विद्यार्थीलाई ज्वरो आएपछि विद्यालय बन्द
लमजुङको बेंसीसहर नगरपालिका वडा नम्बर ७ स्थित जनविकास माध्यमिक विद्यालयका विद्यार्थीमा रुघाखोकी र ज्वरोको समस्या देखिएपछि विद्यालय बन्द भएको छ।
‘अबको दुई हप्तामा कोरोना सङ्क्रमण उत्कर्षमा पुग्ने’
स्वास्थ्य तथा जनसङ्ख्या मन्त्रालयले अबको दुई हप्तामा कोरोना सङ्क्रमण उत्कर्षमा पुग्ने अनुमान गरेको छ।
सङ्क्रमितको सङ्ख्या एक हजार नाघ्यो, दुईको मृत्यु
मुलुकमा कोरोना सङ्क्रमणदर उकालो लाग्ने क्रम जारी रहेको छ । पछिल्लो २४ घण्टामा एक हजारभन्दा बढीमा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार छ हजार तीन एन्टिजेन र पीसीआर परीक्षण गर्दा एक हजार ९० जनामा कोरोना पुष्टि भएको हो ।
डा. केसीद्वारा इलाम अस्पतालबाट सेवा सुरु
डाक्टर गोविन्द केसीले इलामबाट स्वास्थ्य सेवा सुरु गर्नुभएको छ । इलाम अस्पतालमार्फत उहाँले हाडजोर्नीको सेवा दिन सुरु गर्नुभएको हो । सोमबारदेखि उहाँले २० दिनसम्म नियमित सेवा प्रवाह गर्नुहुने जनाइएको छ ।
सुदूरपश्चिममा कोरोना बढ्दै, सतर्कता शून्य
पछिल्लो समय सुदूरपश्चिममा कोरोना भाइरसको सङ्क्रमण बढ्दै गए पनि त्यसको नियन्त्रणका लागि सतर्कता भने अपनाइएको छैन ।
एमबिबिएस अध्ययन गर्ने विदेशी विद्यार्थीको सङ्ख्या छ गुणाले बढ्यो
चिकित्सा शिक्षा आयोगले नेपालमा एमबिबिएस अध्ययन गर्ने विदेशी विद्यार्थीको सङ्ख्या गत वर्षभन्दा छ गुणाले वृद्धि भएको बताएको छ । आयोगले सोमबार भक्तपुरको सानोठिमीस्थित कार्यालयमा आयोजना गरेको पत्रकार सम्मेलनमा आयोगका कार्यकारी उपाध्यक्ष प्राडा श्री कृष्ण गिरीले गत वर्षको भन्दा छ गुणाले विदेशी विद्यार्थीको सङ्ख्या बढेको बताउनुभएको हो ।
निजीलाई सिट पाउन हम्मे, टिचिङको सिट घटाइदिन अनुरोध
काठमाडौँ, साउन २४ गते । चिकित्सा शास्त्रअन्तर्गत अध्ययन हुने विषयमा सिट पाउनका लागि हम्मे पर्दछ । कतिपय मेडिकल कलेजले मागेभन्दा आधा सिट पनि पाउन मुस्किल छ तर त्रिभुवन विश्वविद्यालय चिकित्सा शास्त्र अध्ययन संस्थान (आईओएम)को आङ्गिक क्याम्पस महाराजगञ्ज क्याम्पसमा भने एमबीबीएस अध्ययन गर्ने विद्यार्थीको सिट सङ्ख्या घटाउन आईओएमकै पदाधिकारी लागेका छन् । सरकारी निकायले भौतिक संरचनालगायतका व्यवस्थापन गरेर जति बढी सिट चिकित्सा शिक्षा आयोगले दिन्छ त्यति नै अध्ययन गराउनुपर्ने हो । त्यसविपरीत आईओएमले भने आयोगले निर्धारण गरिदिएको सिटमा समेत चिकित्सा शिक्षा अध्ययन गराउन आनाकानी गरिरहेको छ । अघिल्लो शैक्षिक सत्रदेखि एक सय विद्यार्थी अध्ययन गराउन थालेको आईओएमले विद्यार्थी पढाउने कक्षा नभएको तथा सानो भएको भन्दै चिकित्सा शिक्षा आयोगलाई