कला र संस्कृतिमा नेपाल विश्वकै समृद्ध देश : प्रधानमन्त्री देउवा
प्रधानमन्त्री शेरबहादुर देउवाले नेपाल कला, संस्कृतिको दृष्टिले विश्वकै धनी र समृद्ध मुलुक भएको बताउनुभएको छ ।
हुम्लाका कृषकलाई स्याउ बिक्रीको पिरलो
स्याउ उत्पादन राम्रो भए पनि किसानलाई यस वर्ष बजारको (बिक्री) गर्ने पिरलो भएको छ । जिल्लामा सडक यातायात नजोडिएका कारण जिल्ला बाहिर निकासी गर्न नपाइने भएकाले किसानलाई उत्पादन भएको स्याउ बिक्री गर्न समस्या भएको हो ।
स्याङ्जा-२ मा पद्मा अर्यालको वडामै धनराजको अग्रता
स्याङ्जा निर्वाचन क्षेत्र २ मा मतगणनामा नेपाली कांग्रेसका धनराज गुरुङले अग्रता लिनुभएको छ । उहाँले नेकपा नेकपा (एमाले) की पद्माकुमारी अर्याललाई एक हजार ३२७ मतले पछि पार्नुभएको हो ।
प्रदेश सभातर्फ नेकपा एस १४ स्थानमा विजयी
मङ्सिर ४ गते सम्पन्न प्रतिनिधि सभा र प्रदेश सभा सदस्य निर्वाचनअन्तर्गत सत्ता साझेदार दल नेकपा (एकीकृत समाजवादी) पार्टीले प्रदेशसभातर्फ १४ स्थानमा विजयी हासिल गरेको छ ।
‘कांग्रेस नेतृत्वमै गठबन्धनको सरकार बन्छ’–डा. शेखर कोइराला
नेपाली कांग्रेसका नेता तथा प्रतिनिधि सभाका नवनिर्वाचित सांसद डा. शेखर कोइरालाले वर्तमान गठबन्धनले नै सरकार बनाउने बताउनुभएको छ ।
सङ्क्रमितको सङ्ख्या २१ वर्षमा ८४ प्रतिशतले घट्यो
एचआईभी सङ्क्रमितको सङ्ख्या २१ वर्षमा ८४ प्रतिशतले घटेको छ । राष्ट्रिय एड्स तथा यौन रोग नियन्त्रण केन्द्रले सन् २०२१ मा ६८० नयाँ सङ्क्रमित थपिएको अनुमान गरेको छ । यो सन् २००० को तुलनामा ८४ प्रतिशतले कमी हो ।
सुनसरी क्षेत्र नं. ४ बाट सञ्चारमन्त्री कार्की विजयी
पाली कांग्रेसका नेता एवम् सूचना तथा सञ्चार मन्त्री ज्ञानेन्द्रबहादुर कार्कीले सुनसरी जिल्लाको क्षेत्र नं. ४ बाट प्रतिनिधि सभा सदस्यमा निर्वाचित हुनुभएको छ ।
चितवन चिनाउने थारु संग्राहलय (फोटो फिचर)
चितवनको बछ्यौलीमा रहेको थारु संग्राहालय पर्यटकीय नगरी सौराहा आउने पर्यटकका लागि एउटा गन्तव्य हो । चितवनका आदिवासी जनजाति थारुहरूको संस्कृति र जीवनलाई दर्साउने यो संग्राहलय पर्यटकको मुख्य आकर्षणको थलो बनेको छ ।
ठेकेदार र हाकिमको मिलेमतोले बक्राहा पुल सात वर्षदेखि अलपत्र
सात वर्षयता ठुला राजनीतिक दलको चुनावी एजेन्डा बन्ने गरेको मोरङको मरिया बक्राहा खोलाको पुल यस पटक पनि चुनावी एजेन्डा बन्यो ।
दोलखामा पुनः मतदान सुरु
दोलखामा शान्तिपूर्ण रूपमा प्रतिनिधि र प्रदेश सभा सदस्यका लागि मतदान सुरु भएको छ । बिहान ७ बजेदेखि जिल्लाका १० मतदान केन्द्रमा मतदान सुरु भएको हो ।
सशस्त्र प्रहरीको जवानबाटै युवतीको हत्या
बैतडीमा घाँटी काटिएको अवस्थामा मृत फेला परेकी २१ वर्षीया माया लुहार भर्खरै सम्पन्न निर्वाचनमा म्यादी प्रहरी रहेको खुलेको छ । घटनामा १५ वर्षीया बालिका नेहा लुहार घाइते अवस्थामा फेला परेको थियो ।
ठूला दलबाट शून्य, स्वतन्त्र पार्टीबाट दुई जना निर्वाचित
