काठमाडौं, कात्तिक १४ गते । संयुक्त राष्ट्रसङ्घका महासचिव एन्टोनियो गुटेरेस र राष्ट्रिय सभा अध्यक्ष गणेशप्रसाद तिमिल्सिनाबिच भेटवार्ता भएको छ । सिंहदरबारस्थित सङ्घीय संसद् सचिवालयमा रहेको राष्ट्रिय सभा अध्यक्षको कार्यकक्षमा उहाँहरूबिच भेटवार्ता भएको हो ।
अध्यक्ष तिमिल्सिनासँगको भेट लगत्तै महासचिव गुटेरेसले उपप्रधानमन्त्री एवम् गृहमन्त्री नारायणकाजी श्रेष्ठसँग पनि भेट गर्नुभएको छ । उहाँहरूबिच गृहमन्त्रालयमा भेटवार्ता भएको हो ।
महासचिव गुटेरेसले आजै सङ्घीय संसद्का दुवै सदनको संयुक्त बैठकमा सम्बोधन गर्नुहुनेछ । चारदिने नेपाल भ्रमणमा रहनुभएका गुटेरेसले यसअघि उच्चस्तरीय भेटवार्ता र सगरमाथा क्षेत्र, अन्नपूर्ण आधार शिविर, पोखरा र लुम्बिनीको अवलोकन भ्रमण गरिसक्नुभएको छ ।
