पाटन नगरपालिकाको मनपरी कर, एउटा खसीमा दुई सय
स्थानीय तहको सरकारले बाटै पिच्छे ढाट राखेर खसी, आलु र तरकारी बेच्दा मनपरि कर लिन थालेका छन् । बैतडीको पाटन नगरपालिकाले अनारखोली सडकमा निकासी कर लिन ढाट राखेर एउटा खसीको दुईसय रुपियाँ र आर्गनिक आलुमा प्रति क्विन्टल एकसय रुपियाँ कर लिन थालेपछि किसान मर्कामा परेका छन् ।
दोस्रो पटक चैते धान थन्क्याइँदै
कैलालीको बाढी, डुबान प्रभावित क्षेत्रका किसानले यस वर्ष लगाएको चैते धान दोस्रोपटक भित्र्याइरहेका छन् । मध्यअसारमा पहिलो पटक चैते धान काटेका किसानले डेढ महिनापछि दोस्रो पटक बाली भित्र्याइरहेका हुन् । पहिलो पटक काटेकै बोटमा नयाँ पालुवा पलाएर फेरि धान फलेपछि भित्र्याउने काम गरिरहेको भजनी नगरपालिका–३, पकरियापुरका बुद्धिराम चौधरीले बताउनुभयो । उहाँका अनुसार बाढीले नबिगारेका कारण यस वर्ष चैते धानखेती गरेका किसानलाई दोस्रो पटक पनि धान भित्र्याउने अवसर प्राप्त भएको हो ।
डडेलधुरामा ट्रायल सेन्टरको उद्घाटन
पुष्कर भण्डारीडडेल्धुरा, भदौ ११ गते। सुदूरपश्चिम प्रदेश मुख्यमन्त्री त्रिलोचन भट्टले कार्यालयको विस्तार हुँदा त्यहाँ हुने गडबडी रोकिने बताउनुभएको छ। शनिबार डडेलधुरामा सवारी चालक अनुमतिपत्र (लाइलेन्स) को ट्रायल सेन्टरको उद्घाटन गर्दै उहाँले एकै ठाउँमा मात्रै कार्यालय हुँदा गडबडी हुने उल्लेख गर्नुभयो। यातायात व्यवस्था कार्यालय स्थापना भएको नौ वर्षपछि डडेलधुरामा चालक अनुमति पत्र वितरणका लागि पहिलो पटक लिइएको ट्रायलको उद्घाटन गर्दै मुख्यमन्त्री भट्टले यातायात कार्यालयमा हुने भ्रष्टाचार रोकिने बताउनुभएको हो। ‘‘एकै स्थानबाट सेवा प्रवाह हुँदा चाप बढ्छ र गडबडीको सम्भावना रहन्छ। प्रदेश सरकारले कार्यालय स्थापना र विस्तारको काम अघि बढाइरहेको छ’’, उहाँले भन्नुभयो। सुदूरपश्चिम प्रदेशमा यस अघि कैलाली र कञ्चनपुरबाट मात्रै अनुमतिपत्र प्रदान हुँदै आएको थियो। दुई वटा जिल्लाबाट मात्रै अनुमतिपत्र वितरण हुँदा सेवाग्राहीको चाप बढीहुने भएकाले कर्मचारी लगायत दलालले गडबडी गर्ने गरेको मुख्यमन्त्री भट्टको भनाइ थियो। ‘‘हाम्रो देशमा यातायात र मालपोत कार्यालय बदनाम भएका छन्’’, उहाँले भन्नुभयो, ‘‘बढी चाप हुने कार्यालय भएकाले गडबडी हुने घटना बाहिर आउने गरेका थिए। तर, अहिले त्यस्तो छैन। ’’ डडेलधुरा र डोटीबाट सावारी चालक अनुमतिपत्र वितरण हुनथालेपछि चापका कारण हुने गडबढी पनि रोकिने उहाँको विश्वास छ। जिल्लाबाटै सेवाग्राहीलाई सेवा प्रदान गर्न प्रदेश सरकारले कार्यालय स्थापना गर्ने लक्ष्य राखेको उहाँले बताउनुभयो। डडेल्धुरामा ट्रायल सेन्टर लिजमा लिई यातायात व्यवस्था कार्यालयले ट्रायल लिन सुरु गरेको छ। आफ्नै जमिनका लागि सरकारले पहल अघि बढाउन जिल्ला समन्वय समिति प्रमुख गगनसिंह भण्डारीले आग्रह गर्नुभयो।
