दुर्गन्धभित्र कोशी अस्पताल
विराटनगरको कोशी अस्पतालमा आउने सेवाग्राहीलाई पिसाब लागे शौचालयमा पस्न सक्ने अवस्था छैन। शौचालय दुर्गन्धले पस्न सक्ने अवस्था छैन। हात धुन लगाइएका बेसिनमा पान र गुट्खा खाएर थुक्दा पानी जमेर आहाल बन्ने गरेका छन्। सरकारी अस्पतालमा कर्मचारीले जिम्मेवारीको काम पूरा नगर्दा जथाभाबी फोहोर र दुर्गन्धले पुरिएको छ। सफाइका लागि राखिएका कर्मचारीले सही समयमा सही तरिकाले काम नगर्दा सेवाग्राहीले समेत फोहोर गरेर निस्कने गरेका हुन्।
ताप्लेजुङमा पिकअप दुर्घटना, तीन जना घाइते
ताप्लेजुङको फुङ्लिङ नगरपालिकामा पिकअप भ्यान दुर्घटना हुँदा तीन जना यात्रु घाइते भएका छन्। फुङ्लिङ–पाथीभरा सडक खण्डअन्तर्गत सुकेटार नजिक बा ११ च २२७६ नम्बरको पिकअप शुक्रबार साँझपख दुर्घटना भएको हो।
भ्युटावरका संरचना व्यक्तिको जग्गामा
इलाम नगरपालिकामा आउने पर्यटकहरूका लागि आकर्षणको मुख्य स्थान रहेको भ्युटावर व्यक्तिको जग्गा मिचेर निर्माण गरेको पाइएको छ ।
विपद् प्रतिकार्यसम्बन्धी स्थानीय समुदायलाई तालिम
ताप्लेजुङमा स्थानीय समुदायलाई विपद् प्रतिकार्यसम्बन्धी शिक्षा दिन तालिम सुरु गरिएको छ।
जङ्गली जनावरले सताएपछि वन ऐन संशोधनको प्रस्ताव
अहिले इलामका किसान हिउँदे आलु खन्न व्यस्त छन्। बर्खे आलु पनि अहिले उम्रँदै छ तर खन्ने बेला भएको आलु उठाउन र बर्खे आलु जोगाउन इलामका किसानलाई निकै समस्या भएको छ। इलामका धेरैजसो गाउँमा बाँदर र बँदेलले पाकेको बाली खाएर हैरान भएपछि किसान चिन्तित छन्।
मासिँदै धनकुटाको शान
धनकुटा नगरपालिका–६, सिरान बजारका विजयशेखर श्रेष्ठले आफ्नो घरको झिँगटीको छानो परिवर्तन गरी नयाँ यूपीभीसीको छानो लगाउनुप-यो। पुरानो शैलीको झिँगटीको छानो परिवर्तन गरी नयाँ र आधुनिक यूपीभीसीको छानो लगाउँदा उहाँको मन भने खुसी भएन। किनकि पुरानो शैलीको छानोसँगै पिता पुर्खाले निर्माण गरेको कलाकृति गुम्दै थियो।
पाथीभरा याङ्वरकलाई गाउँपालिका अध्यक्ष कप उपाधि
ताप्लेजुङको सिरिजङ्घा गाउँपालिकामा सम्पन्न अन्तरपालिकास्तरीय अध्यक्ष कप पुरुष भलिबल प्रतियोगिताको उपाधि पाथीभरा याङ्वरकले जितेको छ ।
दुर्गमका विद्यालय, शिक्षक र विद्यार्थी सम्मानित
ताप्लेजुङको दुर्गम तथा हिमाली क्षेत्रका उत्कृष्ट विद्यालय, शिक्षक र विद्यार्थीलाई सम्मान गरिएको छ।सिकाइ उपलब्धि प्रवर्द्धन कार्यक्रममार्फत उत्कृष्ट छनोट भएका तीन विद्यालय, तीन जना शिक्षक र १० जना विद्यार्थीलाई नगदसहित सम्मान गरिएको हो ।
-original-thumb.jpg)
छिम्सुवा बेँसीमा ढकमक्क फुलेको आँप
धनकुटा नगरपालिका–९ स्थित छिम्सुवा बेँसीमा किसानले व्यावसायिक रुपमा गरेको आँपखेती बगैँचामा ढकमक्क फुलेको आँप । जङ्गली बँदेल र बाँदरले अन्नबाली खाएर हैरान बनाउन थालेपछि यहाँका ३५ घर परिवारले विसं २०५३ देखि आँप रोप्न सुरु गरेको उहाँहरु बताउनुहुन्छ। तस्बिरः नारायणकुमार राई/रासस
हात्ती धपाउन वनमा डढेलो
झापाको मेचीनगर नगरपालिकाको चारआलीसहित विभिन्न सामुदायिक वनहरूमा पछिल्लो समय डढेलो लाग्नेगरेको छ ।