हेटौँडा, मङ्सिर १५ गते । गत आइतबार सम्पन्न प्रतिनिधि सभा तथा प्रदेश सभा सदस्य निर्वाचनको बागमती प्रदेशको निर्वाचन परिणाम अन्तिम चरणमा पुग्दा प्रतिनिधि सभामा यस प्रदेशबाट प्रत्यक्षतर्फ ठूला राजनीतिक दलबाट निर्वाचित महिला जनप्रतिनिधिको सङ्ख्या शून्य रहेको छ। १३ वटा जिल्ला रहेको यस प्रदेशको ३३ प्रतिनिधि सभा निर्वाचन क्षेत्रमध्ये ३२ निर्वाचन क्षेत्रको अन्तिम मतपरिणाम सार्वजनिक हुँदा प्रतिनिधि सभा सदस्य निर्वाचनमा पहिलो हुने निर्वाचित प्रणालीतर्फ ठूला दलका महिला उम्मेदवार निर्वाचित हुन सकेनन्।एक मात्र निर्वाचन क्षेत्र रहेको दोलखामा मतदानमा धाँधली भएको उजुरीपछि निर्वाचन आयोगले बिहीबार मतदान गर्ने निर्णय गरेको छ। तर सात जना स्वतन्त्र र १४ दलका गरी २१ जना प्रतिनिधि सभा सदस्यका लागि उम्मेदवार रहेको दोलखा जिल्लामा महिला उम्मेदवार नै छैनन्। स्वतन्त्र २८ र विभिन्न दलका गरी ७४ जना पहिलो हुने निर्वाचित हुने निर्वाचन प्रणालीका लागि यस प्रदेशबाट प्रतिनिधि सभा सदस्यमा उम्मेदवार रहेका थिए। प्रतिनिधि सभा सदस्यमा उम्मेदवार भएकामध्ये नयाँ स्थापना भएको राजनीतिक दल राष्ट्रिय स्वतन्त्र पार्टीका दुई जना महिला उम्मेदवार प्रतिनिधि सभा सदस्यमा निर्वाचित हुनुभएको छ।सत्ता गठबन्धनमा रहेको माओवादी केन्द्रको भागबण्डामा नपरेपछि काठमाडौँ निर्वाचन क्षेत्र १० बाट अञ्जना बिशङ्खेले मित्रवत् प्रतिस्पर्धा गर्नुभएको सो क्षेत्रमा कांग्रेसका राजेन्द्रकुमार केसी निर्वाचित हुनुभएको थियो।प्रत्यक्षतर्फ २०७४ सालको निर्वाचनमा यस प्रदेशबाट माओवादी केन्द्रका पम्फा भुसाल एक जना मात्र प्रतिनिधि सभा सदस्यमा निर्वाचित हुँदै मन्त्री बन्नुभएकोमा यो पटक उहाँ राष्ट्रिय स्वतन्त्र पार्टीका डा. तोसिमा कार्कीसँग पराजित हुनुभएको छ। यस प्रदेशमा प्रत्यक्ष निर्वाचन प्रणालीबाट दुई जना निर्वाचित भएकोमा कार्कीसँगै राष्ट्रिय स्वतन्त्र पार्टीकै सोबिता गौतम काठमाडौँ क्षेत्र नं. २ बाट एमालेका मणिराम फुयाल र प्रतिनिधि सभाका पूर्वसभामुख ओनसरी घर्तीलाई पराजित गर्दै विजयी बन्नुभएको हो। कांग्रेसले यस प्रदेशमा एक जना मात्र महिला उम्मेदवार मकवानपुरको क्षेत्र नं. १ बाट सहमहामन्त्री महालक्ष्मी उपाध्यायलाई बनाएकोमा उहाँ राप्रपाका दीपकबहादुर सिंहसँग पराजित हुनुभएको छ। यसै क्षेत्रमा राप्रपा नेपालका अध्यक्ष कमल थापा एमालेको चुनाव चिह्न लिएर उम्मेदवार बन्नुभएकोमा पराजित हुनुभएको थियो। माओवादी केन्द्रबाट काठमाडौँ क्षेत्र नं. ७ मा उम्मेदवार हुनुभएका मानुषी यमी भट्टराई राष्ट्रिय स्वतन्त्र पार्टीका गणेश पराजुलीसँग र काठमाडौँ क्षेत्र नं. ९ बाट प्रतिस्पर्धा गर्नुभएका कल्पना धमला एमालेका कृष्णगोपाल श्रेष्ठबाट पराजित हुनुभएको छ।प्रतिनिधि सभा सदस्यका लागि देशभरमै सबैभन्दा बढी महिला उम्मेदवार काठमाडौँ प्रतिनिधि सभा क्षेत्र नं. १ र भक्तपुर क्षेत्र नं. २ मा रहेका थिए। काठमाडौँ १ मा कुल ३२ उम्मेदवारमा १० जना महिलाले र भक्तपुर २ मा २६ जनामा छ जना महिलाले प्रतिनिधि सभा सदस्यमा चुनावमा प्रतिस्पर्धा गर्नुभएको थियो। यस प्रदेशको मकवानपुरका प्रतिनिधि सभा क्षेत्र नं. २, धादिङ क्षेत्र नं. १, काभ्रेपलाञ्चोक क्षेत्र नं. २ र दोलखा जिल्लामा प्रतिनिधि सभा सदस्यमा महिला उम्मेदवार थिएनन्।
मत वैध तर बस्ती किन अवैध ?
