घुर्मीको बजार सुनकोशी पारी मानेभन्ज्याङ काटेर,
ओखलढुङ्गा रामपुर पारी मोलुङ तरेर,
ए जाउँ न घुम्न जाउँ,
संसारमै सुन्दर छ हाम्रै प्राप्चा गाउँ ।
देउरालीको पहाड माथी मुर्चलको भिर,
सफा स्वच्छ पानी बग्छ मोलुङ खोला तिर,
प्राप्चाको गाउँ माथी गुराँस फुलेको,
गुराँस फुल देख्दा मेरो मनै भुलेको ।
यहीँ पारी डाँडा तिर कोइली गीत गाउँछ,
कोइलीको गीत सुनेर यो मन प्रीत लाउँछ,
ए साथी आउ है रमाउ,
स्वर्ग भन्दा सुन्दर छ हाम्रै प्राप्चा गाउँ ।
सोलाखर्क पुगेर देवी दर्शन गर,
भालुथुम्का र श्रीचौर त्यहीँ वरपर,
रामपुर प्राप्चा गाउँ घुम्न आउँदै गर्नु है,
प्राप्चा भन्दा सुन्दर अर्काे गाउँ छैन है ।