पत्रमार्फत आगामी शैक्षिक सत्रका लागि ७६ सिट मात्र तोकिदिन आग्रह गरेको छ । सरकारी संस्थाले एक सय होइन, दुई सय सिट सङ्ख्यामा पढाउँछौँ, दुई चरणमा पढाउँछौँ भनेर आए पनि आयोगले सिट दिनुपर्छ, आयोगका एक पदाधिकारीले गोरखापत्रसँग भन्नुभयो, “आईओएमको सिट घटाइदिने पत्रले अचम्मित बनाएको छ ।” सरकारले बजेट वक्तव्यमार्फत चिकित्सा शिक्षालाई क्षमता अभिवृद्धि गर्दै दुई चरणमा सञ्चालन गर्ने उल्लेख छ । सरकारको नीतिविपरीत आईओएमले सिट सङ्ख्या घटाउन आयोगलाई पटक–पटक ताकेता गरेको छ । “आईओएमका पदाधिकारीका पछिल्ला गतिविधि शङ्कास्पद छन्”, आयोगका एक पदाधिकारीले भन्नुभयो । आयोगका कार्यकारी उपाध्यक्ष प्राडा श्रीकृष्ण गिरीले आईओएमबाट सिट सङ्ख्या घटाउनका लागि पत्र आएको पुष्टि गर्नुभयो । आयोगका निर्देशक प्राडा रमेशप्रसाद आचार्यले अन्य मेडिकल कलेजले बढाउनका लागि पत्राचार गरेको भन्दै आईओएमबाट भने घटाउनलाई पत्राचार गर्नु दुःखद भएको बताउनुभयो । आईओएमले आयोगलाई पठाएको पत्रमा महाराजगञ्ज मेडिकल क्याम्पसले कक्षा कोठा र शिक्षकको अभावका कारण गत वर्षभन्दा विद्यार्थीको भर्ना सङ्ख्या कम गराउनुपर्ने सुझाव दिएका आधारमा आईओएमले निर्णय गरी आयोगलाई अनुरोध गरेको उल्लेख छ । महाराजगञ्ज क्याम्पसले डिन कार्यालयलाई लेखेको पत्रमा गत वर्ष एमबीबीएसतर्फ सय विद्यार्थीलाई झारेर ७६ बनाउने, बी फार्मेसीतर्फ गत वर्ष ३० विद्यार्थी सङ्ख्या भर्ना भएकोमा त्यसलाई घटाएर २० बनाउनुपर्ने र बीएससीएमएलटीतर्फ १५ बाट १० बनाउने व्यवस्था गरिदिन अनुरोध गरेको छ । सोही आधारमा आईओएम डिन कार्यालयले सहायक डिनमार्फत सिट सङ्ख्या घटाइदिन गत चैतमा पत्र पठाएको थियो । सो पत्रपछि आयोगका उपाध्यक्ष प्राडा श्रीकृष्ण गिरीले आफैँले अनुगमन गरी आईओएमका पदाधिकारीसँग बसेर सिट सङ्ख्या घटाउन नहुने छलफल गर्नुभएको थियो । त्यसको भोलिपल्ट आईओएमका डिन प्राडा दिव्यासिंह शाहले पत्राचार गरी सिट सङ्ख्या घटाउन आयोगलाई पत्राचार गर्नुभएको थियो । आईओएम डिन प्राडा शाहले यो विषय क्याम्पस र आयोगको रहेको बताउनुभयो । मैले पत्राचार गरेको छैन, शाहले भन्नुभयो, “आईओएमअन्तर्गत धेरै कलेज छन्, कलेजले पत्राचार गरेको विषय मलाई जानकारीमा छैन ।”निजी मेडिकल कलेजहरूले एक शैक्षिक सत्रमा १५० विद्यार्थी पढाउन पाउनुपर्ने र दुई शैक्षिक सत्र पनि आफूहरू पढाउन तयार रहेको बताएका छन् । यसअघि आईओएममा एमबीबीएसतर्फ ७६ सिट सङ्ख्या रहँदै आएकोमा अघिल्लो वर्ष मात्र एक सय सङ्ख्या पु-याइएको हो । आईओएमले सिट घटाउन पत्र पठाए पनि यस पटक आयोगले आईओएमलाई एक सय सिट नै तोकिदिएको छ ।
थप तीन जनामा हैजा पुष्टि, सङ्क्रमितको सङ्ख्या ४२ पुग्यो
