हमास नेताबारे मलेसियाली प्रधानमन्त्रीको पोस्ट हटाएपछि मेटाले माफी माग्यो

क्वालालम्पुर, साउन २२ गते । हमासका नेता इस्माइल हानियाको हत्याबारे मलेसियी प्रधानमन्त्री अनवर इब्राहिमको सामाजिक सञ्जाल पोस्ट हटाएकोमा टेक जायन्ट कम्पनी मेटाले मङ्गलबार माफी मागेको छ ।

अनवरको कार्यालयले मेटा प्रतिनिधिलाई हनियाको मृत्युबारे प्रधानमन्त्रीको फेसबुक र इन्स्टाग्राम पोस्ट हटाएकोमा स्पष्टीकरण माग गरेको एकदिन पछि मेटाले माफी मागेको हो । मेटा दुई लोकप्रिय सामाजिक सञ्जाल ‘फेसबुक र इन्स्टाग्राम’को मूल हो ।

“प्रधानमन्त्रीको फेसबुक र इन्स्टाग्राम पेजबाट उहाँको पोस्ट हटाइएकोमा हामी क्षमाप्राथी छौँ”, मेटाले एक विज्ञप्तिमार्फत जनाएको छ । “प्रधानमन्त्रीको उक्त पोस्ट पछि सही समाचार योग्य लेबलको साथ पुनर्स्थापित गरिएको छ।”

अनवरको पोस्टमा हामासका एक अधिकारीसँगको फोनवार्तामा हानियाको मृत्युमा शोक व्यक्त गरेको भिडियो समावेश रहेको थियो । प्यालेस्टिनी सशस्त्र समूह हमासका वरिष्ठ राजनीतिक नेता इस्माइल हानियाको इरानी राजधानी तेहरानमा मृत्यु भएको हो ।

अन्वरले साझा गरेको पोस्ट “खतरनाक व्यक्ति र संस्थाहरू” सँगको सम्बन्धका कारण इन्स्टाग्राममा हटाइएको थियो । अनवरको कार्यालयले मेटाको यो कदमलाई “स्वतन्त्र अभिव्यक्तिको दमन” को रूपमा वर्णन गर्दै माफी माग गरेको थियो । रासस/एएफपी