बिर्तामोडको कवाडी ग्यारेजमा लागेको आगो नियन्त्रणमा
झापाको मुख्य बजार बिर्तामोडस्थित एक कवाडी ग्यारेजमा भएको आगलागी नियन्त्रणमा आएको छ । बिहीबार बिहान सिटी सेन्टर पाछाडि रहेको एक कवाडी ग्यारेजमा लागेको आगो विर्तामोड नगरपालिकाको दमकलसहित स्थानीयको सहयोगामा नियन्त्रणमा आएको हो ।
नक्कली नोट र लागूऔषधसहित दाजुभाइ पक्राउ
दमक/झापामा नक्कली नोट र लागूऔषध कारोबार गर्दै आएका दाजुभाइलाई प्रहरीले पक्राउ गरेको छ । जिल्ला प्रहरी कार्यालय झापाका अनुसार विर्तामोड–४ मेघाबारीबाट एकै परिवारका दुईलाई नक्कली नेपाली र विदेशी नोटसहित पक्राउ गरेको छ ।
इलाममा कोरोनाविरुद्धको बुस्टर खोप
सरकारको नियमित कार्यक्रमअन्तर्गत देशैभर कोरोनाविरुद्धको बुस्टर खोप दिइँदै छ । कोरोना भाइरस कोभिड–१९ विरुद्धको दोस्रो बुस्टर डोज खोप इलाममा चैत्त ३ गतेबाट दिइने भएको हो ।
ऋण तिर्ने बहानामा खानेपानी महसुल वृद्धि गर्दा उपभोक्ता मारमा
इलाम नगरपालिकामा खानेपानी आपूर्ति सहज गराउन अहिले सहरी खानेपानी आयोजनाको निर्माण भइरहेको छ । अझै यो आयोजना निर्माण सम्पन्न गर्न अझै केही समय लाग्ने छ । यो आयोजना हस्तान्तरण गर्न त एक–डेढ वर्ष नै लाग्ने छ ।
छ महिनामा एउटा मात्र सहकारी अनुगमन
झापामा पछिल्लो समयमा सहकारी संस्था समस्यामा रहेको चर्चा चलिरहेको छ। कतिपय सहकारी संस्थाले बचतकर्ताको निक्षेप फिर्ता नगरेको र सञ्चालकले आफूखुसी कर्जा लिएर सहकारीलाई अप्ठ्यारोमा पारेको गुनासो आउने गरेको छ। यस्तो अवस्थामा पनि सहकारी संस्थाको विषयमा स्थानीय सरकार बेखबरजस्तै अवस्थामा रहेको छ। अहिलेसम्म प्रभावकारी अनुगमन हुन सकेको छैन। दमक नगरपालिकामा पनि यस्तै अवस्था रहेको पाइएको छ। नगरपालिकाले बेग्लै सहकारी शाखा बनाएर कर्मचारीको समेत व्यवस्थापन भने गरेको छ। मङ्गलबार दमक नगरपालिकाको ११औँ नगर सभामा आर्थिक विकास समितिका संयोजक इन्द्रबहादुर गुरुङले प्रस्तुत गरेको आर्थिक प्रतिवेदनमा छ महिनाको अवधिमा एउटा मात्र सहकारी अनुगमन गरेको प्रतिवेदन पेस गर्नुभयो।
छुरा प्रहारबाट घाइते बीनाको उपचार खर्च अभाव
झापा कनकाई नगरपालिका–२, सुकेडाँगीमा आफ्नै श्रीमान्को छुरा प्रहारबाट सख्त घाइते ४० वर्षीया बीना लिम्बू उपचार खर्च नहुँदा जीवनमरणको अवस्थामा हुनुहुन्छ। गत फागुन २४ गते बुधबारका दिन श्रीमान् पदमबहादुर कुमालले मादक पदार्थ सेवन गरेर छुराले पेटमा र फलामको घनले टाउकोमा प्रहार गरेपछि उहाँ सख्त घाइते हुनुभएको हो। घाइते बीनाको उपचार नहुँदा जीवन सङ्कटमा परेको हो।
मुख्यमन्त्रीको प्रेस सल्लाहकारमा विष्ट
गोरखापत्र दैनिकका मोरङ समाचारदाता महेन्द्र विष्टलाई कोशी प्रदेशका मुख्यमन्त्री हिक्मतकुमार कार्कीले प्रेस सल्लाहकारमा नियुक्त गर्नुभएको छ। मुख्यमन्त्री कार्कीले बुधबार विष्टलाई सल्लाहकार नियुक्त गर्नुभएको हो। पत्रकारिता विषयमा स्नातकोत्तर गर्नुभएका विष्ट २०५२ सालदेखि पत्रकारिता पेसामा क्रियाशील हुनुहुन्छ। उहाँले आमसञ्चार विषयमा अध्यापनसमेत गराउँदै आउनुभएको छ।