स्वास्थ्य तथा जनसङ्ख्या मन्त्रालयका अनुसार आइतबार गरिएको परीक्षणमा थप तीन जनामा हैजा पुष्टि भएको हो । योसँगै उपत्यमामा हैजा पुष्टि हुनेको सङ्ख्या ४२ पुगेको छ ।
९३४ जनामा कोरोना सङ्क्रमण पुष्टि, एकको मृत्यु
नेपालमा पछिल्लो २४ घण्टामा ९३४ जनामा कोरोना पुष्टि भएको छ । स्वास्थ्य तथा जनसङ्ख्या मन्त्रालयका अनुसार पाँच हजार ३५१ जनाको एन्टिजेन र पीसीआर परीक्षण गर्दा ९३४ जनामा कोरोना पुष्टि भएको हो ।
दक्षिण कोरियामा सङ्क्रमित घटे
दक्षिण कोरियामा कोरोना भाइरसबाट दैनिक सङ्क्रमितको सङ्ख्या फेरि घटेको छ । स्वास्थ्य अधिकारीहरुले सोमबार दिएको जानकारीअनुसार पछिल्लो एक दिनमा ५५ हजार २९२ जना सङ्क्रमित भएका छन् ।
काेराेना सङ्क्रमितले स्तनपान गराउन सक्छ
पछिल्लो समय स्तनपान गराउनेको घट्दै स्तनपान गर्नेको सङ्ख्या घट्दै गएको छ । तथ्याङ्कअनुसार २०१४ मा ४९ प्रतिशत रहेको स्तनपान घटेर २०१९ मा आउँदा ४२ प्रतिशतमा झरेको छ ।
अक्सिजेनेटर भित्रियो
मुटुको शल्यक्रियाका लागि अत्यावश्यक पर्ने अक्सिजेनेटर मेसिन ल्याइएको छ। अक्सिजेनेटर मेसिन नहुँदा बाँसबारीस्थित शहीद गङ्गालाल राष्ट्रिय हृदय केन्द्रमा मुटुको शल्यक्रिया रोकिएको थियो। आइतबार तीन सय अक्सिजेनेटर मेसिन नेपाल आइपुगेको छ। ती मेसिन मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरका लागि ल्याइएको हो। अस्पतालका कार्यकारी निर्देशक डा. उत्तमकृष्ण श्रेष्ठले गङ्गालाल अस्पतालमा पनि सापटीका रूपमा अक्सिजेनेटर मेसिन दिन सकिने बताउँदै भन्नुभयो, “गङ्गालालमा धेरै सङ्ख्यामा शल्यक्रिया गरिने भएकाले मात्र अभाव भएको हो।”
खर्च सकिँदा सिकलसेलका २० बिरामी समस्यामा
सरकारले दिएको उपचार खर्च सकिएपछि भेरी अस्पतालमा उपचार गराइरहेका सिकलसेलका बिरामीहरु समस्यामा परेका छन् ।
अफगानिस्तानको जज्जान प्रान्तमा हैजा प्रकोपबाट कम्तीमा १२ जनाको मृत्यु
अफगानिस्तानको उत्तरी जज्जान प्रान्तमा मध्य जुनदेखि फेलिएको हैजाको प्रकोपका कारण १८,००० भन्दा बढी सङ्क्रमितहरूमध्ये कम्तीमा १२ जनाको मृत्यु भएको प्रान्तीय स्वास्थ्य अधिकारीले आइतबार जानकारी दिएका छन्।
आइतबार ५५३ जनामा कोरोना पुष्टि
काठमाडौं, साउन २२ गते । नेपालमा २४ घण्टामा ५५३ जनामा कोरोना पुष्टि भएको छ । स्वास्थ्य तथा जनसङ्ख्या मन्त्रालयका अनुसार तीन हजार ७८९ जनाको एन्टिजेन र पीसीआर परीक्षण गर्दा ५५३ जनामा कोरोना पुष्टि भएको हो ।दुई हजार ४० जनाको पीसीआर गर्दा ४५१ र एक हजार ७४९ जनाको एन्टिजेन परीक्षण गर्दा १०२ जना सङ्क्रमित भएका हुन् । सङ्क्रमितमध्ये सबैभन्दा बढी २६४ जना काठमाडौं उपत्यकामा थपिएका छन् । जसमध्ये काठमाडौंमा १८६, ललितपुरमा ५४ र भक्तपुरमा २४ जना छन् ।सोही समयमा ४३३ जना सङ्क्रमणमुक्त भएका छन् छ । पछिल्लाे २४ घण्टामा कसैको पनि मृत्यु नभएको मन्त्रालयले जनाएको छ ।२४ घण्टामा १६ हजार ९६४ जनाले कोरोनाविरुद्धको खोप लगाएका छन् । नेपालमा सक्रिय सङ्क्रमितको सङ्ख्या पाँच हजार ६५९ छन् ।
