काठमाडौँ, साउन २३ गते । चलचित्र ‘जुलेबी’ को ट्रेलर सार्वजनिक भएको छ । यौन मनोविज्ञानलाई केन्द्रमा राखिएको ट्रेलर सात जना पात्रको सम्बन्धको वरिपरि घुमेको छ ।
लेखक तथा निर्देशक गणेशदेव पाण्डे हुन् । पाण्डेले आफ्नो जीवनको भोगाइबाट उत्पन्न भएको कथामा ‘जुलेबी’ बनाएको बताउनुभयो । महिलाले भोग्ने सम्बन्धको कथा नै चलचित्रले बोल्ने निर्माता आभा शर्मा नेपाल बताउनुहुन्छ ।
चलचित्रमा सुरक्षा पन्त, निशा अधिकारी, उषा रजक, मोनिका थापा, सुशील सिटौला, पुष्कर कार्की, तुफान थापा, समीरमणि दीक्षितलगायतको अभिनय छ । चलचित्र भदौ १ गते प्रदर्शन हुँदै छ ।
