सुजल श्रेष्ठ
प्युठान, मंसिर ७ गते । प्रतिनिधि सभा सदस्यमा नेकपा (एमाले) का सूर्य थापा प्युठानबाट निर्वाचित हुनुभएको छ । अन्तिम मत परिणामअनुसार थापाले ४१ हजार ११८ मत प्राप्त गरी विजयी हुनुभएको हो । उहाँका निकटतम प्रतिस्पर्धी गठबन्धनका साझा उम्मेदवार जनमोर्चाका दुर्गा पौडेलले ३५ हजार ८४४ मत पाउनुभएको छ । थापाले ५ हजार २७४ मतान्तरले जित हासिल गर्नुभएको हो ।
एक मात्र प्रतिनिधि सभा सदस्य निर्वाचन क्षेत्र रहेको प्युठानमा ९ वटा स्थानीय तह रहेको छ । १ लाख ५९ हजार ७६० मतदातामध्ये ८८ हजार ९५८ मत खसेको थियो ।