रास्कोटमा अर्को अस्पताल बन्न सुरु
कालीकोट जिल्लाको रास्कोट नगरपालिकामा अर्को अस्पताल बन्न सुरु भएको छ । संघ सरकारको सहयोगमा नगरपालिका वडा नं ५ को कुमालकोटमा १५ श्य्याको अस्पताल बन्न सुरु गरेको हो । धुलिखेल निर्माण सेवा काठमाडौंले रास्कोटमा अस्पताल निर्माणको काम गरिरहेको छ ।
क्यान्सरपीडित बालबालिकालाई उपचार खर्च थप
कान्ति बाल अस्पतालमा क्यान्सर उपचारका लागि छुट्याएको २६ शøया भरिएको छ। तीबाहेक छ शøया डे केयरका लागि छुट्याइएको छ। छवटा शøयामा छोटो अवधिका लागि मात्र क्यान्सरपीडित बालबालिकाको उपचार हुँदै आएको छ। कान्ति अस्पतालका निर्देशक डा. युवा बसौलाले अस्पतालमा चार महिनादेखि १४ वर्ष उमेरसम्मका बालबालिका क्यान्सरको उपचार गराउन आएको बताउँदै तीमध्ये सबैभन्दा बढी रक्त क्यान्सरसम्बन्धी पीडित बालबालिका रहेको जानकारी दिनुभयो।
थप ६६० जना कोरोना सङ्क्रमित, एकको मृत्यु
पछिल्लो २४ घण्टामा ६६० जना नयाँ कोरोना सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार कुल चार हजार ६८२ कोरोना परीक्षण गर्दा ६६० जना नयाँ सङ्क्रमित थपिएका हुन् ।
कोरोनाबाट निधन हुनेमा ७६ प्रतिशत खोप नलगाउने
साउनयता (तीन हप्ता) मा मृत्यु भएका कोरोना सङ्क्रमितमध्ये ७६ प्रतिशतले कोरोनाविरुद्धको खोप नलगाएको पाइएको छ ।
थप ९१२ जनामा सङ्क्रमण, एकको मृत्यु
पछिल्लो २४ घण्टामा ९१२ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार छ हजार ४९१ जनाको पीसीआर र एन्टिजेन परीक्षण गर्दा ९१२ जनामा सङ्क्रमण पुष्टि भएको हो । साथै, २४ घण्टामा एकजना सङ्क्रमितले ज्यान गुमाएका छन् ।
हेल्थ असिष्टेन्टको भरमा स्वास्थ्य केन्द्र
भगवानपुर गाउँपालिकामा –१ मा रहेको प्राथमिक स्वास्थ्यसेवा केन्द्र एचएको भरमा चलिरहेको छ । आठ महिनादेखि चिकित्सक नहुँदा विरामीहरुले उपचार पाउन सकेका छैनन् भने विरामीको चापलाई सामान्य उपचार दिन समेत नसकिएको स्वास्थ्य केन्द्रले जनाएको छ ।
नौ केजीको ट्युमरको सफलतापूर्वक शल्यक्रिया
वी.पी.कोइराला स्वास्थ्य विज्ञान प्रतिष्ठान धरानमा नौ के.जी वजनको ट्युमरको जटिल शल्यक्रिया गरी सफलता पूर्वक निकालिएको छ ।
थप ७६० जनामा कोरोना पुष्टि, एकको मृत्यु
