शक्तिशाली कविहरू जन्मे यो धरतीमा
शक्तिशाली सम्राट्हरू जन्मेसँगै
भगवान्को भजनसँगै ती सम्राट्हरूको पनि
भजन गाउँदै गाउँदै ।
प्रतिस्पर्धा नै हुन्थ्यो कविहरूको
भजन गाउनमा
राग अलाप्नमा
सुर मिलाउनमा ।
त्यसपछि, दोस्रो किसिमका कवि जन्मे
शासकहरूको शोषणको विरोधमा
क्रान्तिकारी गीत गाउँदै
क्रान्तिका लागि जनता उचाल्दै ।
क्रान्तिको सफलतासँगै
क्रान्तिकारी कविहरूले पाए
मान/सम्मान/पुरस्कार/पदवी/पद/जागिर
अनेक अनेक !
अनि ती कविमा नयाँ हर्मोन उत्पन्न भयो
तिनै जागीरे कविहरू
आजको तेस्रो किसिमका कवि हुन् !
धन्य कवि ! विचरा कविता !
