ब्यारेज पुलबाट खसेर एकको मृत्यु

होमराज रानाभाट 

त्रिबेणी, माघ १० गते । पूर्वी नवलपरासीको विनयीत्रिबेणी गाउँपालिकाको त्रिवेणी ब्यारेजको पुलबाट खसेर एक जनाको ज्यान गएको छ । 

मङ्गलबार साँझको समयमा विनयी त्रिवेणी गाउँपालिका–७ ब्यारेजपुलस्थित ब्यारेजपुलको २४ नम्बर ढोकाबाट खसेर चितवनको भरतपुर महानगरपालिका–८  स्थायी घर भई  हाल  विनयी त्रिवेणी–७ मा बस्ने वर्ष ४५ को कृष्ण दराईको ज्यान गएको इलाका प्रहरी कार्यालय त्रिवेणीले जनाएको छ । 

ब्यारेजबाट खसेका दराईको उद्धार गरी उपचारका लागि सहिद स्मृति सामुदायिक अस्पताल बर्दघाट पठाएको र उपचारको क्रममा आज बिहान मृत्यु भएको प्रहरीले जनाएको छ ।