पछिल्लो २४ घण्टामा ७६० जनामा कोरोना पुष्टि भएको छ । स्वास्थ्य तथा जनसङ्ख्या मन्त्रालयका अनुसार पाँच हजार ९२६ जनाको एन्टिजेन र पीसीआर परीक्षण गर्दा ७६० जनामा कोरोना पुष्टि भएको हो ।
बाङ्गोपनाको चिन्ता
लिङ्गमा बाङ्गोपना देखिएको र यसबाट आफू चिन्तित भएको कुरा लिएर थुप्रै व्यक्ति यौन चिकित्सक कहाँ धाउँछन्। लिङ्गको फेदैदेखि लिङ्ग दायाँबायाँ वा मुनितिर ढल्किनु स्वभाविक कुरा हो। उत्तेजित वा कडा नभएको अवस्थामा आफ्नै बोझ थाम्न नसकेर लिङ्ग तलतिर लत्रिन्छ। व्यक्ति सीधा उभिएको अवस्थामा उत्तेजित लिङ्गमा सामान्यतया बाङ्गोपना हुँदैन। तर सुतेको बेला दायाँ वा बायाँ ढल्किन सक्छ।
उकालो चढ्दै सङ्क्रमण : १८ दिनमा १६ जनाको मृत्यु
काठमाडौं, साउन १८ गते। पछिल्लो सयम नेपालमा कोरोना सङ्क्रमणदर निरन्तर बढ्दो क्रममा रहेको छ। स्वास्थ्य तथा जनसंख्या मन्त्रालयका प्रवक्ता डा. समिरकुमार अधिकारीका अनुसार पछिल्लो हप्ताको बुधबार करिब १२ प्रतिशत रहेको सङ्क्रमणदर बढेर १५ प्रतिशत भन्दा बढी रहेको छ। मन्त्रालयको तथ्याङ्क अनुसार साउन लागेदेखि अहिलेसम्म १६ जना सक्रमितको मृत्यु भएको छ। मृत्यु हुने सङ्क्रमितमध्ये अधिकांश दीर्घ रोगी र खोप नलगाएका रहेको डा. अधिकारीले जानकारी दिनुभयो। सोही सययमा नौ हजार ६५२ जना सङ्क्रमित थपिएका छन् भने दुई हजार ९६९ जना सङ्क्रमित सङ्क्रमणमुक्त भएका छन्। २४ घण्टामा ९१५ जनामा कोरोना पुष्टि२४ घण्टामा परीक्षण गरिएकामध्ये १५.२४ प्रतिशत अर्थात् छ हजार दुई जनाको एन्टिजेन र पीसीआर परीक्षण गर्दा ९१५ जनामा कोराना पुष्टि भएको छ। सङ्क्रमितमध्ये सबैभन्दा बढी ४२२ जना काठमाडौं उपत्यकामा थपिएका छन्। जसमा काठमाडौंमा ३३७, भक्तपुरमा ३२ र ललितपुरमा ५३ जना रहेका छन्। सङ्क्रमणदर बढ्दै गएकोले थप शर्तकता अपनाउन डा. अधिकारीले आग्रह गर्नुभयो। सरुवा रोग विशेषज्ञ डा. शेरबहादुर पुनका अनुसार सङ्क्रमणबाट बच्न अनिवार्य रुपमा नाक, मुख, चिउडो छोपीने गरेर मास्कको प्रयोग गर्ने, एक अर्कोमा कम्तिमा दुई मिटरको भौतिक दूरी कायम राख्ने, बेलाबेलामा साबुन पानीले हात धुने सेनिटाइजरको प्रयोग गर्न सुझाव दिनुहुन्छ। संक्रमणबाट बच्न खोप अभियान पुनः संचालन गर्नुपर्ने डा. पुनको भनाइ छ। उहाँ भन्नुहुन्छ, ‘‘सरकारी स्तरबाट नै खोप लगाउन खोपको प्रचार प्रसार गर्नुका साथै अभियान संचालन गर्नुपर्छ।” सक्रिय सङ्क्रमितको संख्या पाँच हजार नाघ्यो नेपालमा सङ्मिक्रको सङ्ख्या बढेसँगै सक्रिय सङ्क्रमितको सङ्ख्या पनि उकालो लागेको छ। साउन १ गते १४ सय ३९ भएको सक्रिय सङ्क्रमितको सङ्ख्या बढेर पाँच हजार ४३३ पुगेको मन्त्रालयका प्रवक्ता डा. अधिकारीले जानकारी दिनुभयो। उपत्यकामा मात्रै सक्रिय सङ्क्रमितको सङ्ख्या तीन हजार ७७० छ। सक्रिय सङ्क्रमितमध्ये पाँच हजार २७५ जना होम आइसोलेसनमा छन्। त्यसैगरी १५८ जनाको संस्थागत आइसोलेसनमा उपचाररत छन्। संस्थागत आइसोलेसन भएकामध्ये ४३ जनाको आइसीयू र दुई जना भेन्टिलेटरमा उपचाररत छन्। काठमाडौं र ललितपुरमा पाँच सय भन्दा बढी सक्रिय सङ्क्रमित छन्। कास्कीमा दुई सय भन्दा बढी सक्रिय सङ्क्रमित रहेका छन्। अहिले शून्य सङ्क्रमित भएका जिल्ला पाँच रहेका छन्। अहिलेसम्म ११ लाख ३१ हजार बढीमा कोराना पुष्टि नेपालमा कोरोना सुरु भएदेखि बुधबारसम्म ११ लाख ३१ हजार ८५३ जनामा कोराना पुष्टि भएको छ। सङ्क्रमितमध्ये नौ लाख ७० हजार ९३६ जना सङ्क्रमणमुक्त भएका छन्। नेपालमा सङ्मित निको हुने दर ९८.२ प्रतिशत रहेको छ। सङ्क्रमितमध्ये ११ हजार ९८६ जनाको मृत्यु भएको छ। नेपालमा सङ्क्रमितको मृत्यु दर १.२ प्रतिशत रहेको छ।नेपालमा खोप अभियान सुरु भएदेखि आजसम्म सरकारले चार करोड ९४ लाख ९२ हजार १८५ मात्रा खोप लगाइसकेको छ। जसमध्ये दुई करोड १५ लाख ७६ हजार ८६७ जनाले पहिलो मात्रा, दुई करोड छ लाख सात हजार २४७ जनाले पूर्णमात्रा खोप लगाएका छन्। त्यसैगरी ७३ लाख आठ हजार ७१ जनाले अतिरिक्त मात्रा खोप लगाएका छन्। १७ अस्पतालमा निःशुल्क उपचारसङ्क्रमित दरलाई मध्येनजर गर्दै सरकारले कोरोना सङ्क्रमितको लागि निःशुल्क उपचार गर्न सात प्रदेशबाट १७ अस्पताल तोकेको छ। डा. अधिकारीका अनुसार सरकारले मध्यम र गम्भीर अवस्थामा भएका सङ्क्रमितको उपचार गर्दा उपचार शुल्क तिर्नु नपर्ने गरी १७ अस्पताल तोकेको हो। कोभिड–१९ सङ्क्रमितको उपचार वापत ती अस्पताललाई बिरामीको अवस्थाको आधारमा अनुदान दिने व्यवस्था गरिएको डा. अधिकारीले जानकारी दिनुभयो। डा. अधिकारीका अनुसार सरकारले तोकेका अस्पतालमध्ये प्रदेश १ मा कोशी अस्पताल र बीपी कोइराला स्वास्थ्य विज्ञान प्रतिष्ठान गरेर दुई अस्पताल रहेका छन्। त्यसैगरी, मधेश प्रदेशमा जनकपुर प्रादेशिक अस्पताल, नारायणी गरी दुई अस्पतालमा निःशुल्क उपचार गर्ने निर्णय गरेको छ। बाग्मती प्रदेशमा शुक्रराज ट्रपिकल तथा सरुवा रोग अस्पताल, भरतपुर अस्पताल, वीर अस्पताल त्रीवी शिक्षण अस्पताल र पाटन स्वास्थ्य विज्ञान प्रतिष्ठान गरेर पाँच अस्पताल तोकेको छ। गण्डकी प्रदेशमा पोखरा स्वास्थ्य विज्ञान प्रतिष्ठान, धौलागिरी गरेर दुई अस्पतालमा निःशुल्क उपचार गर्ने जनाएको छ। सरकारले लुम्बिनी प्रदेशमा लुम्बिनी प्रादेशिक अस्पताल, भेरी अस्पताल र कर्णली प्रदेशमा कर्णली स्वास्थ्य विज्ञान प्रतिष्ठान, सुर्खेत प्रादेशिक अस्पताल तोकेको छ। सुदूरपश्चिम प्रदेशमा डडेलधुरा अस्पताल र सेती प्रादेशिक अस्पतालमा सक्रमितको निःशुल्क उपचार गर्ने भएको छ।
