क्यानबेरा, जेठ २ गते । अस्ट्रेलियाको मुद्रास्फीति दर २०२४ को अन्त्यसम्ममा ३ प्रतिशतभन्दा कम हुने अनुमान गरिएको छ । ट्रेजरीले जारी गरेको प्रक्षेपण अनुसार मुद्रास्फीति डिसेम्बरसम्म २.७५ प्रतिशत र २०२५ को अन्त्यसम्ममा २.५ प्रतिशतमा झर्नेछ । ट्रेजरी प्रक्षेपणहरूले मुद्रास्फीति अस्ट्रेलियाको रिजर्भ बैंकको लक्ष्य ब्यान्डमा २–३ प्रतिशतको ब्यान्डमा फिर्ता आउनेछ देखाएको छ ।
अस्ट्रेलियन ब्यूरो अफ स्ट्याटिस्टिक्सको पछिल्लो तथ्याङ्कअनुसार मार्चको अन्त्यसम्मको १२ महिनामा मुद्रास्फीति ३.६ प्रतिशत थियो । जुन सन् २०२३ को डिसेम्बरको अन्त्यसम्ममा ४.१ प्रतिशत थियो । ट्रेजरी तथ्याङ्कले आगामी दुई वर्षको आर्थिक वृद्धि प्रक्षेपणलाई पनि डाउनग्रेड गरेको छ ।
कुल गार्हस्थ उत्पादन अब २०२४–२५ आर्थिक वर्षमा २ प्रतिशत र २०२५–२६ मा २.२५ प्रतिशतले वृद्धि हुने अपेक्षा गरिएको छ । जुन डिसेम्बरको पूर्वानुमानमा २.२५ र २.५ प्रतिशतले घटेको छ । सिन्ह्वा/न्यूज एजेन्सी नेपाल
