यज्ञप्रसाद सापकोटा
गुलरिया(बर्दिया) मङ्सिर ५ गते । बर्दियामा मोटरसाइकल गोरुगाडामा ठोक्किँदा एक जनाको मृत्यु भएको छ भने दुई जना घाइते भएका छन् । दुर्घटनामा परी मृत्यु हुनेमा कैलाली भजनी नगरपालिका वडा १ की ३० वर्षीया सपना सुनार हुनुहुन्छ ।
मोटरसाइकल चालक मृतकका श्रीमान् मोटरसाइकल चालक ३६ वर्षीय चञ्चल सुनार र छोरी ५ वर्षीया कृष्ण सुनार घाइते भएको जिल्ला प्रहरी कार्यालयले जनाएको छ । घाइतेको उपचारको लागि नेपालगञ्ज लगिएको छ ।
गुलरिया–नेपालगन्ज सडक खण्डको गुलरिया–११ मा गएराती मोटरसाइकल गोरुगाडामा ठोक्किएको थियो । एक्कासि गोरुगाडामा ठोक्किँदा सपनाको टाउकोमा गम्भीर चोट लागेको थियो । उहाँको उपचारको क्रममा बर्दिया अस्पतालमा मृत्यु भएको थियो । गोरुगाडा चालक गुलरिया नगरपालिका–५ बालापुरका ४५ वर्षीय कर्ण थारूलाई प्रहरीले नियन्त्रणमा लिई जिल्ला प्रहरी कार्यालयमा राखेको प्रहरी नायब उपरिक्षक देवेन्द्रकुमार मल्लले जानकारी दिनुभयो ।
लाइट र रिफ्लेक्टर नहुने हुँदा गोरुगाडा अरु सवारी साधनका लागि जोखिमपूर्ण हुने गर्दछ । तराई क्षेत्रमा मोटरसाइकल लगायतका सवारीसाधन दुर्घटना हुने एक कारणमध्ये गोरुगाडा एक हो ।
-square-thumb.jpg)
-original-thumb.jpg)