डेढसय वर्ष पुरानो जीर्ण पुलमा स्थानीयको त्रासपूर्ण यात्रा
नेपाल–भारत जोड्ने अन्तर्राष्ट्रिय सीमानाका झुलाघाटमा पक्की पुल नहुँदा दुई देशका नागरिक डेढ सय वर्ष पुरानो जीर्ण झोलुङ्गे पुलबाट आवतजावत गर्दैआएका छन् । पटक पटक जीर्णपुल मर्मत गरिए पनि पुल कतिखेर भाँचिने हो स्थानीयमा त्रास छ । करिब डेढसय वर्षअघि ईस्टइण्डिया कम्पनीले बनाएको पुल जीर्ण भएकाले पुल तर्दा त्रसित भएर आवतजावत गर्नुपरेको झुलाघाटका स्थानीय जयसिंह भाटले बताउनुभयो ।
बाजुराका ग्रामीण सडक सञ्चालनमा ल्याउँदै स्थानीय तह
बाजुरामा लामो समय देखि अवरुद्ध बन्दै गएका ग्रामिण सडक यती बेला स्थानीय तहले पुन सञ्चालनमा ल्याउने भएका छन् । बाजुुराका नौ वटै स्थानीय तहमा हिउँदमा सुचारु हुँदै आएका सडक गत असारको पहिलो साताबाट अवरुद्ध बन्दै आएका थिए ।
कैलाली र कञ्चनपुरमा आइतबार सार्वजनिक बिदा
सुदूरपश्चिम प्रदेश सरकाले कैलाली र कञ्चनपुरमा आइतबार सार्वजनिक बिदा दिइएको छ ।
ज्यान लिँदै र गुमाउँदै छाडा चौपाया
धनगढीको छ लेन सडकमा सोमबार राति छाडा चौपायासँग मोटरसाइकल ठोक्कियो। राजपुर क्षेत्रमा भएको सो दुर्घटनामा एउटा गाईमात्रै मरेन, सवारीचालक धनगढी उपमहानगरपालिका–१३ हिमालीटोलका ३० वर्षीय गङ्गा बोगटीको पनि ज्यान गयो। अत्तरियाबाट धनगढीतर्फ आउनेक्रममा छ लेन सडकमा रहेका चौपायामाथि मोटरसाइकल ठोक्किएको थियो। दुर्घटनामा परी गङ्गाकी श्रीमती सर्मिला राई घाइते हुनुभएको छ।
अट्वारी पर्व १२ गते सार्वजनिक बिदा १९ गते
सुदूरपश्चिम प्रदेश सरकारले थारू समुदायको बर्का अट्वारी पर्वका अवसरमा पर्वभन्दा एक हप्ता ढिलो सार्वजनिक बिदा दिने निर्णय गरेको छ। भदौ १२ गते बर्का अट्वारी पर्व भए पनि सरकारले भदौ १९ गते अट्वारी पर्वको सार्वजनिक बिदा दिने निर्णय गरेको हो। विभिन्न जातजातिको पर्वका अवसरमा प्रदेश सरकारले प्रदेशमा सार्वजनिक बिदा दिँदै आएको छ। तर अट्वारी पर्वका अवसरमा १९ गते बिदा दिनु सान्दर्भिक देखिएको छैन। थारू कल्याणकारिणी सभा कैलालीले भदौ १२ गते बिदा दिनका लागि प्रदेश सरकारलाई आग्रह गरेको छ। सभाले आन्तरिक मामिला तथा कानुनमन्त्री डा. रणबहादुर रावललाई ज्ञापनपत्र बुझाउँदै बिदाको मिति सच्याउन आग्रह गरेको हो।
