काठमाडौं, असोज ११ गते । नेकपा (एकीकृत समाजवादी) को १५ दिने समाजवादी जागरण अभियान २०८० कार्यतालिका सार्वजनिक भएको छ ।
एकीकृत समाजवादीको उपमहासचिव एवम् प्रवक्ता जगन्नाथ खतिवडाले यो अभियानको असोज १३ गते झापाको काँकडभित्तामा दिउँसो ३ बजे पत्रकार सम्मेलन गरिने जानकारी दिनुभयो ।
उहाँका अनुसार असोज १४ गते भिन्न – भिन्न समयमा काँकडभित्ता, बिर्तामोड, दमक, उर्लाबारी, विराटनगरचोक, असोज १५ गते इटहरी, इनरुवा, भारदह र राजविराजमा जागरण अभियान सञ्चालन हुनेछ ।
असोज १६ गते बिहान राजविराज, असोज १७ मा जनकपुर, १८ गते रौतहट, १९ गते पथलैया, २० गते कावासोती, बर्दघाट लगायतका विभिन्न स्थानमा जागरण अभियान सञ्चालन हुनेछ ।
असोज २१ गते भैरहवा, बुटवल, २२ गते सैनामैना, चन्द्रौटा, २३ गते घोराही, तुलसीपुर, २४ गते नेपालगञ्ज, २५ गते राजापुर, टिकापुर, २६ गते लम्की, सुख्खड, २७ गते पुनर्वास, झलारी र २८ गते छिन्चु, सुर्खेत, वीरेन्द्रनगर लगायतका स्थानमा जागरण अभियान सञ्चालन हुनेछ ।
