मिनबहादुर एक लाखसहित सम्मानित

काठमाडौँ, साउन २६ गते । भुटानमा हालै सम्पन्न आठौँ दक्षिण एसियाली कराते च्याम्पियनसिपमा स्वर्ण पदक विजेता मिनबहादुर तामाङ एक लाख रुपियाँसहित सम्मानित हुनुभएको छ ।

मिनबहादुरलाई शनिबार सुस्मिता फाउन्डेसन र च्याम्पियन मार्सल आर्ट एकेडेमीले सम्मान गरेको हो । उहाँले ६० केजी तौल समूहमा स्वर्ण जित्नुभएको थियो । कार्यक्रमा अन्य खेलाडी तथा प्रशिक्षकलाई पनि सम्मान गरिएको थियो ।

सम्मानित हुने खेलाडीमा अनिल बराम, प्रशिक्षकहरु दीपक श्रेष्ठ, कुशल श्रेष्ठ, मन्देकाजी श्रेष्ठ, श्याम सुनुवा र महेश महर्जन तथा फुटबल खेलाडी रिहान बुढा हुनुहुन्छ । खेलाडी र प्रशिक्षकहरुलाई बागमति प्रदेशका मुख्य मन्त्री बहादुर सिङ्ग लामाले सम्मान गर्नुभयो ।