काठमाडौँ महानगरपालिका–३१, जागृतिनगर टोलस्थित बाग्मती नदी किनारमा बसोबास गर्दै आउनुभएकी ७० वर्षीया सूर्यमाया गुरुङलाई आफ्नो छानो जोगिन्छ कि जोगिँदैन भन्ने चिन्ताले पिरोलेको छ । मङ्सिर २ गतेसम्म चुनावको माहोल, राजनीतिक दलका नेता–कार्यकर्ता र उम्मेदवार तथा स्वतन्त्र उम्मेदवार मत माग्न आउँदा डेङ्गुले थलिएको ज्यान सम्हाल्दै उहाँ बाहिर निस्किनुहुन्थ्यो । चुनावको अन्तिम नतिजा आइनसक्दै थापाथलीमा डोजर चलेपछि उहाँलाई अब कहाँ सर्ने भन्ने विकल्पको चिन्ताले सताउन थालेको छ । उहाँ भन्नुहुन्छ, “सबैले यस पटक हामीलाई मत दिनुस्, तपाईंहरूलाई धनीपुर्जा हामी दिलाउँछौँ भनेर जानुभएको थियो । यस्तै कुरा २०६४ को चुनावदेखि चल्दै छ तर महानगरले डोजर चलाएपछि डर बढेको छ ।”
स्याङ्जा २ मा मतगणना सुरु, पद्मा अर्यालको अग्रता
स्याङ्जा निर्वाचन क्षेत्र नं.२ मतगणना गए रातीबाट सुरु भएको छ । प्रारम्भिक नतिजा अनुसार नेकपा (एमाले) की पद्मा कुमारी अर्यालले अग्रता लिनु भएको छ । अर्यालले २३०४ मत प्राप्त गर्दा नेपाली कांग्रेसका धनराज गुरुङले १७०३ मत पाउनु भएको छ । अर्याल ६०१ मतले अगाडि हुनु हुन्छ । यस्तै राष्ट्रिय स्वतन्त्र पार्टीका टिकराज गुरुङले ३९९ मत पाउनु भएको छ ।
तेत्तीस प्रतिशतले घट्यो कृषिवस्तुको आयात
वस्तु आयात–निर्यातमा कमी आइरहेका बेला कृषिजन्य वस्तुको आयातमा समेत कमी आएको छ । नेपाल राष्ट्र बैङ्कले आयातमा गरेको कडाइ र भारतले गहुँ निर्यातमा गरेको प्रतिबन्धका कारण कृषिजन्य वस्तुको आयातमा उल्लेख्य कमी आएको हो । भन्सार विभागको तथ्याङ्कअनुसार चालू आर्थिक वर्षको चार महिना (साउन–कात्तिक)सम्म कुल वस्तु आयातमा १८ प्रतिशतले कमी आई पाँच खर्ब ३२ अर्ब ६९ करोड १३ लाख ८१ हजार रुपियाँको वस्तु आयात भएको छ । सो अवधिमा निर्यातमा ३३ दशमलव ३० प्रतिशतले कमी आई ५४ अर्ब ७७ करोड ४३ लाख १६ हजार रुपियाँको निर्यात भएको छ ।
सुनुवाइ पूरा नहुँदा नियुक्ति अलपत्र
संसदीय सुनुवाइ प्रक्रिया पूरा नगरी नियुक्तिको प्रक्रिया अघि बढाउन मिल्ने वा नमिल्ने विवादले सर्वोच्च अदालतका लागि सिफारिस न्यायाधीशको नियुक्ति अलपत्र परेको छ । करिब तीन महिनाअघि नै सिफारिस भए पनि सुनुवाइ प्रक्रिया पूरा नभएकाले नियुक्ति गर्ने वा नगर्ने विवाद छ । संसदीय सुनुवाइको प्रक्रिया सुरु भएपछि प्रतिनिधि सभाको कार्यकाल सकिएकाले प्रक्रियाले पूर्णता पाएको थिएन । न्यायपरिषद्ले गत भदौ २२ गते नीता गौतम दीक्षित, विनोद शर्मा र डीएन पराजुलीलाई सर्वोच्चको न्यायाधीशमा सिफारिस गरेको थियो ।
