभाव हुनु मुहानकै समस्या भएको बताउनुभयो ।
जुम्लाको गिडिदहमा नौ सय पर्यटक भित्र्याउने लक्ष्य
तातोपानी ४ डिगिखोला गाउँको सिरानमा रहेको गिडिदह (ताल) मा करिब नाै सय पर्यटक भित्र्याउने लक्ष्य राखिएको छ । प्रचुर सम्भावना बोकेको गिडिदहमा आन्तरिक र बाह्य गरी करिब ९ सय पर्यटन भित्र्याउने लक्ष्य राखिएको वडाध्यक्ष अमर वहादुर रोकायाले जानकारी दिनुभयो ।
सल्यान मालिका लेक संरक्षण गर्न पहल
सल्यानको ऐतिहासिक, धार्मिक र पर्यटकीय महत्त्व बोकेको मालिका लेक संरक्षण गरी पर्यटकीय प्रवर्धनका लागि सरोकारवाला छलफलमा जुटेका छन् ।
वीरेन्द्रनगर नगरपालिका र त्रिपुरासुन्दरी नगरबिच असल अभ्यास सिकाइका लागि सम्झौता
नविनतम अभ्यास र सेवा प्रवाह सुधारका लागि विरेन्द्रनगर नगरपालिका सुर्खेत र त्रिपुरासुन्दरी नगरपालिका डोल्पाबिच आपसी साझेदारीमा सिकाइ आदानप्रदानसम्बन्धी सम्झौता भएको छ ।
मुगुमा अनलाइनबाटै विद्युत महशुल भुक्तानी
विद्युत् प्राधिकरण वितरण केन्द्र मुगुले अनलाइन प्रविधिबाट विद्युत् महशुल भुक्तानी सेवा सुरु गरेपछि सेवाग्राही लाभान्वित भएका छन् ।
ताला फोडेर परीक्षा सञ्चालन
कालीकोटको रास्कोट नगरपालिका शिक्षा शाखाले विद्यालयको ताला फोडेकोविरुद्ध नेपाल शिक्षक महासङ्घसहित विभिन्न शिक्षक सङ्घ सङ्गठनले आपत्ति जनाएको छ ।
पाँच हजार योजना सिफारिस
हिमाली जिल्ला हुम्लाबाट कर्णाली प्रदेश सरकारको आयोजना बैङ्कका लागि पाँच हजार योजना सिफारिस भएका छन् । आगामी आर्थिक वर्षका लागि प्रदेश सरकारले निर्माण गर्ने योजना बैङ्कका लागि जिल्लाबाट सिफारिस भएर आएका योजनालाई मात्र कार्यान्वयन
स्रोत जुटेपछि पूर्वाधारका काम धमाधम
कर्णाली प्रदेश सरकारले धमाधम पूर्वाधार निर्माण गरिरहेको छ । बजेटको स्रोत सुनिश्चितता भएका र बहुवर्षीय आयोजनाका पूर्वाधार निर्माण गर्ने नीति अनुरूप काम गरिरहेको हो । अघिल्ला वर्ष ठेक्का लागेका केही पूर्वाधार निर्माणका काम भने सम्पन्न भएका छन् । आर्थिक वर्ष २०८०/८१ देखि हालसम्ममा प्रदेशभर ६५ वटा पुल निर्माण भएका छन् । भौतिक पूर्वाधार तथा सहरी विकास मन्त्रालयका अनुसार २३ पक्की तथा ४२ झोलुङ्गे पुल निर्माण भएका हुन् ।
ताला तोडेर परीक्षा सञ्चालन
कालीकोटको रास्कोट नगरपालिका शिक्षा शाखाले विद्यालयको ताला फोडेर परीक्षा सञ्चालन गरेको छ । शिक्षकहरु आन्दोलनमा रहेको र सरकारकाले माग पूरा गर्ने कुनै मनसाय नदेखाएकाले कक्षा ८ को ग्रेटबृद्धिको परीक्षा लिन नसक्ने शिक्षकको अडानपछि नगरपालिकाको शिक्षा शाखा प्रमुख खेमराज शाहीले कक्षा कोठाको ताला फोडेर परीक्षा सञ्चालन गर्नुभएको हो ।
रुकुम पश्चिमका २२ हजार घरधुरीमा केन्द्रीय विद्युत् प्रसारण
जिल्लाको २१ हजार ८५५ घरमा केन्द्रीय विद्युत् प्रसारण जोडिएका छन् । छ वटा स्थानीय तहमध्ये अझै १८ हजार घरमा केन्द्रीय विद्युत् प्रसारण पुग्न बाँकी रहेको रुकुम पश्चिम विद्युत् वितरण केन्द्र प्रमुख वीरमान रासकोटीले जानकारी दिनुभयो ।
-original-thumb.jpg)
शिक्षक आन्दोलनका कारण विद्यार्थी भर्ना अभियान स्थगित
रुकुमपश्चिमका विभिन्न विद्यालयहरूले वैशाख २ देखि हुने भनिएको विद्यार्थी भर्ना अभियान स्थगित गरेका छन् । शिक्षा ऐनको माग गर्दै काठमाडौँमा भइरहेको आम शैक्षिक हड्तालका कारण विद्यालयमा भर्ना अभियान लगायतका कार्यक्रमहरु स्थगित गरिएको विद्यालयले जनाएका छन् ।
धार्मिक विद्यालय खोजी गर्दै प्रदेश सरकार
कर्णाली प्रदेश सरकार प्रदेशमा सञ्चालन भइरहेका परम्परागत तथा धार्मिक विद्यालयहरूको खोजीमा लागेको छ । त्यसका लागि पहिलो पटक यहाँका विभिन्न धार्मिक विद्यालयको तथ्याङ्क सङ्कलन गरिएको छ ।
भवन अलपत्र छोड्ने ठेकेदारको धरौटी जफत
सरकारी भवन अलपत्र पार्ने ठेकेदारको धरौटी जफत गरिएको छ । भाषा, धर्म तथा संस्कृतिको संरक्षण गर्ने उद्देश्यले निर्माण गर्न लागिएको सङ्ग्रहालयको भवन अलपत्र पारेपछि धरौटी जफत गरिएको हो ।
जाजरकोटको पैँक केन्द्रबिन्दु भएर दुई पटक भूकम्प
जाजरकोट जिल्लाको पैँक क्षेत्रलाई केन्द्रबिन्दु बनाएर दुई पटक भूकम्प गएको छ। पहिलो भूकम्प २०८२ साल वैशाख १ गते राति ९ बजेर ३१ मिनेटमा गएको हो। राष्ट्रिय भूकम्प मापन तथा अनुसन्धान केन्द्रका अनुसार उक्त भूकम्पको स्थानीय परिमाण ४।१ म्यागनिच्युट मापन गरिएको छ।
तस्बिरमा रोल्पाको उवा क्षेत्र र गुराँस
रोल्पाको उत्तर पूर्वमा पर्ने उवा इतिहासमा बेग्लै पहिचान भएको गाउँ हो । उवा थवाङ गाउँपालिकाको–४ र ५ नम्बर वडामा पर्ने यो क्षेत्र पुग्दा नरमाउने पर्यटक कमै होलान् ।
