एउटै विद्यालयमा १३ जोडी जुम्ल्याहा विद्यार्थी
पूर्वी नवलपरासीको एउटै विद्यालयमा १३ जोडी जुम्ल्याहा विद्यार्थी अध्ययन गरिरहेका छन् । कावासोती–३ स्थित संस्थागत सिद्धार्थ आवासीय माध्यमिक विद्यालयमा उनीहरु अध्ययन गर्दैआएका छन् ।
भूकम्प प्रतिरोधी घर बनाउन सिकाइँदै
वालिङ नगरपालिकाले कालिगड (मिस्त्री)लाई भूकम्प प्रतिरोधी घर बनाउने सीप सिकाउन थालेको छ। विगत लामो समयदेखि घर बनाउने काम गर्दै आएका मिस्त्रीलाई भूकम्प प्रतिरोधी घर बनाउन सिकाइएको हो। संयुक्त राष्ट्रसङ्घीय विकास कार्यक्रम यूएनडीपीको सहकार्यमा नगरपालिकाले सो तालिम सञ्चालन गरेको हो। १४ वटै वडाका अगुवा मेसन (घर बनाउने) १८ जना मिस्त्रीलाई पहिलो चरणमा तालिम दिन सुरु गरिएको छ।
तनहुँमा जनता आवास कार्यक्रमका अधिकांश घर अधुरा
तनहुँमा जनता आवास कार्यक्रम अन्तर्गतका अधिकांश घर अधुरा रहेका छन् । जिल्लामा गरिब, विपन्न, तथा सीमान्तकृत समुदायलाई लक्षित गर्दै घाम, पानी तथा जाडो बाट जोगाउन छनोटमा परेका दुई सय ८६ घर मध्ये अधिकांशको निर्माण पुरा नभएको हो ।
दुई वर्षदेखि जिल्ला अस्पताल एम्बुलेन्सविहीन
हिमालपारीको जिल्ला मुस्ताङको जिल्ला अस्पताल पछिल्लो दुई वर्षदेखि एम्बुलेन्सविहीनको अवस्थामा रहेको जिल्ला अस्पताल मुस्ताङका निमित्त मेडिकल सुपरिटेण्डेन्ट डा. बिशाल तिवारीले बताउनुभयो ।
तनहुँ जलविद्युत प्रसारण लाइनका लागि २८ टावर तयार
निर्माणाधीन यहाँस्थित तनहुँ जलविद्युत आयोजनाको प्रसारण लाइन निर्माणका लागि २८ वटा टावर तयार भएको छ । आयोजनाको तेस्रो प्याकेज अन्तर्गत सो सङ्ख्यामा टावर र ४७ वटा फाउण्डेशन (जग हाल्ने) कार्य सम्पन्न भएको आयोजनाले जनाएको छ ।
सुन्तलाबारी होमस्टेका सञ्चालकलाई खाना पकाउने तालिम
पाहुनालाई कसरी खुसी बनाउने तथा मीठो परिकार कसरी खुवाउने भन्ने चिन्ता कम भएको भन्दै स्याङ्जाको वालिङ नगरपालिका –४, खाल्टेमा रहेको सुन्तलाबारी होमस्टेका सञ्चालक खुसी भएका छन् ।
गण्डकी प्रदेशको मुख्यमन्त्रीमा जीसीको दाबी
गण्डकी प्रदेशको मुख्यमन्त्रीका लागि नेपाली कांग्रेस नवलपुरका सभापतिसमेत रहनुभएका प्रदेश सांसद महेन्द्रध्वज जीसीले कांग्रेस संसदीय दलको नेतामा चुनाव लड्ने बताउनुभएको छ ।
आजदेखि फेवा किनारामा लिटरेचर फेस्टिभल
बुकवर्म फाउण्डेसनको आयोजनामा पोखरामा बुधबारदेखि १० औँ नेपाल लिटरचेर फेस्टिभल सुरु हुँदैछ । पुस ६ देखि ११ सम्म फेवाताल किनार वाराहीघाटमा हुने सो फेस्टिभलमा दुई सय पाहुनाबीच ५० भन्दा बढी सेसन, साङ्गीतिक साँझ र थप रोचक सामग्री हुने छन् ।
