हात्तीको आक्रमणबाट एक जना घाइते

रवीन्द्र उप्रेती

बर्दिबास, पुस १२ गते । विगत दुई महिनादेखि बर्दिबासका ग्रामीण भेगमा उपद्रो मच्चाउँदै आएका हात्तीको आक्रमणमा परी एक जनालाई घाइते भएका छन् । हात्तीले वन कार्यालयको भवनमा क्षति पुर्‍याएका छन् ।

हात्तीले रामनगरको जङ्गलमा दाउरा लिन गएका ३६ वर्षीय मुन्ने सेखमाथि आक्रमण गरेको हो । जङ्गली क्षेत्रमा दाउरा बटुलेर बुधवार साँझ घर फर्कन लागेका सेखलाई पछाडिबाट आएका हात्तीका जोडीले आक्रमण गरी घाइते बनाएको हो । हात्तीको आक्रमणमा परी सेखको बायाँ तिघ्रा, पेट तथा शरीरका विभिन्न भागमा गहिरो चोट लागेको इलाका प्रहरी कार्यालय गौशालाले जनाएको छ ।