विजयकुमार साह
ढल्केवर, पुस ५ गते । नेपाली कांग्रेस मधेस प्रदेशको सम्मेलन सुरु भएको छ । जनकपुरधाममा सम्मेलनको पार्टी सभापति शेरबहादुर देउवाले एक समारोहबिच उद्घाटन गर्नुभयो । जनकपुरको तरहुतिया गाछीमा सम्मेलन भइरहेको छ ।
सम्मेलनमा उपसभापति एवम् रक्षामन्त्री पूर्णबहादुर खड्का, महामन्त्री गगनकुमार थापा र विश्वप्रकाश शर्मा, नेता महेन्द्र यादवसहित शीर्ष नेताहरूको उपस्थित रहेको छ । सम्मेलन उद्घाटन समारोहमा आठ वटै जिल्लाका नेता कार्यकर्ताको सहभागिता रहेको कांग्रेस धनुषाले जनाएको छ । सम्मेलन भोलि शुक्रबारसम्म चल्नेछ ।
आज उदघाटन भएको सम्मेलनको शुक्रबार बन्दसत्र हुने कांग्रेस धनुषाले जनाएको छ । कार्यक्रममा मधेस प्रदेशको आठ जिल्लाबाट ८२५ जना प्रदेश प्रतिनिधिको सहभागिता रहेको छ ।