-(1)-original-thumb.jpg)
दफावार छलफलका लागि विधेयक समितिमा
सुदूरपश्चिम प्रदेशको निजामति सेवा गठन, सञ्चालन र सेवा शर्तका सम्बन्धमा व्यवस्था गर्न बनेको विधेयकमाथि दफावार छलफल पश्चात् तयार भएको प्रतिवेदन प्रदेश सभामा प्रस्तुत गरिएको छ ।
महाकालीमा बन्नेभयो पक्की पुल
दार्चुलामा नेपाल–भारत जोड्ने गरी मोटरेबल पुल निर्माण हुने भएको छ । दार्चुलाको महाकाली नगरपालिका–८ असिगडा र भारततर्फ पिथौरागढ जिल्लाको धार्चुला बलुवाकोट नजिकको छार्चुम जोड्ने गरेर महाकाली नदीमाथि पुल बनाउन लागिएको हो। मोटरेबल पुल निर्माणको शिलान्यास गर्नका लागि तयारी भइरहेको प्रमुख जिल्ला अधिकारी दीर्घराज उपाध्यायले जानकारी दिनुभयो। दार्चुलामा महाकाली नदीमाथि भारतसँग जोड्ने सातवटा झोलुङ्गे पुल सञ्चालनमा रहेका छन्। दुईवटा पुल निर्माणाधीन अवस्थामा रहेका छन् भने थप केही पुल निर्माणका लागि पहल भइरहेको छ। मोटरेबल पुल नहुँदा भने आवागमनमा समस्या कायमै रहेको छ। मोटरेबल पुल नभएको कारणले भारतसँगको सम्बन्धमा केही कमी अनुभव भइरहेको छ, प्रजिअ उपाध्यायले भन्नुभयो, “विशेषगरी दार्चुला जिल्ला अस्पतालबाट रेफर भएका बिरामीलाई पिथौरागढ लैजाने प्रवृत्ति
रञ्जिता श्रेष्ठद्वारा उम्मेदवारी घोषणा
नागरिक उन्मुक्ति पार्टीका अध्यक्ष एवम् निलम्बित साँसद् रेशम चौधरीका पत्नी रञ्जिता श्रेष्ठ चौधरीले प्रतिनिधि सभा सदस्य निर्वाचनका लागि बुधबार उम्मेदवारी घोषणा गर्नुभएको छ । उहाँले सासु ससुराको आशीर्वाद लिएर जगतपुरस्थित आफ्नो गृहबाट सङ्घीय साँसद् पद्का लागि उम्मेदवारी घोषणा गर्नुभएको हो । चौधरीले कैलाली क्षेत्र १ बाट चुनाव लड्ने जनाउनु भएको छ । अध्यक्ष चौधरीलाई उहाँका सासु ससुराले फूलमाला लगाएर जितका लागि आशीर्वाद प्रदान गर्नुभयो ।
राप्ती नदीमा नयाँ पुल निर्माण प्रक्रिया शुरु
बाँकेको राप्तीसोनारी गाउँपालिका र नरैनापुर गाउँपालिकालाई नेपालगञ्जसँग जोड्न राप्ती नदीमा नयाँ पुल निर्माण प्रक्रिया शुरु भएको छ ।
राजनीतिक रूपमा समाधान गरिनुपर्नेमा सबै दल सहमत
