महर्जन सम्मानित
जोन्टा क्लब काठमाडौँले विश्व कीर्तिमानी सगरमाथा आरोही कल्पना महर्जनलाई सम्मान गरेको छ । जान्टा क्लबले विश्वको सर्वच्च शिखर सगरमाथाको दुवै मोहडाबाट सफल आरोहण गरी विश्व कीर्तिमानीको पहिचान बनाउनुका साथै नेपाल शिक्षाको माध्यमले बालविवाह रोकथाम र मानव बेचबिखनविरुद्धको अभियानमा सक्रिय भूमिका निर्वाह गर्दै आएको योगदानस्वरूप महर्जनलाई सम्मान गरेको हो ।
नेवार समुदायको ठुलो चाड पाहाँचःह्रे
नेवार समुदायको ठुलो चाडमध्ये एक पाहाँचःह्रे मङ्गलबार हर्षोउल्लासका साथ मनाइने भएको छ । हरेक वर्ष घोडेजात्राको अघिल्लो दिनदेखि तीन दिनसम्म उपत्यकावासीले पाहाँचःह्रे मनाउने परम्परा छ । स्थानीय नेवार समुदायको यो दसैँपछिको ठुलो पर्व हो । पाहाँ’ को अर्थ पाहुना हो भने ‘चह्रे’ को अर्थ चन्द्रमासको चौधौँ दिन हो । यो चाडलाई पासाचह्रे र पिसाच चतुर्दशी पनि भन्ने गरिन्छ ।
‘वन ब्याटल आफ्टर एनदर’ लाई अस्कर अवार्ड
विश्वप्रसिद्ध अस्कर अवार्डमा राजनीतिक तनाव, सामाजिक द्वन्द्व र व्यक्तिगत सङ्घर्षको कथा समेटिएको चलचित्र ‘वन ब्याटल आफ्टर एनदर’ सर्वश्रेष्ठ फिल्म घोषित भएको छ ।