मन्त्री कार्की र कुसियैतबीच उच्च प्रतिस्पर्धा
सुनसरी जिल्लाको निर्वाचन क्षेत्र नं. ४ प्रतिनिधि सभा सदस्य निर्वाचनमा उच्चस्तरको प्रतिस्पर्धा देखिएको छ ।
सुनसरी क्षेत्र ४ (ख) प्रदेश सभामा कांग्रेसका मंसुरी विजयी
सुनसरीको निर्वाचन क्षेत्र नं. ४ (ख) को प्रदेश सभा सदस्यमा नेपाली कांग्रेसका उम्मेदबार हाजी इसराइल मंसुरी विजयी हुनुभएको छ । प्रदेश सभा सदस्य निर्वाचित हुनुभएका मंसुरीले १४ हजार ३२८ मत ल्याउनुभएको छ । उहाँका निकटतम प्रतिस्पर्धी नेकपा (एमाले) का अब्बास अन्सारीले १२ हजार १८५ मत प्राप्त गर्नुभयो ।
दोलखाका १० केन्द्रमा कडा सुरक्षाबीच बिहीबार मतदान हुने
दोलखामा भोलि बिहीबार प्रतिनिधि र प्रदेश सभा सदस्यका लागि पुनः मतदान हुँदैछ । बिहान ७ बजेदेखि बेलुकी ५ बजेसम्म हुने निर्वाचनको सुरक्षा व्यवस्था कडा पारिएको मुख्य निर्वाचन अधिकृतको कार्यालय दोलखाले जनाएको छ ।
पहिलो चरणमा १६ हजारको बीमा भुक्तानी हुने
पहिलो चरणमा १६ हजारको कोरोना बीमाको भुक्तानी हुने भएको छ।
८८ प्रतिशत महिला पत्रकार हिंसामा
‘महिला पत्रकारमाथि अनलाइन हिंसाको अवस्था’ सम्बन्धी एक अध्ययन प्रतिवेदनले ८८ दशमलव छ प्रतिशत महिला पत्रकारले आफ्नो जीवनकालमा हिंसा भोगेको जनाएको छ ।
मङ्सिर २७ सम्म मेलम्चीको पानी काठमाडौंमा : मन्त्री चौधरी
खानेपानीमन्त्री उमाकान्त चौधरीले यही मङ्सिर २७ गतेसम्ममा मेलम्चीको पानी वितरण गरिने बताउनुभएको छ । आज (बुधबार) मेलम्ची खानेपानी आयोजनाको कार्यप्रगति बुझ्न मुहानस्थल अम्बाथान पुग्नुभएको मन्त्री चौधरीले २७ गतेभित्र काठमाडौंमा पानी वितरण सुरु गरिने बताउनुभएको हो ।
प्रदेश सभामा १२ स्वतन्त्र उम्मेदवार विजयी
निर्वाचन आयोगले सार्वजनिक गरेको विवरण अनुसार प्रदेश २ मा सबैभन्दा बढी प्रदेश सभातर्फ ६ जना स्वतन्त्र उम्मेदवार विजयी भएका छन्।
चीनका पूर्व राष्ट्रपति चियाङ चेमिनको निधन
चीनका पूर्व राष्ट्रपति चियाङ चेमिनको निधन भएको छ ।
समानुपातिकमा २७ लाख मतसहित एमाले पहिलाे, थ्रेसहाेल्ड काट्ने प्रयासमा एकीकृत समाजवादी
समानुपातिकतर्फको मतगणनामा नेकपा एमालेले २७ लाख मत कटाएको छ । निर्वाचन आयोगकाअनुसार बुधबारसम्मको गणनामा एमालेले २७ लाख तीन हजार ९५७ मत पाएको हो । नेपाली कांग्रेसले २५ लाख ६४ हजार २८७ मत पाएर समानुपातिकतर्फ दोस्रो स्थानमा छ । नेकपा माओवादी केन्द्रले ११ लाख ४६ हजार ७३३ मतसहित तेस्रो स्थानमा छ ।