टीकापुरमा हिंसात्मक घटना भएको सात वर्ष पूरा भएको दिन पारी टीकापुरमा विद्रोह दिवस मनाइएको छ। थारू कल्याणकारिणी सभा, थरुहट थारुवान राष्ट्रिय मुक्ति मोर्चा र थारू विद्यार्थी समाजको आयोजना भानुचोकमा र नागरिक उन्मुक्ति पार्टीको आयोजनामा रेशम चौधरीको फूलबारी रिसोर्टमा छुट्टै कार्यक्रम भएको छ। दुवै कार्यक्रममा टीकापुर घटनालाई राजनीतिक रूपमा सम्बोधन गरेर जेलबन्दीको रिहाइ हुनुपर्ने, कञ्चनपुरदेखि नवलपरासीसम्म थरुहट प्रदेश हुनुपर्ने, भदौ ८ गते थारूका घर–पसलमा आगजनी गर्नेलाई कारबाही हुनुपर्नेलगायतका माग अघि सारिएका छन्।
बादी परिवारलाई लालपुर्जा
कैलालीको लम्कीचुहा नगरपालिका–३, बल्चौरका एक सय २४ भूमिहीन बादी परिवारले घरबासका लागि धनीपुर्जा प्राप्त गरेका छन्। मङ्गलबार नेपाल सरकारका भूमि व्यवस्था, सहकारी तथा गरिबी निवारणमन्त्री शशी श्रेष्ठले एक कार्यक्रमबीच धनीपुर्जा वितरण गर्नुभएको हो। मन्त्री श्रेष्ठले २०२१ सालमा भूमिसुधार योजना लागू भएका बेला नाप्न छुटेका गाउँ ब्लकका जग्गादेखि यसअघिका आयोगले लालपुर्जा दिएका तर जग्गा नपाएकासम्मलाई यस पटकको अधिकारसम्पन्न आयोगबाट जग्गा नापी गरेर आउँदो एक वर्षमा पाँच लाख र दोस्रो वर्ष देशभरका सबै भूमिहीन सुकुम्बासी र अव्यवस्थित बसोबासीलाई लालपुर्जा दिएर नेपालबाटै भूमिहीनको समस्या समाधान गरिने बताउनुभयो।
नीलो आकाश र बादलको घुम्टोमुनि लहलहाउँदो धानबाली
बैतडीको पाटनमा हरियाली भएको धानबाली । पाटन धान उत्पादनको पकेट क्षेत्र पनि हो ।
राष्ट्रिय विभूति घोषणा गरेकोमा खुसीयाली साटासाट
राष्ट्रिय विभूति तथा मानवतावादी राजा जयपृथ्बीबहादुर सिंहको १४६ औँ जन्म जयन्तीको अवसरमा जिल्लाका विभिन्न ठाउँमा छुट्टा छुट्टै कार्यक्रमको आयोजना गरी मनाइएको छ
घडियाल उत्सव र डल्फिन जलचर सचेतना सप्ताह हुने
कैलालीको टीकापुर नगरपालिका-७ बैदीस्थित ढुङ्गाना टोलमा प्रथम घडियाल उत्सव आयोजना हुने भएको छ।
डडेल्धुराको समैजीमा विमानस्थल निर्माणका लागि प्रभाव मूल्याङ्कन गरिने
डडेल्धुराको समैजीमा विमानस्थल निर्माणका लागि वातावरणीय प्रभाव मूल्याङ्कन (ईआईए) गर्ने तयारी थालिएको छ । प्रारम्भिक चरणमा तीन पटकसम्म प्राविधिक अध्ययन गरिसकेपछि अब ईआईएको प्रक्रियामा लैजाने तयारी थालिएको हो ।
दोधारा–चाँदनी : ‘उहिले विकट, अहिले समृद्ध’
दोधारा चाँदनीका उपप्रमुख गङ्गादेवी जोशीको परिवार २०२७ सालमा जाजरकोटबाट बसाइँ सरी कञ्चनपुरको दोधारा–चादँनी आयो । कञ्चनपुरको भौगोलिक रुपले विकट महाकाली नदी पारिको दोधारा चादँनीमा जोशी परिवारले त्यो बेला अभावै अभाव झेल्नु पर्यो ।
भूमिहीन बादी परिवारले पाए लालपुर्जा