नयाँ विमानस्थलमा बुद्धको पहिलो उडान हुने
आगामी पुस १७ गते उद्घाटनको तयारीमा रहेको पोखरा क्षेत्रीय अन्तर्राष्ट्रिय विमानस्थलमा बिहीबार बुद्ध एयरले प्रदर्शन (डेमोन्स्ट्रेसन फ्लाइट) उडान गर्ने भएको छ । नेपाल नागरिक उड्डयन प्राधिकरणका अनुसार पोखराबाट क्षेत्रीय उडान गर्दै आएको बुद्ध एयरले पहिलो प्रदर्शन उडान गर्ने अनुमति पाएको छ । प्राधिकरणका सूचना अधिकारी ज्ञानेन्द्र भुलका अनुसार बुद्ध एयरको एटीआर ७२ जहाजले बिहीबार प्रदर्शन उडान गर्न लागेको हो । त्यससँगै नयाँ विमानस्थलमा पहिलो उडान गर्ने अवसर बुद्ध एयरले पाउनेछ । बुद्धले पोखराबाट भारतमा पहिलो अन्तर्राष्ट्रिय उडानको समेत अनुमति मागेकाले त्यसबारे भारतसँग अनुमतिको प्रक्रियामा रहेको पनि भुलले जानकारी दिनुभयो ।
कालिगण्डकी नदी वारपार गर्न काठेपुलको भर
कालिगण्डकी नदी किनारमा रहेको तातोपानी कुण्डमा जानका लागि स्थानीय एक युवाले नदीमा स्थानीय प्रविधिको प्रयोग गरेर काठको अस्थायी पुल निर्माण गर्नुभएको छ । झोलुङ्गे पुल नहुँदा यहाँ हिँउदको समयमा कालिगण्डकी नदी वारपार गर्न काठेपुलको भर पर्नुपर्ने बाध्यता छ ।
तनहुँ जलविद्युत्को सुरुङ आधा सम्पन्न
तनहुँ जलविद्युत् आयोजनाको मुख्य सुरुङको (पानी ल्याउने) ५० प्रतिशत काम पूरा भएको छ। कुल एक हजार ४०८ मिटर लामो सुरुङ रहेको छ। सुरुङमार्ग ७०४ मिटर सम्पन्न भएको तनहुँ जलविद्युत् आयोजनाका वरिष्ठ सहायक उद्धव पौडेलले जानकारी दिनुभयो। प्याकेज दुईअन्तर्गत विद्युत्गृह जाने टनेलको भने सबै काम सम्पन्न भइसकेको छ।
सडक क्षेत्रमै गोदाम र कुखुरापालन
बेनीको कालीपुलस्थित सडक अतिक्रमण गरी व्यापारीले गोदाम बनाइदिएका छन्। बेनी–जोमसोम–कोरला सडकको प्रवेशद्वार कालीपुलस्थित सडकछेउमा विभिन्न सामग्री गोदाम (भण्डार) गरी राखिएका छन्। व्यापारीका सामग्रीका कारण सडक साँघुरो भएको छ भने दुर्घटनाको जोखिम पनि बढेको छ। सडकछेवैमा छरपस्ट सामग्रीका कारण पैदलयात्रामा असहज भएको छ। कालीपुलस्थित पेट्रोलपम्पदेखि जलजला गाउँपालिका–३, बगरफाँट जाने झोलुङ्गे पुलसम्मको सडक व्यवसायीहरूले अतिक्रमण गरी सामग्री र सवारीसाधन राख्ने गरेका छन्।
मर्स्याङ्दीको उत्पादन घट्यो
