लक्ष्मी चौधरी
जनकपुरधाम, पुस ५ गते । नेपाली कांग्रेसका सभापति शेरबहादुर देउवाले कांग्रेसमा कुनै विवाद नरहेको बताउनुभएको छ । बिहीबार र शुक्रबार हुने कांग्रेस मधेश प्रदेशको प्रथम सम्म्मेलनमा सहभागी हुन जनकपुरधाम आउनुभएका कांग्रेस सभापति तथा पूर्व प्रधानमन्त्री देउवाले सो कुरा बताउनुभएको हो ।
सम्मेलनमा सहभगी हुन सभापति देउवा, उपसभापति, उपप्रधानमन्त्री तथा रक्षामन्त्री पूर्णबहादुर खड्का, महामन्त्री गगनकुमार थापा, केन्द्रीय सदस्य अजयबाबु शिवाकोटी, विभिन्न प्रदेशका सभापति, प्रदेशको आठै जिल्लाका प्रतिनिधिलगायत नेता कार्यकर्ता जनकपुरधाम आउनुभएको छ । केहीबेरमा सभापति देउवाद्वारा कार्यक्रम उद्घाटन भएपछि कार्यक्रम आरम्भ हुने कांग्रेस धनुषाले जनाएको छ ।
