अविनाश चौधरी
धनगढी, मङ्सिर ३० गते । प्रहरीले ११.८३ ग्राम लागूऔषध खैरो हेरोइनसहित दुई भारतीय नागरिकलाई पक्राउ गरेको छ । जिल्ला प्रहरी कार्यालय र लागूऔषध नियन्त्रण ब्युरो महेन्द्रनगरबाट खटेको प्रहरी टोलीले भीमदत्त नगरपालिका–४ सब्जी मण्डी जाने रोडबाट उनीहरुलाई पक्राउ गरेको हो ।
पक्राउ पर्नेमा भारतको उत्तराखण्ड जिल्ला उद्यमसिंहनगर खटिमा बस्ने २७ वर्षीय सलमान शाह र २४ वर्षीय प्रभजोत सिंह खिंडा छन् । युपी ०६ बिडी ८८०२ नम्बरको भारतीय नम्बर प्लेटको मोटरसाइकललाई रोकेर चेकजाँच गर्दा उनीहरुको साथबाट लागूऔषध खैरो हेरोइन बरामद भएको प्रहरीले जनाएको छ ।
दुवै जनालाई नियन्त्रणमा लिएर थप अनुसन्धानको कार्य भइरहेको सुदूरपश्चिम प्रदेश प्रहरी कार्यालयले जानकारी दिएको छ ।