सहरिया प्रवृत्ति उजागर गर्ने नाटक ‘लङ टाइम नो सी’
सिनेमाघरमा नेपाली सिनेमाको पोस्टर लागेको छ । टिकट काट्ने ठाउँमा खचाखच भीड छ । ठेलामठेल लाइन । कुनै सरकारी अस्पतालमा स्वास्थ्य बीमा सुविधा लिनेको भीडभन्दा कम छैन । कोही लाइन मिच्न तम्सिरहेका छन् भने कोही फिल्म हेर्न नपाउने निराशामा घरै फर्किन खोजिरहेका छन् । त्यसैबेला एक युवक सिनेमाघरको टिकट काउन्टरभन्दा पर घर फर्किन लागेको एक अधबैँसेलाई गएर झ्याप्प अँगालो मार्छ । अधबैँसेले युवकलाई चिन्दैनन् । युवक छक्क पर्छन् । उनी अधबैँसेलाई आफ्नै दाजुभन्दा नजिकको मानेर सम्बोधन गरिरहन्छन् । लाइन मिचेरै फिल्मको अर्को टिकट आफ्नो दाजुका लागि भनेर ल्याउँछन् ।
पाँचथरमा चट्याङ लागेर दुई जना घाइते, गाई र बाख्रा मरे
चट्याङ लाग्दा पाँचथरको तुम्बेवा गाउँपालिका–२ मा दुई जना घाइते भएका छन्।
स्ववियु निर्वाचनको मुखमा क्याम्पसमा तोडफोड
निर्वाचन आचारसंहिता विपरीत विद्यार्थी भर्ना गरिएका विद्यार्थीको नाम मतदाता सूचीबाट हटाउन माग गर्दै नेकपा (एमाले) निकट अनेरास्ववियुले काँकडभिट्टा बहुमुखी क्याम्पसमा तोडफोड गरेको हो।
करेन्ट लागेर कडरियाको ज्यान गयो
झापामा घाँस काट्न रुखमा चढेका एक व्यक्तिको करेन्ट लागेर ज्यान गएको छ । जिल्ला प्रहरी कार्यालय झापाका अनुसार मेचीनगर नगरपालिका –४ का ४५ वर्षीय पुष्टबहादुर कडरियाको करेन्ट लागेर ज्यान गएको हो ।
मौसमी तरकारीको उत्पादन न्यून हुँदा आयातित तरकारीको मूल्य बढ्यो
हरियो तरकारी उत्पादनका उदयपुर लागि उर्वर भूमि मानिए पनि हरियो तथा मौसमी तरकारीहरू उत्पादन घट्दा जिल्लाभित्र विभिन्न रासायनिक पदार्थ, भएको तरकारीको आयात बढ्न थालेको छ ।
नयाँघरेलाई साहित्य कलाश्री पुरस्कार
साहित्य कला सङ्गम, दमकले सात स्रष्टालाई पुरस्कृत गरेको छ । आगामी चैत २५ गते झापाको दमकमा भव्य कार्यक्रम आयोजना गरी लेखकहरूलाई सम्मान गरिने संस्थाद्वारा प्रेषित समाचारमा जनाइएको छ । भवानी मिश्र पुरस्कारबाट चूडामणि रेग्मी, प्रतिभा पौडेल, मुकुन्द प्रयास, हिक्मत नेम्बाङ, युद्धवीर राणा पुरस्कृत हुनुभएको छ । त्यसैगरी साहित्य कलाश्री पुरस्कारबाट निबन्धकार–नियात्राकार युवराज नयाँघरेलाई पुरस्कृत गरिएको छ ।
चियाको पहिलो टिपाइ सुरु
इलाममा ‘फर्स्ट फ्लस’ अर्थात् चियाको पहिलो टिपाइ सुरु भएको छ । पहिलो चरणको टिपाइको चियालाई किसान र उद्योगीले विशेष महत्वका साथ लिने गर्छन् । वर्षभर उत्पादन हुने चियामध्येको सबैभन्दा गुणस्तरीय र राम्रो मूल्यमा बिक्री हुने पहिलो चरणको हरियो पत्तीको मूल्य पनि राम्रै हुने गरेको छ ।
आधाभन्दा बढीले भरे राष्ट्रिय परिचयपत्रको विवरण
धनकुटाको कुल जनसङ्ख्याको आधाभन्दा बढीले राष्ट्रिय परिचयपत्रका लागि फाराम भरेका छन्। २०७९ माघ महिनासम्म ८८ हजार १०५ जनाले राष्ट्रिय परिचयपत्रको विवरण भरेको जिल्ला प्रशासन कार्यालयले जनाएको छ। यो धनकुटाको कुल जनसङ्ख्याको पचास प्रतिशतभन्दा बढी हो।