नदीमा बहाव कम भएसँगै तनहुँको आँबुखैरेनी गाउँपालिका–४ स्थित मर्स्याङ्दी जलविद्युत् केन्द्रको उत्पादनमा कमी आएको छ । मस्र्याङ्दी हिमालबाट बगेर आएको नदी भएकाले चिसो मौसममा घामको तापक्रम घट्ने हुँदा हिमाल कम पग्लने र जाडोयाममा वर्षा पनि कम हुने भएकाले उत्पादन घटेको केन्द्रका इन्जिनियर जगदीश ढुङ्गानाले जानकारी दिनुभयो
आफूले प्रयोग गरेका सेनिटरी प्याड विसर्जन गर्दै किशोरीहरू
स्याङ्जाको वालिङ नगरपालिका वडा नं. १३ मा रहेको लक्ष्मी माविका किशोरीहरूले आफूले प्रयोग गरेका सेनिटरी प्याड खाल्टोमा विसर्जन (पुर्न) थालेका छन् ।
भूकम्प प्रतिरोधी घर बनाउन सिकाउँदै वालिङ नगरपालिका
वालिङ नगरपालिकाले मिस्त्री (श्रमिक)हरुलाई भूकम्प प्रतिरोधी घर बनाउन सिकाउन सुरु गरेको छ । नगरभित्र लामो समयदेखि घर बनाउने काम गर्दै आएका मिस्त्रीहरुलाई भूकम्प प्रतिरोधी घर बनाउन सिकाएको हो ।
पाल्पामा भेटियो ऐतिहासिक हतियार ‘तोपका गोला’
जिल्ला सदरमुकाम तानसेन–४ स्थित सिल्खानटोलमा पुराना हतियार तोपका गोला भेटिएको छ । नेपाली सेनाले घडेरी खन्दा ऐतिहासिक रूपमा प्रयोग भएको हतियारको गोलाहरू फेला परेको पाल्पाका प्रमुख जिल्ला अधिकारी जगन्नाथ पन्तले जानकारी दिनुभयो ।
तनहुँमा बढ्दै घरेलु हिंसा
तनहुँमा घरेलु हिंसा बढ्दै गएको छ । प्राप्त तथ्याङ्कले जिल्ला प्रहरी कार्यालय तनहुँमा यससम्बन्धी उजुरीहरू बढ्दै गएको देखिएको छ ।
नयाँ सरकार गठनको तयारी
गण्डकी प्रदेश नयाँ सरकार गठनको तयारीमा जुटेको छ। प्रदेश प्रमुख पृथ्वीमान गुरुङलाई निर्वाचन आयोगका आयुक्त ईश्वरीप्रसाद पौड्यालले प्रदेश निर्वाचनको अन्तिम परिणामसहितको प्रतिवेदन बुझाएपछि नयाँ सरकार गठनको औपचारिक बाटो खुलेको हो। निर्वाचन आयोगले गएको मङ्सिर २८ गते नै प्रदेश सभा निर्वाचनको अन्तिम मतपरिणाम सार्वजनिक गरेको थियो। आउँदो पुस १६ गतेभित्रै प्रदेश सभाको बैठक बसिसक्नुपर्ने हुन्छ। प्रदेश सभा सदस्यले बैठकअगावै शपथ लिनुपर्ने संवैधानिक व्यवस्था छ।
सडक सञ्जालले पदयात्रा मार्ग मासिँदै
सडक सञ्जालको विस्तारले पदयात्रा मार्ग मासिन थालेपछि पर्यटकको आगमन र बसाइ अवधि घटेकोप्रति पर्यटन व्यवसायी चिन्ता व्यक्त गरेका छन् । सडक सञ्जालका कारण अन्नपूर्ण क्षेत्र र धौलागिरि क्षेत्रका थुप्रै पुराना र चर्चित पैदल मार्ग मासिन थालेका हुन् । ट्रेकिङ एजेन्सिज एसोसिएसन अफ नेपाल (टान), गण्डकीका अध्यक्ष सुशीलराज पौडेलले सडक मार्गका कारण अब व्यवसायीले व्यवसाय गर्ने ठाउँ कहाँ हो भन्ने प्रश्न उब्जिएको बताउनुभयो । पदयात्रा मासिँदा नेपाल किन आउने भन्ने प्रश्न उठ्न सक्ने बताउँदै उहाँले यी पद मार्ग र प्राकृतिक सुन्दरताको संरक्षण नै पर्यटन प्रवद्र्धन हो भन्ने हिसाबले अगाडि बढ्नुपर्ने सुझाव दिनुभयो । झन्डै तीन हप्ता लामो अन्नपूर्ण चक्रीय पदमार्गसमेत एक हप्तामा खुम्चिएको र म्याग्दीको घोरेपानी पुग्ने पदमार्गलगायत अन्य दर्जनौँ पर्यटकीय मार्ग छोटिने र मासिने क्रममा रहेको उहाँले बताउनुभयो ।
फेरिँदै दरबाङ बजार
मालिका गाउँपालिका –६ ,स्थित दरबाङ बजार पछिल्लो केही वर्षदेखि चहलपहल बढेको छ भने जिल्लाकै एक व्यापारीक हवको रूपमा चिनिएको छ । सदरमुकाम बेनीदेखि २४ किलोमिटर दुरीमा रहेको यो बजारलाई म्याग्दीको दोस्रो सदरमुकामको रूपमा समेत चिन्न थालेको छ ।
डाँडाखेतमा विद्युतीय सबस्टेसन
म्याग्दीको मालिका गाउँपालिका–७, बीमस्थित डाँडाखेतमा म्याग्दी नदी र सहायक नदीमा निर्माणाधीन आयोजनाबाट उत्पादन हुने विद्युत्लाई राष्ट्रिय प्रसारण लाइनमा जोड्न सबस्टेशन निर्माण सुरु भएको छ । नेपाल विद्युत् प्राधिकरणले बीमदेखि रघुगङ्गा गाउँपालिका–३, राहुघाटको अम्बाङ जोड्ने १३२ केभी क्षमताको प्रसारण लाइन र सबस्टेसन निर्माण थालेको हो ।
ल्यान्डफिल साइटमा फोहोर फ्याँक्न रोकियो
पोखराको छिनडाँडामा अवस्थित पोखरा अन्तर्राष्ट्रिय विमानस्थल सञ्चालनमा बाधक बनेपछि पोखराको ल्यान्डफिल साइटमा आइतबारदेखि फोहोर फ्याँक्न रोक लगाइएको छ । पोखरा महानगरपालिकाले तत्कालका लागि फोहोरको व्यवस्थापन गर्न विभिन्न वडामा अल्पकालीन व्यवस्था मिलाइएको जनाएको छ । महानगरपालिकाका प्रवक्ता मोतीलाल तिमिल्सिनाका अनुसार तत्कालका लागि क्षेत्रगत रूपमा फोहोर व्यवस्थापन गर्ने निर्णय गरेको छ ।
महिलाको शव बोकेर घाट लैजाँदै
वेदव्यास ज्येष्ठ नागारिक आश्रममा आश्रित ९० वर्षीया मिठुमाया केसीको शवलाई दाह संस्कारका लागि मादीसेती घाट लगिँदै ।
धमाधम निर्माण हुँदै प्रशासकीय भवन
सङ्घीयता कार्यान्वयनसँगै ११ स्थानीय तह भएको स्याङ्जामा प्रशासकीय भवन निर्माणले तीव्रता पाएको छ । पुराना तीन नगरपालिकाको पुरानो आफ्नो भवनबाट काम थालेकोमा नयाँ पालिका बनेको हरिनास गाउँपालिकाले पुरानो गाउँपालिका सामान्य मर्मत गरेर काम अगाडि बढाएको हो ।
तनहुँको खानीखोलामा पृथ्वी राजमार्ग दुईतर्फी आवागमन बन्द
तनहुँको आँबुखैरेनी गाउँपालिका–२ मार्किचोकस्थित खानीखोला पुलमा पहिरो जाँदा दुईतर्फी पृथ्वीराजमार्ग अबरुद्ध भएको छ ।
