सितलु चस्मा, सुकिलो कोट
घाँटीमा टाई छ, चट्ट कपाल
औँलामा च्यापेको चुरोट अनि
ओठले उडाएको धुवाँ सुहाएन ।
टिनिन्न बजेको रित्तो भाँडो
बाझ्दछन् भान्सेसित घरका
खाली मन अनि भोका पेटहरू
रातदिनको क्यासिनो अनि भट्टी सुहाएन ।
बाँझो छ खेत, भत्किनै लागेको घर
चाकरी अनि चाप्लुसीमा मक्ख ऊ
श्रम गर्ने श्रमिकको हातमा
चाकरीको हत्कडी सुहाएन ।
काम गर्ने कालु, मकै खाने भालु,
उसले बनाएको खुकुरीले आखिर
उसैको घाँटी रेटिन्छ भने
पुजारीको हातमा विष सुहाएन ।।
-original-thumb.jpg)