कैलालीको लम्कीचुहा नगरपालिका वडा नम्बर ३ बल्चौरका १२४ भूमिहीन बादी परिवारले घरबासको लालपुर्जा प्राप्त गरेका छन् । पूर्वपश्चिम राजमार्गको दक्षिण र रानी जमरा कुलरिया सिँचाइको मूल नहरको उत्तरमा बसोबास गरिरहेका १७७ बादी परिवार मध्ये १२४ परिवारको हातमा मंगलबार लालपुर्जा पुगेको छ । छ परिवारका घरमूली बाहिर भएकाले पछि हस्तान्तरण गरिनेछ । लालपुर्जा पाउनेहरुले दश धुरदेखि एक कठ्ठासम्म पाएका छन् ।
गाईलाई ठक्कर दिँदा मोटरसाइकल चालकको मृत्यु
कैलालीको धनगढी उपमहानगरपालिका–१३ स्थित छ लेन सडकको चौकमा छाडा चौपायामा मोटरसाइकल ठोक्किदा चालक र एक गाईको ज्यान गएको छ ।
-original-thumb.jpg)
कैलालीका नदीमा बढे घडियाल
कैलालीको नदीमा दुर्लभ प्रजातिको घडियाल गोहीको सङ्ख्या बढेको पाइएको छ । घडियाल गोही अति सङ्कटापन्न सूचीमा रहेको छ । कर्णालीका सहायक नदी मोहना, पथरैया, काढा, कान्द्रामा विगतको तुलनामा खडियाल गोहीको सङ्ख्या बढेको स्थानीयले बताएका छन् । स्वच्छ पानीमा आहारबिहार गर्न रुचाउने घडियाल डल्फिन संरक्षित क्षेत्रमा मात्रै दुई दर्जनको हाराहारीमा देखापरेको स्थानीय संरक्षणकर्मी भोजराज ढुङ्गानाको दाबी छ ।
देउताको डरले घरै विरानो
महिनावारी हुँदा छाउ गोठमा बस्नुपर्ने बाध्यताका समाचार बेलाबेलामा आउने गरेका छन् तर देउताको डरले गाउँघर नै छाडेर अर्कै गाउँको गोठमा बास बस्नुपर्ने बाध्यता छभन्दा पत्याउन गाह्रो पर्छ । बैतडीको मेलौली नगरपालिका–८, का पाँचवटा गाउँका महिला रजस्वला हुँदा गाउँ नै छाडेर जानुपर्ने अर्को गाउँमा रहेको छाउ गोठमा जानुपर्ने बाध्यता छ । बैतडीको मेलौली नगरपालिका–८, को विशालपुर क्षेत्रका बबैठा, बोराल, माणैं, रत्तोलार मुस्याल गाउँका महिला र किशोरी महिनावारी भएका बेला देउताको डरले घर छाडेर छिमेकी चौपाता र खैरानी गाउँको गोठमा बस्दै आएका छन् ।
हवाई उद्धारले सुत्केरीको ज्यान जोगियो, शिशुको मृत्यु
बैतडीको सिगासबाट हेलिकोप्टरमार्फत उद्धार गरेर सुर्खेतको प्रादेशिक अस्पताल पु¥याएकी सुत्केरी महिलाको लामो व्यथाका कारण शिशुको मृत्यु भएको छ । डाक्टरले शिशुको गर्भमै मृत्यु भएको जानकारी दिएको सुत्केरी महिलाका श्रीमान दिपेन्द्र धामीले जानकारी दिनुभयो ।
एक किलो चरेससहित धनगढीबाट एक युवक पक्राउ
लागूूऔषध चरेशसहित कैलालीको धनगढीबाट एक युवक पक्राउ परेका छन् । धनगढी उप–महानगरपालिका–१२ जुगेडा कम्पनी टोलमा किरना पसल सञ्चालन गरेका ३६ वर्षीय दिनेश सिंह एक किलो चरेशसहित पक्राउ परेका हुन् ।
