• २१ चैत २०८१, बिहिबार

ट्याक्टरबाट खसेर एकको मृत्यु

blog

लीलाराज खड्का

बिर्तामोड, चैत २० गते । झापाको झापा गाउँपालिका –३ को भित्री सडक खण्डस्थित झाँटीमा ट्याक्टरबाट खसेर एक जनाको मृत्यु भएको छ । 

बुधवार दिउँसो साढे ४ बजे गुडिरहेको मे १ त ४१०७ नम्बरको ट्याक्टरबाट झर्दा स्थानीय बर्ष ६० का रमेश हस्दाको मृत्यु भएको जिल्ला प्रहरी कार्यालय झापाले जनाएको छ । 

हस्दा ट्याक्टरमा लिफ्ट मागेर झाँटीबाट स्थानीय कामाटोली बजारसम्म जान लागेका र उनी रिँगटा चलेर गुडिरहेको ट्याक्टरबाट खसेको बताइएको छ । हस्दालाई उपचारका लागि मेची प्रादेशिक अस्पताल भद्रपुरमा लैजादा चिकित्सकले मृत घोषणा गरेका थिए । 

प्रहरीले ट्याक्टर चालक र ट्याक्टरलाई नियन्त्रणमा लिएको छ । मृतक हस्दाको शवलाई पोस्टमार्टमका लागि मेची प्रादेशिक अस्पताल भद्रपुरमा राखिएको छ ।